Grín og glens

Fyrir stuttu síðan sat kona ein á kaffihúsi og hafði það bara nokkuð gott en fékk svo óskaplega vindverki sem vildu út . Tónlistin var frekar hátt stillt svo hún laumaðist til að hleypa lofti út í takti við dúndrandi tónlistina .
Eftir nokkur lög og viðrekstur í takt var konunni bara farið að líða þokkalega . Hélt áfram að drekka kaffið sitt, en tók þá allt í einu eftir því að allir gestir kaffihússins störðu á hana .
Það var á því augnabliki sem hún uppgötvaði að hún var
að hlusta á ipodinn sinn .
,,,,mér datt þetta svona í hug,,,,

Ljóskan var sein á fund í fyrstu viðskiptaferð sinni .

Yfirmaður hennar hringdi upp á hótelherbergið hennar og spurði hvað tefði hana ..

Ljóskan afsakaði sig í bak og fyrir og reyndi að útskýra fyrir honum að hún væri að glíma við erfitt vandamál :

- Það eru þrjár dyr á herberginu mínu, kjökraði hún - Ein er að fataskápnum, önnur að baðherberginu og á þeirri þriðju stendur skýrum stöfum - “Truflið ekki” .

,,,,mér datt þetta svona í hug,,,,

Alli og Unnur voru að fagna 50. ára brúðkaupsafmæli sínu og í tilefni dagsins ákvað Alli að gefa konu sinni rándýran gegnsæjan náttkjól, sem var mjög ánægð með gjöfina .
Um kvöldið þegar þau voru á leið í bólið áttaði Unnur sig á því að hún hafði gleymt náttkjólnum í stofunni og ákvað að ná í kjólinn og máta .
Þar sem hún gengur allsnakin fram í stofuna lítur Alli á eftir henni og segir hneykslaður
-„Maður skyldi nú ætla að þeir hefðu ekki selt svona rándýra kjóla óstraujaða“
,,,,mér datt þetta svona í hug,,,,

Maður nokkur kom inn á bar og pantaði sér einn tvöfaldan . Barþjónninn sá að manninum var mikið niðri fyrir og sagði. - Þú hlýtur að hafa átt slæman dag !
-Já, sagði maðurinn, ég var að frétta að eldri bróðir minn væri hommi .
Daginn eftir kemur maðurinn aftur á barinn og pantar þrjá tvöfalda . Þegar barþjónninn spurði hvað væri að svaraði maðurinn. Heldurðu ekki að ég hafi verið að komast að því að yngri bróðir minn er líka hommi .
Þriðja daginn kemur maðurinn enn á barinn og bað um það sama og fyrri daginn, nú gat barþjónninn ekki á sér setið og sagði.- Hvað er í gangi, hefur enginn áhuga á konum í þinni fjölskyldu ?? - Jú, svaraði maðurinn.
"Konan mín"
,,,,mér datt þetta svona í hug,,,,

Jón og Gunna fóru út að ganga . Eftir nokkra göngu sáu þau einhverja klessu á gangstígnum. Þetta er hundaskítur segir Jón.- Nei þetta er ekki hundaskítur segir Gunna. Nú , segir Jón og beygir sig niður og tekur smá klessu og stingur uppí sig. Víst er þetta hundaskítur , segir hann, mikið vorum við heppinn að stíga ekki á þennan óþverra
,,,,mér datt þetta svona í hug,,,,

Eldri kona var vön að gera jógaæfingarnar sínar nakin á stofugólfinu heima hjá sér en lipurðin eitthvað farin að dala hjá þeirri gömlu . Eitt sinn þá setti hún fæturnar aftur fyrir hnakka og sat föst í þeirri stellingu
Þegar karlinn hennar kom heim um kvöldið vel drukkinn eins og venjulega og sá hana sagði hann; “Æ, greyið greiddu þér og settu upp í þig tennurnar.”
,,,,mér datt þetta svona í hug,,,,

Hér áður fyrr þegar bændur höfðu vinnufólk og lítið var um vélar, var það á bæ einum að þangað réðist mjög duglegur vinnumaður . Nú stóð svo á að bóndi þurfti að fara að heiman og vera fjarverandi í nokkra daga .

