Myndagetraunin

Kærar þakkir Steini fyrir leiðréttinguna!
Nei það var þetta sem ég meinti.

Ægir og Sigga skrifaði:Anna þetta tókst, jú jú þið takið ykkur vel út. Er að spá hvort myndin sé tekin á fæðingardeildinni, það eru svo miklar græjur í forgrunni, leiðslur og þessháttar, annars til lukku ,,,,,, mér datt þetta ssvona í hug,,,,

Jú þessi mynd er sú fyrsta af okkur með ömmu-afa strák og tekin ca 40 mín eftir fæðingu.
Núna er hann mánaðargamall og við erum ekkert að skána í stoltinu
Afinn er stokkinn um leið og heyrist í guttanum, honum finnst æðislegt að fá að vera með hann

Nei, nei, það er enginn hrepparígur hjá okkur Birni, erum bara að segja frá fallegum stöðum á landinu. Jú það er fallegt á Ströndum eins og Benedikt segir, hef farið nokkrar ferðir þangað, bróðir minn á í sumarhúsi á Gjögri. Hef víða farið enda húsbílaflakkari fram í ?? er alltaf farinn af stað á flakk um landið um leið og sumarfríið hefst. Ég hef kannske verið of fljótur með að setja svarið við myndagátunni hér inn, ég sendi það einnig á stjórnanda síðunnar, Svo er spurningin hvort ekki sé rétt að setja svörin frá okkur í gestabókina, þá geta allir fylgst með , eins og hjá Flökkurum. ,,,, mér datt þetta svona í hug ,,,,

Þetta er alltaf að batna, Soffía farin að auglýsa Suðurnesin og nefnir ekki Bláa lónið, það er magnaður staður en verðlagið er ekki nema fyrir auðmenn.
Ég hef farið Reykjaneshringinn og það er alveg rétt að það er eins og maður sé kominn upp á regin öræfi ef ekki væri brimið við ströndina.
Soffía hvað með að auglýsa ferðir sem jafnist á við ferð til tunglsins, allavega var þinn gestur tilbúin að ímynda sér það.
Það er líka gaman að fara Suðurstrandaveg frá Grindavík að Þorlákshöfn og sú leið er eftir að verða vinsæl þegar komið verður bundið slitlag á vegin.
Þarna eru komnir þrír landshlutir sem við teljum frábæra hvern á sinn hátt en Ísland er stærra og ég veit um nokkra staði sem eiga alveg rétt á að vera auglýstir en það verða fulltrúar viðkomandi svæða að gera og þá kemur í ljós hvort við hin samþykkjum viðkomandi svæði.
Þessi skrif gætu vel þokast í þá átt að til yrði talsverður fróðleikur um fallega og áhugaverða staði á landinu okkar sem er eitt að þeim fallegri, eða eins og sagt var í Borgarfirði hér áður fyrr „það er fagurt á Hvítárvöllum þegar vel veiðist“
Ægir verður að segja meira en bara að sín sveit sé flottust, nefndu svæði og fallega staði.
Er ekki búin að finna út hvar myndin var tekin, verð bara að trúa svörum annarra.
Getraunin og svörin þyrftu að vera öllum sýnileg, það verður skemmtilegra að vita hvað aðrir segja.

Já það er nefnilega það félagi Björn. Einn stað alveg einstakan og á engann sinn líkan á Íslandi skal ég nefna og það er Sandfell sem er 743 .mtr á hæð, en það er við sunnanverðan Fáskrúðsfjörð. Það er dæmigerðasti bergeitill hér á landi, það er sagt að aðeins tvö svona fjöll séu til í heiminum, hitt er í Japan. Og til að segja aðeins meira um þetta merka fjall er talið að það hafi myndast fyrir 12 - 14 milljónum ára (aðeins fyrir mitt minni) þegar Reyðarfjarðareldstöðin var í fullri virkni. Þessar upplýsingar eru úr bókinni "Landið þitt Ísland" og toppaðu þetta . Það verður að vera smá grín með þessu. Það er mjög vinsæl gönguleið á Snæfell og er fjölfarin á góðviðrisdögum vegna fágæts útsýnis. Annars eru margir áhugaverðir staðir þegar ekið er fyrir Vattarnes í skriðunum, sem alltaf eru nefndar Vattarnesskriður, en heita frá Fáskrúðsfirði talið "Staðarskriður, Kyrruvíkurskriður og Vattarnesskriður. Það væri nú að æra óstöðugan að segja hér frá öllum þeim fallegu stöðum sem Austfirðir hafa að bjóða, sjón er sögu ríkari og þeim sem ekki hafa ekið um þennan landshluta ættu að drífa í því sem fyrst. En í alvöru talað er ´Island allt alveg einstök náttúruperla,við erum öll sammála með það. ,,,,mér datt þetta svona í hug,,,,

