Afmælisbörnin Elín og Steini....

sko strákar mínir.

Fylgið félaginu í stóruferðum og þið fáið

Bjössi minn.... Akureyringar áttu sko sinn "Höskuld Blíðalogn" hér á árum áður. Hann er nú dáinn blessaður en reyndar held ég að nafngiftin hafi ekki endilega verið tilkomin af stillunum í veðrinu... heldur frekar því að það hafi of oft verið full mikið logn yfir kallinum. End oftast rúmlega hífaður... svo maður kveði nú ekki fastar að orði:D

kv. Steini

Hef ekki smakkað dropa í nokkra daga, held reyndar að það mundi hvessa hér ef ég væri fullur dag eftir dag eins og þeir þarna á Akureyri.

Já þú heldur að það færi þá að gnauða eilítið í Signýju
Kveðja í kotið!

Ég ætlaði nú ekki að særa neinn. Ísland er landið og því sama hvar maður er. Með svona flottar græjur eins og húsbíl þá skiptir þetta ekki nokkru máli. Ég hlakka til ferðafundarins og þá fáum við að vita hver skal halda í stóru ferðinni og þeim styttri líka. Við ætlum að reyna að komast með í sem flestar ferðirnar. Strandirnar og Vestfirði norðanverða hef ég ekki farið í mörg ár en í vor stefni ég að fara með Skólahljómsveitina í 5 - 7 daga ferð um Vestfirði en vera kominn heim til að spila hérna í Mosó þ. 17. júní.

Skrapp til Reykjavíkur seinnipartinn í gær og kom ekki heim fyrr en undir miðnætti.
Það hefur verið fjör á spjallinu í gær, bæði rætt um nýja heimasíðu og veður víða um land.

Daði það er engin þörf á að biðja Ægir afsökunar á veðrinu, hann þolir örugglega meira en smá súldarvott.
Benedikt( má ekki bara segja Benni?) er alltaf í logni og blíðu, skrítið að það skuli ekki ná svolítið inn í Hrútafjörðinn, flestir kannast við þokusuddann þar og oft sé ég ekki yfir fjörðinn þegar við erum á leið í norðurlandið.
Var kaupamaður á Kjörseyrir fyrir margt löngu en held að veðrið hafi verið betra í þá gömlu góðu daga, allavega var mest af heyinu þurkað í þá daga.
Benedikt, hversvegna verka strandamenn svona mikið í súrhey?, er það nokkuð tengt tíðarfarinu, nei bara grín.

Steini það hefur margt breyst með okkar kynlegu kvisti, áður voru þeir partur af samfélaginu en núna er þeim troðið inn á stofnun.
Ég er búin að hafa marga góða stráka af sambýlinu hér í bæ fyrir vinnufélaga.
Þeir hafa unnið part úr degi og það hefur bara verið gaman að vinna með þeim, öll erum við sérstök, hver á sinn máta.
Fyrst eftir að Dvalarheimilið fyrir aldraðra hóf starfsemi hér í bæ var oft gaman að fylgjast með gömlum bændum sem voru orðnir svolítið ruglaðir, þeir hlupu upp um öll holt til að huga að kindum og það gat komið fyrir að þeir bæðu mann að standa fyrir fénu sem þeir voru að reka.

Við verðum í bandi Anna og við spjallverjar erum örugglega eftir að hittast, hvort það verður um páskana veit víst engin.
Bið að heilsa Erni, vonandi rekst ég á strákinn fljótlega.

Sólin er að brjótast í gegn og þetta verður góður dagur í Borgarnesi

Var einhver að biðja mig afsökunar á skrifum sínum
Endilega verið ekki að afsaka skrif ykkar, þið megið ekki taka skrif mín of
hátíðlega. Lesið þau með gríngleraugunum.
,,,,mér datt þetta svona í hug,,,,

Daði var að hafa áhyggjur af því að sumir væru svo viðkvæmir!
Það þarf nú eitthvað beittara en þessi sannleikskorn svo þú leggist í þunglyndi Ægir, annar glöddu þau púkann í sumum sem hafa verið að hnýta í saklausa austfirðinga.
Annars eigum við að hafa gaman af þessu, þó svo við getum við líka orðið afskaplega málefnaleg ef það passar.
Þetta spjall byrjaði sem afmæliskveðja en hefur tekið skemmtilega vinkilbeygju.

Það er náttúrulega sól þarna fyrir austan, allavega hvarf hún í minni fögru sveit.

Björn H. no. 29 skrifaði:
Benedikt( má ekki bara segja Benni?) er alltaf í logni og blíðu, skrítið að það skuli ekki ná svolítið inn í Hrútafjörðinn, flestir kannast við þokusuddann þar og oft sé ég ekki yfir fjörðinn þegar við erum á leið í norðurlandið.
Var kaupamaður á Kjörseyrir fyrir margt löngu en held að veðrið hafi verið betra í þá gömlu góðu daga, allavega var mest af heyinu þurkað í þá daga.
Benedikt, hversvegna verka strandamenn svona mikið í súrhey?, er það nokkuð tengt tíðarfarinu, nei bara grín.

Það er nú þannig með tíðarfarið hér á Ströndum að hér rignir nánast ekkert í maí og júní en upp úr miðjum júlí fer oftast að rigna og þá er nú gott að setja í súr, í stað þess að láta allt rigna niður ein og þið gerðuð þarna fyrir sunnan .

Getur verið að Hrútafjörður hafi heitið Veðrafjörður til forna. Logn á morgnanna, norðan um miðjan daginn, síðan aftur logn um kvöldið og síðan andar köldum næturvindi af sv um nóttina

Í hæglætis norðanverðri að sumri er í Hrútafirði oftast bölvaður norðan belgingur sama má segja um Miðfjörð og Bitrufjörð og jafnvel Kollafjörð líka, en þegar komið er inn í miðjan Steingrímsfjörð dettur oftast á dúnalogn Sama má segja um innanverðan Bjarnafjörð og Reykjafjörð en þegar komið er norðar getur verið þoka og suddi. Þar er best að vera á ferðinni í S og Sv lægum áttum enda eru Strandir stundum kallaðar Austfirðir Vestfjarða.

Kveðja suður Benedikt Sigurbjörn sem bæði er kallaður Benni og Bjössi P

Núna varð ég alveg mát, helv.... var þetta gott svar.
Verð að fá smá tíma til að safna kröftum í svona galdrakarl af ströndum.
Kannski Ægir taki að sér að svara samlíkingunni Austfirðir Vestfjarða.

Sælir félagar. Já skemmtileg beyja þessi vinkill á umræðunni. Nei ég er ekki að afsaka neitt. Áfram með lognið. Það er nú sagt bæði um lognið í Hrútafirðinum að það fari mjög hratt yfir og maður verði að hlaupa með ætli maður að njóta þess.

Við Hrútabjörð stendur lítið þorp er nefnis Borðeyri. Aðeins með þremur götum sem heita:
Séstvarlagata - Telstvarlagata og Ervallagata.