Daginn eftir fór vinnumaðurinn að slá en vinnukonan að raka en hún hafði ekki við honum. Bauðst hann þá til að hjálpa henni ef hann fengi að sofa hjá henni um nóttina. Hún gekk að því .

Næsta dag kom dóttir bónda út á tún til að raka. Allt fór á sömu leið. Dóttirin fékk einn hjá vinnumanninum .

Daginn eftir kom bóndakonan sjálf út á tún til að raka og allt fór á sömu leið og áður, og hún fór einnig í bólið hjá vinnumanninum.

Um haustið þegar vinnumanninum var goldið kaupið kom vinnukonan með lamb og gaf vinnumanni og sagði: Og hafðu svo þetta fyrir allt hitt .

Bóndakonan og dóttir hennar sáu þetta vildu þær ekki vera minni og gáfu honum sitt lambið hvor, og með sömu ummælum .

En þegar bóndi sér þetta verður hann undrandi og þar sem vinnumaðurinn var lipur og hjálpsamur taldi hann að hann gæti ekki verið minni maður en þær og færði honum eitt lamb í viðbót og sagði um leið: Hafðu svo þetta fyrir allt hitt. ,,,,mér datt þetta svona í hug,,,,

Síminn hringdi hjá dýralækninum. Mannsrödd í símanum segir: Konan mín er á leiðinni til þín með gömlu kisuna okkar . Ég ætla að biðja þig að gefa henni bara sprautu svo hún sofni svefninum eilífa án þess að þjást .

Skal gert. En heldur þú að kisa rati heim ein heim

,,,,mér datt þetta svona í hug,,,,

Nýgift hjón voru að sýna kunningjum sínum nýju íbúðina. Hún var mjög þægileg og höfðu hjónin sitt hvort herbergið.

En hvað gerið þið, spurði vinurinn, ef ykkur langar til að vera saman ?

Þá flautar hann, svaraði unga konan, og ég fer inn til hans.

En leiðist þér ekki ef hann ekki flautar ?

Þá fer ég bara í dyrnar og spyr: Varstu að flauta elskan ?

,,,,mér datt þetta svona í hug,,,,

Fullorðin kona þrígift og þrískilin fór til læknis. Doksi skoðaði hana og sagði svo undrandi. ÞÚ ERT HREIN MEY!!!!! Hvernig stendur á því þrígift?
Já, það var sko þannig að fyrsti maðurinn minn var tugthúslimur og fór alltaf í vitlaust gat.
Nr 2 var frímerkjasafnari og vildi bara sleikja.
Nr 3 var svo iðnaðarmaður og hann sagðist alltaf ætla að gera það í næstu viku.
,,,,mér datt þetta svona í hug,,,,

Fyrir löngu síðan bar svo við á bæ einum í Svartárdal í Húnavatnsþingi að ljósmóðir var sótt til sængurkonu nokkurrar. Kom ljósmóðirin ásamt fylgdarmanni sínum á bæinn laust fyrir fótaferðatíma. Gekk hún þegar til baðstofu og settist í öllum reiðfötunum á það rúmið er hún hugði vera sængurkonunnar. Dimmt var í baðstofunni og sá hún því illa fyrir sér.

Tók hún þegar að þreifa undir sængina eins og siður er ljósmæðra er líkt stendur á. Fólkið í baðstofunni heyrir nú að hún tautar við sjálfa sig: Grunaði mig ekki! Fæðist fótur!