Var að skoða myndir úr vefmyndavélum þarna fyrir austan og þar ber Fáskrúðsfjörður af, það er komið myrkur alstaðar nema á Fáskrúðsfirði, þar er fallegt vetrarveður svolítill snjór á jörðu annars bara hið besta veður samkvæmt myndinni, já það er mikið rétt höfum gaman af þessu.
Takk fyrir upplýsingarnar Ægir,alltaf gaman að fræðast, verst hvað þetta tollir illa í hausnum á mér en eitthvað hlýtur að tolla.
Við þurfum að fá fleiri til að hampa sinni sveit, varla erum við þau einu sem erum ánægð með okkar þúfu?

Það er þetta sem ég hef alltaf verið að segja, það er svona bjart yfir okkur hér á Fáskrúðsfirði. Annars er vefmyndavélin ekki alveg í lagi (hún frýs) eins og tæknimennirnir segja. Annars þegar hún er í lagi þá get ég fylgst með traffíkinni á bryggjunni frá hafnarvigtinni .

,,,,mér datt þetta svona í hug,,,,

Þið eruð öfundsverðir félagar Ægir og Björn. Ekki get ég dásamað Reykjavík eins og þið gerið við ykkar heimabyggð Draumur minn frá barnsaldri hefur verið að búa langt frá borginni,helst í sveit.Við fórum eitt ár á Súganda og það var sko frábært. Hefði alveg viljað vera þar áfram en aðstæður leyfðu það ekki.

Draumurinn er að yfirgefa borgina þegar minn betri helmingur er orðinn löglegur Þá langar mig á Blönduós þar sem það er næst ættaróðali barna okkar. Það yrði frábært.

´Margir fallegir staðir á því svæði eins og Kálfshamarsvík sem er gamall sjósóknarstaður. Þið þurfið endilega að fara þangað efþið eigið það eftir. Annars eiga Strandir stórt í mér og svæðið norður eftir og einnig Klaustur.

Af hverju þarf ég að búa í henni Reykjavík?

Ekki hissa á að Ágústa öfundi okkur félagana að þurfa ekki að eiga heima í Reykjavíkurhrepp, það er að vísu spurning hvenær við í Borgarnesi verðum innlimaðir í Reykjavíkurhrepp.
Ætli við byrjum ekki á að innlima Akranes í Borgarbyggð fyrst álvershreppurinn vill ekki vera með þeim.
Ágústa vill flytja til Blönduós og það er hið besta mál, mannlífið er betra eftir því sem byggðin er fámennari og nær ekki yfir of stórt svæði.
Afi minn og amma áttu heima á Svangrund við Selvík fyrir löngu, fluttu síðan inn á Blönduós og áttu heima í svokölluðu Hillibrandshúsi, hver veit nema við séum af sama ættartrénu Ágústa.

Já Björn hvernig gat ég gelymt "BLÁA LÓNINU" staður sem mest er heimsóttur hér á landi og í túnfætinum hjá mér, ég verð nú að viðurkenna að þó þetta sé svona nálægt mér þá fer ég ekki oft að svambla þarna eins og það er notalegt en það er rétt þetta er ansi dýrt. Þarna er rekið hótel og þarna er hægt að fá gistingu og frábært landslag fyrir utan gluggann, þetta er afskaplega vel hannað allt í kringum Bláa Lónið. 2006 fór ég með félaga mína sem ég var með á Dale-Carniege námskeiði, Reykjaneshring og fengum aðila í Bláa-Lóninu til að sýna okkur heilsulindina hjá þeim, stúlkan sagði okkur hvernig þetta er rekið og það koma margir sjúklingar þarna til að fá bót meina sinna og umhverfið þarna allt mjög skemmtilegt. Ég held það sé kominn tími á að við förum með félagana Reykjaneshring......

Nú þarf að heyrast í fleiri félögum hvaða staðir eru flottir????
Já Ísland er allt flott en endilega tjáið ykkur.

Er komið rétt svar við myndagetrauninni?

B.kv.Soffía Keili

Er fært fyrir viðkvæma húsbílaeigendur fyrir Reykjanesið?
Það eru örugglega margir að vinna að ritgerð um allt það fallega og áhugaverða í sinni sveit, verst hvað fólk er orðvart, maður gæti haldið að við værum frá gömlu Sovét þar sem engin þorði að opna munninn og læknar urðu að taka hálskirtlana hina leiðina af sömu ástæðu.
Það er alveg leyfilegt að segja allt sem ekki særir og stafsetningarvillur eru leyfilegar , allavega hef ég fengið að vera með.

Tek undir með Ágústu, það er fallegt í Kálfshamarsvík, sniðugar merkingar þar sem gömlu húsin stóðu, og sérlega fallegt stuðlabergið í fjörunni. Margt að sjá á Klaustri og Reykjaneshringurinn er einnig ágætur, jú jú, þú kemst hann örugglega Björn ef þú ferð gætilega, fór þarna um fyrir nokkrum árum. Já þetta með hálskirtlana, þeir voru teknir úr mér fyrir áratugum síðan,,,,,þá út um munninn Það er kannski þessvegna sem ég hef gaman að pára svona á blað . Þetta með stafsetninguna, hún er nú stundum skemmtileg hjá fólki, en endilega látið það ekki aftra ykkur frá því að senda inn smá pistla, hér eða í gestabókina Er húsbíla myndin á forsíðunni á heimasíðunni nokkuð úr þínum bíl Björn
,,,,mér datt þetta svona í hug,,,,

Svarið er: Fjallið sem konan stendur á er Sandafell í Dýrafirði og hún horfir út á Mýrarfell og Núp

Ægir "mér datt það svona í hug" kom með rétta svarið fyrstur manna

Björn H. no. 29 skrifaði:Ekki hissa á að Ágústa öfundi okkur félagana að þurfa ekki að eiga heima í Reykjavíkurhrepp, það er að vísu spurning hvenær við í Borgarnesi verðum innlimaðir í Reykjavíkurhrepp.
Ætli við byrjum ekki á að innlima Akranes í Borgarbyggð fyrst álvershreppurinn vill ekki vera með þeim.
Ágústa vill flytja til Blönduós og það er hið besta mál, mannlífið er betra eftir því sem byggðin er fámennari og nær ekki yfir of stórt svæði.
Afi minn og amma áttu heima á Svangrund við Selvík fyrir löngu, fluttu síðan inn á Blönduós og áttu heima í svokölluðu Hillibrandshúsi, hver veit nema við séum af sama ættartrénu Ágústa.

Ég er ekki Húnvetningurinn nema að litlu leiti en Guðni ólst upp í Laxárdalnum í Refasveitinni en tengdapabbi var frá bænum Ósi á Skaga ef mig misminni ekki.

Með stafsetnigarvillurnar finnst mér bara gaman af þeim.Ég geri
þær margar á tölvunni því að ég er að flyta mér svolítið,held að ég sé svo klár að pikka hratt

Já seigur Ægir, fyrstur með svarið, til hamingju, greinilega góður í landafræðinni. Þetta var einmitt það sem ég hélt en ég man aldrei heitin nógu vel, nú þarf ég að taka upp landakortið og hafa það við hendina þegar næsta myndagáta kemur, ef það verður fjall eða fjörður sem ég veit svona nokkurn veginn hvar er en man ekki nafnið, hlýt að finna það á kortinu, ein góð með sig.

Tek undir það endilega segið okkur frá fallegum stöðum sem eru í ykkar umdæmi, blessuð montið ykkur svoldið af þeim því það er sko örugg-lega þess virði, mér finnst svo margir staðir á Íslandi fallegir og nú ætlum við hjónin að fara að skoða landið mun betur en við höfum gert hingað til, því nú er maður bara að komast í frí alla daga svo það þarf ekki að flýta sér heim í vinnuna, vinnan alltaf að trufla!!!

Og með stafsetningavillurnar, verið ekkert feimin við það þó það slæðist villur, ég segi fyrir mig ég tek viljann fyrir verkið.

Gústa hvar eru þessar myndir sem þú varst að setja inn, ég finn þetta ekki????

Steini fáum við ekki fleiri myndagátur og pússluspil???

Eitthvað á ég af myndum en ég kann ekkert að færa þetta á milli þyrfti að fara í læri til góðs meistara....

B.kv.Soffía Keili

Eru í liðnum: tenglar, æðislegt að gera svona albúm, ég ætla að læra þetta og setja þær myndir sem ég á og á eftir að taka.