En bilt mun henni hafa orðið er hún er hún varð þess vísari að hún hafði í myrkrinu sest á rúm bóndans en ekki sængurkonunnar

,,,,mér datt þetta svona í hug,,,,

GUÐMUNDUR OG PROCESSUS ARTICULARIS,,,,,,,,,,,,,,, Guðmundur tók eftir því einn góðan veðurdag að fermingabróðirinn á honum var að lengjast og var lengur stinnur. Varð hann gríðarlega ánægður, svo ekki sé minnst á Millu, konuna hans. En eftir nokkrar vikur var hann orðinn hátt í 50 sentimetrar. Og alltaf var Milla brosandi. En þegar hann náði 55cm lengd, var Guðmundur orðinn verulega áhyggjufullur, svo að þau hjónin fóru til dr Villhjálms, en hann var einnig vel metinn þvagfæraskurðlæknir. Eftir ítarlega og nákvæma skoðun kvað dr Vilhjálmur upp úrskurð sinn; “Að þetta ástand væri afar sjaldgæfur sjúkdómur sem kallaðist “processus articularis” eða “liðatindur” en það væri hægt að bæta hann með skurðaðgerð”. ,,Og hversu lengi verður hann Guðmundur minn á hækjum?”spurði Milla áhyggjufull. Ha, hvað áttu við?, hvað meinar þú Milla mín,? spurði Vilhjálmur læknir hissa. ,,Já á hækjum, sagði Milla kuldalega. Þú ætlar að lengja á honum fæturnar, er það ekki?
,,,,mér datt þetta svona í hug,,,,

Magga litla starir út um gluggann á kirkjuna handan götunnar og segir við mömmu sína: “Sniðugt að hafa svona kirkjur þar sem konur geta skipt á eiginmönnum.”
“Hvað áttu eiginlega við, barn?” spurði mamma hennar undrandi.
“Jú, ég hef margoft séð konur í brúðakjól fara inn með gömlum körlum og koma svo út hálftíma seinna með kornungum mönnum.” ,,,,mér datt þetta svona í hug,,,,

Gúndi glans, hraðaði sér heim eftir að móðir hans hafði hringt í hann og
tilkynnt honum að faðir hans hafði látist 97 ára að aldri.
Hann fór rakleiðis heim eftir að hafa flogið yfir hálfan hnöttinn, hann hljóp að
móður sinni og faðmaði hana með tárin í augunum.
Eftir smá stund eftir að þau höfðu grátið örlítið og strokið hvort öðru til hughreystingar, spurði
Gúndi glans, Vallý, mömmu sína, hvernig faðir hans hafi látist.
Vallý svaraði; “hann fékk hjartaáfall, já hjartaáfall fékk kallinn þegar við
vorum í miðjum ástarleik um ellefu leitið á sunnudagsmorguninn.
Nettur ógeðis hrollur fór um Gúnda litla glans, hugsaði um þau gömlu í ástarleikjum og á þessum aldri.
Og sagði svo;
Ég skil það vel, fólk á tíræðisaldri í ástarleik, það bíður bara upp á vesen og hörmungar.
“Ó neinei” svaraði Vallý gamla “það var ekki aldrinum að kenna.
Sko vinur,…. fyrir mörgum árum komumst við að því að best væri að gera það þegar kirkjuklukkurnar byrjuðu að hringja til messu.
Það var besti takturinn fyrir okkur, rólegt og gott, … einfaldlega inn þegar hún sló DING og út þegar hún sló DONG, “
Hún tók smá pásu til að þerra tárin sem runnu niður kinnarnar á henni og hélt svo
áfram frásögunni;” Og ég veit það fyrir víst að hann faðir þinn væri
örugglega á lífi ef fjárans ísbíllinn hefði ekki ekið framhjá”……
,,,,mér datt þetta svona í hug,,,,

Dagný litla var að heimsækja móður sína á fæðingardeildina:
“Mamma, hvernig kom Jói bróðir minn í heiminn?”.
Mamman: “Jæja, fyrst kom höfuðið, svo hendur og loks fætur …”
Dagný: “Og vá mamma! settir þú svo hann sjálf saman?”

,,,,mér datt þetta svona í hug,,,,

Ljósku eina langaði mikið til að veiða fisk í gegnum vök.

Dag nokkurn fór hún og keypti veiðidót sem hún þurfti til veiðanna.

Hún fann sér góðan stað og byrjaði að dorga.

Allt í einu heyrði hún dimma rödd segja..
Hér færð þú ekki eina einustu bröndu.

Það er enginn fiskur í vatninu hér.
Ljóskan leit í kringum sig en sá engan og hélt bara áfram að veiða.