Til hamingju Ægir, þú ert klár

Já þetta með landafræði kunnáttu mína. Ég hef verið svo heppinn að eiga alveg frábæra ferðafélaga til margra ára. Þá gátum við skoðað landið svo vel, hann var á jeppa, dró á eftir sér fellihýsi en ég var þá kominn með húsbíl. Þegar ekki var hægt að aka húsbílnum þangað sem við ætluðum, þá var bara hann og fellihýsið skilið eftir, og við fórum niður í allar víkur og voga þar sem hægt var að aka, .Þannig höfum við skoðað landið okkar á síðustu árum,höfum komið í alla þéttbýlisstaði en nú er hálendið eftir, höfum reyndar ekið mikið á hálendinu en það er margt eftir enn.. ,,,, mér datt þetta svona í hug,,,,

Margir fallegir staðir á Ströndum, svo sem Húsavíkurkleyf skammt sunnan við Hólmavík, en þar má finna steingervinga, en bannað að hirða. Í botni Kollafjarðar er annað svæði sem erfiðara er að komast á en þá er gengið frá Steinadalsheiði um stundar gangur að Mókollshaug en þar má einnig finna steingervinga, frá tertíer tímabilinu. Bleikan leir í bleiku holti, en þar var náma og leirinn fluttur til Danaveldis til vinnslu. En lagðist af í fyrri heimsstyrjöldinni. Fjöldi af veiðivötnum eru einnig á heiðum.
Ég á fjöldann allan af myndum en flestar á filmu, en skora á ykkur að senda mynd til Steina svo ég geti tekið þátt. Er afskaplega lengi að pikka inn orðin nota bara tvo fingur, forrit til að leiðrétta villurnar,en það nær ekki öllum. En það gerir ekkert ef þetta skilst.

Til hamingju Ægir, það er gaman af þessum myndagátum, er sjálfur óttalegur rati að muna svona, frekar að maður kannist við eitthvað af hálendinu, þá er ég að tala um þekkta staði.

Ægir, hvernig vissir þú að ég væri einn af þessum viðkvæmu, þegar við eignuðustum núverandi bíl lofaði ég fyrri eiganda að fara vel með bílinn og þá eru tröllavegir ekki það sem maður velur fyrst.
Vegurinn fyrir Reykjanesið verður seint flokkaður með þeim betri.
Myndin af Húsbílnum á forsíðunni er ættuð úr Borgarnesi held ég.
Guðmundur Sigurðsson sem var skólastjóri lengi í Borgarnesi mun hafa teiknað hana enda snillingur með pensilinn, hvort hann hafði eigin bíl sem fyrirmynd veit ég ekki, en ég var ekki komin með ferðabíl þegar félagið var stofnað.
Fjörið á spjallinu er að aukast og við þurfum að slá metið frá síðasta vetri fljótlega, systurnar ákveða dag og allir mæta, ekki satt stelpur?

Jæja þá er það Landafræði 101 - Var semsagt að henda inn myndagetraun nr.2 á húsbílasíðuna.

Góða skemmtun - Steini

Já þetta er frábær mynd, þetta er eins og eyja í hafinu en sennilega er þetta duglega fólk upp é einhverju fjalli, ég held þetta sé hafið sem blasir þarna við eða er þetta himininn??. Ég er alveg á gati nú þýðir ekkert að hafa landakortið við hliðina ég hef ekki hugmynd hvar þetta er.....
Hvað haldið þið þarna úti??
Kv.Soffía Keili

Þetta er mjög falleg mynd. Sennilega tekin norður á Hornströndum, allavega er myndin mjög lík einni sem ég sá hjá dóttur minni og tengdasyni frá því þau voru í Hornvík í sumar. Þetta er bara spennandi. Við eigum þó nokkuð af myndum frá ótal hringferðum og öðrum ferðum um landið. Nú verðum við að fara að skoða hjá okkur.

'eg veit hvaðan myndin er og má því ekkert segja

Benni ert það þú sem ert svo duglegur að labba.... já það gæti verið Hornstrandir, við fórum einu sinni með bát frá Ísafirði til Hesteyrar og löbbuðum þar um svæðið en sumir fóru og löbbuðu til Aðalvíkur en við fórum með bátnum til baka þegar við höfðum þegið kaffi hjá húsfreyjunni á Hesteyri. Það verður gaman að fylgjast með hvað fólk hefur að segja um þessa mynd.

Siggi þú ferð í safnið hjá þér og sendir Steina mynd.

Kv.Soffía Keili

Soffía mín, Siggi er nú ekki mikill tölvukarl en ef hann finnur mynd eða við saman þá sendi ég Steina, kannski fleiri en eina. Ég þarf að fá hjálp við að setja inn nöfnin okkar og svo var ég búin að senda Steina mynd af okkur hjónum. Salla