Aftur heyrðist sagt.
Það er enginn fiskur í vatninu hérna.
Í þetta sinn spurði ljóskan hrædd..
Hver er það sem talar svona ?
Þá var svarað…
Þetta er forstöðumaður skautahallarinnar

,,,,mér datt þetta svona í hug,,,,

Ungur maður og ung stúlka höfðu hist á balli fyrr um kvöldið.

Eftir ballið fóru þau saman heim til unga mannsins og áttu saman unaðslegar stundir.

Þegar líða tók á nóttina vildi stúlkan endilega fara heim.

Ungi maðurinn fylgdi henni áleiðis og spurði:

“Verður þú að segja mömmu þinni allt ?”

Nei,nei, ekki henni mömmu minni.

“En hins vegar er maðurinn minn óskaplega mikið forvitinn um hvað ég geri :

,,,,mér datt þetta svona í hug,,,,

Jóhanna Sigurðardóttir var að koma á Alþingi, hún rölti af stað og labbaði þvert yfir Austurvöllinn í þungum þönkum.
Þá gerist það að styttan af Jóni Sigurðssyni ávarpaði hana : Mig vantar tvo hesta!!!
Jóhönnu dauðbrá, hljóp inná Alþingi og hitti þar fyrir Bjarna Ben og Sigmund Davíð og sagði þeim hvað hafði gerst.
Þeir hlógu og spurðu hana hvort hún væri algjörlega orðin biluð?
Nei….. komið bara með mér og heyrið sjálfir !.……
Þau fóru öll þrjú að styttunni .
Þá sagði styttan af Jóni Sigurðssyni reiðilega .. “Ég sagði tvo hesta ekki tvo asna !!!!!!”
,,,,mér datt þetta svona í hug,,,,

Jónas og Guðmundur ræddu um kynlífið. Ég tel sagði Jónas, „að kynlífið sé 90 prósent erfiði og 10 prósent skemmtun.“ „Helvítis della,“ sagði Guðmundur. „Kynlífið er 90 prósent skemmtun og 10 prósent erfiði.“ Um þetta tókst þeim að rífast heil-lengi, eða þar til einn starfsmanna fyrirtækisins, ungur maður með framtíðina fyrir sér, kom þar að. Þeir ákváðu að bera þetta undir hann. Eftir smá íhugun sagði ungi maðurinn:
„Kynlíf er hundrað prósent skemmtun!“
„Af hverju segir þú það,“ spurðu Jónas og Guðmundur báðir í einu….
„Vegna þess,“ sagði ungi maðurinn, „að ef það væri eitthvað erfiði fólgið í því, þá mynduð þið láta mig gera það fyrir ykkur.“
,,,,mér datt þetta svona í hug,,,,

Hjón tóku ungan son sinn með sér á nektarströnd . Strákurinn tekur auðvitað eftir því að sumar konurnar eru með stærri brjóst en gengur og gerist og spyr mömmu sína hvernig standi á því . “Því stærri sem brjóstin eru því heimskari kona,” svarar móðirinn.
Strákurinn skilur þetta og fer að skoða sig um á ströndinni . .Stuttu seinna kemur hann aftur og spyr hvernig standi á því að græjurnar á körlunum séu svona misstórar.
Mamman er ekki lengi að hugsa sig um:
“Því stærri græjur, því heimskari karlmaður.”
“Svoleiðis,” svarar strákurinn og fer aftur að leika sér.
Enn einu sinni kemur strákur til mömmu sinnar og segir óðamála:
“Mamma, mamma! Pabbi er að tala við heimskustu stelpu sem ég hef séð. Og því lengur sem þau tala, því heimskari verður hann..
,,,,mér datt þetta svona í hug,,,,

Gúndi gamli var að halda uppá afmælið sitt. Sá gamli var búin að vera slappur og með hita, en var aðeins að hressast.
Skyndilega finnur hann fyrir kláða í öðru eyranu, og þegar hann fer að klóra sér í eyranu finnur hann fyrir einhverju.
Jú, jú og viti menn, hann dregur eitthvað út úr því, og þegar hann skoðar hvað þetta þá sér hann að þetta er stíll, keilulaga pilla til að lækka hita.
Fólkið í boðinu starir furðu lostið……
Eftir smá umhugsun snýr Gúndi gamli sér að fólkinu og segir:
“Jæja… þá veit ég hvar heyrnartækið er
,,,,mér datt þetta svona í hug,,,,

Hermaður nokkur, er hafði fengið sér duglega neðan í því, var kallaður fyrir liðþjálfa herdeildarinnar, til að standa fyrir máli sínu.

Í varnarskini mælti hermaðurinn: Ég lenti í slæmum félagsskap herra liðsforingi. Ég átti hálfflösku af Brennivíni, en félagar mínir drukku ekki.

,,,,mér datt þetta svona í hug,,,,

Nú á mottudögum eru margir með ansi skemmtilegar mottur, sumir reyna að líkjast Burt Reynolds, Hitler eða einhverjum öðrum skeggjúðum.
En kvenfólkið þarf það ekki að vesenast í svoleiðis, nei þær setjast bara á mottuna sína.
,,,,mér datt þetta svona í hug,,,,

Ungi maðurinn var mjög rómantískur. Hann sat með handlegginn utan um stúlkuna sína eftir sælustund í grasinu. Gætilega kom hann með spurningu sem lengi hafði brunnið á vörum hans:
Hefurðu nokkurn tíma verið með öðrum manni en mér, ástin mín ?
Jaha, sko, svaraði stúlkan vandræðalega. -Í síðustu viku fór ég á bát með Nonna. Þá fór hann allt í einu að rugga bátnum svo að sjórinn flæddi inn í hann. Svo sagði hann að annað hvort segði ég já, eða við drukknuðum bæði.
Nú, og hvað svo ?
Lít ég nokkuð út fyrir að hafa drukknað ?
,,,,mér datt þetta svona í hug,,,,

Ég er sekkjapípuleikari og spila víða. Nýlega bað útfararstjóri mig að spila við greftrun einstæðings sem hvorki átti fjölskyldu eða vini.

Athöfnin átti að vera í heldur nöturlegum grafreit sem var langt úr alfaraleið. Þar sem ég þekkti ekki til á þessum slóðum, villtist ég náttúrlega og verandi karlmaður, stoppaði ég auðvitað ekki eða spurði til vegar.

Ég kom klukkutíma of seint og útfararstjórinn var greinilega farinn því líkbíllinn var hvergi sjáanlegur. Bara grafan og lið henni tengt var ennþá á staðnum og þeir voru að fá sér að borða. Ég tók þetta nærri mér og bað mennina afsökunar á því að vera seinn.

Síðan gekk ég að grafarbarminum og sá að greftrað hafði verið í hlífðarkistu því lokið á henni var greinilega komið á sinn stað. Hlaut að vera þannig jarðvegur. Ég vissi svosem ekkert hvað annað ég gæti gert svo ég byrjaði bara að spila.

Verkamennirnir lögðu frá sér matinn og söfnuðust í kring um gröfina.

Ég spilaði af lífi og sál yfir moldum þessa manns sem hvorki átt fjölskyldu né vini. Ég spilaði sem aldrei fyrr og það fyrir þennan vesaling.

Þegar ég að lokum lék “Amazing Grace” runnu tárin niður vanga verkamannanna.
Þeir grétu og ég grét og þarna grétum við allir saman.

Þegar ég hafði lokið sekkjapípuleiknum pakkaði ég hljóðfærinu saman og gekk að bílnum. Það var heldur lágt á mér risið en mér leið afskaplega vel innra með mér. Mér fannst ég hafa bætt fyrir óstundvísina og þetta hafði verið svo hrifnæm og falleg stund.

Í þann mund er ég opnaði dyrnar á bílnum mínum heyrði ég einn verkamanninn segja: “Heilaga guðsmóðir, ég hef aldrei séð neitt þessu líkt og hef ég þó starfað við að setja niður rotþrær í meira en tuttugu ár.”
,,,,mér datt þetta svona í hug,,,,