Afmælisbörnin Elín og Steini....

Óska þér innilega til hamingju með daginn í dag Elín hans Daða, vonandi hefur þú átt góðan dag.

Steini minn það skellur á þig árið á morgun, svo ég óska þér alls hins besta á þínum afmælisdegi

Til hamingju afmælisbörn!

Já til hamingju með daginn Elín! og takk takk Anna

kv. Steini

Kæru vinir Anna og Steini ! Steini minn, til hamingju með afmælið á morgun. Takk fyrir góðar kveðjur til konu minnar. Þegar við komum heim eftir vinn í dag skellti ég læri út á grillið, setti kartöflur í pott, gerði sallat og bjó til sósu. (uppskriftin er: 1/2 l. matreiðslurjómi. einn paprikuostur, lambakraftur og einn banani stappaður) trixið við bananan er að maður þarf þá ekki sætuefni í sósuna og bananin þykkir sósuna. Komst að þessu við tilraunamatreiðslu í Munaðarnesi fyrir ári síðan. Þegar við hjónin, Eyþór Elmar Berg sonur Elína. (28 ára og enn á lausu) og Jónas Skaftason (pabbi Elínar einnig á lausu) höfðum gert lærinu góð skil skelltum við okkur í ísinn með jarðaberjasósu. Góður kvöldverður á þriðjudagskvöldi. Kv, Daði

Maður tekur auðvitað undir hamingjuóskirnar til Elínar og Steina

Til hamingju bæði tvö!

Annars er allt í rólegheitum sýnist mér. Ég hef ekkert að segja eins og venjulega svo ég kveð jafnskjótt og ég birtist

Úhú sonur á lausu?? Ég á eina 26 ára á lausu, á því miður enga handa pabbanum...

Það er ekki amalegt að fá svona góðan mat, endilega settu trixið með bananann í uppskriftasafnið okkar

Já, ég tek undir afmæliskveðjur til afmælisbarnanna Elínar og Steina.
Dagurinn í dag heitir " Hingunn " á föreysku, eða eins og Færeyingar segja " Hingunn er Föreysk eftirgerð av tyska nafninum Kunigunn, og varð Kunigunn, tá ið almanakkinn kom á föreyskum. Bara gaman að þessu.
,,,,mér datt þetta svona í hug,,,,

Tek undir hamingjuóskir til handa öllum afmælisbörnum.
Daði virðist kunna tökin á grillinu og maður fær vatn í munninn við lesturinn.Ég þarf að prófa banana til að þykkja sósuna.
Helga hefur örugglega gefið Steina sínum góða steik, annars er Steini sérfræðingur við grillið, það get ég vottað
Það sést líka vel á því hvað Steini smíðar fagmannlega undir ferðagrillið að þar fer maður sem elskar góðar steikur.

kveðja úr suddanum í Borgarnesi

Til hamingju með afmælið, bæði tvö!

Björn H. no. 29 skrifaði:...
Helga hefur örugglega gefið Steina sínum góða steik, annars er Steini sérfræðingur við grillið, það get ég vottað
Það sést líka vel á því hvað Steini smíðar fagmannlega undir ferðagrillið að þar fer maður sem elskar góðar steikur.

kveðja úr suddanum í Borgarnesi

Takk fyrir kveðjurnar öll!
Björn minn... steikin var einhver ofnbakaður fiskréttur og ætluðu fagnarlætin hreint aldrei að hefjast En þó fannst mér afgangurinn af honum í kvöld smakkast enn verr Þetta hlýtur að enda með steik hjá þessari elsku, annars er einboðið að ég verð að splæsa í pylsupakka og fíra í webernum

Kv. úr suddanum á Selfossi!

Fiskur, hvað er í gangi?
Hvað hefurðu gert af þér Þorsteinn?, við Kristján verðum að koma og aðstoða þig við Weberinn, eða kannski Daði geti bjargað málinu.
Pylsuuppskriftin þín klikkar aldrei en á svona tímamótum eiga menn að fá steik.
Helga hlýtur að taka málið föstum tökum núna um helgina svo þú getir tekið gleði þína.
Skrif Daða um lambalæri á grillinu með allskonar góðgæti og þú að borða fisk það bara passar ekki.

Annars bara höfum gaman af lífinu og gerum grín, það er af hinu góða.
Anna í vondum málum og veit ekki hvað hún vill, hún er að plata og er örugglega búin að ákveða hvað hún ætlar að kjósa.

Er ekki Weberinn góður?, við Þóra eru svolítið ósátt við okkar grill sem er ágætt að mörgu leiti en það gengur illa að halda hitanum inni.

Kveðja úr rigningunni í Borgarnesi

Sæll Björn!
Weberinn er alveg ágætur. Við erum með lítla grillið frá þeim og þetta er allavega alvöru smíði, sem mér finnst dulítið atriði(ekki hrifinn af hálfsmíðuðu drasli:-)
En ég hef svo sem aldrei prófað að grilla t.d heilt læri eða eitthvað í þeim dúr... en í svona hefðbundnar útilegumáltíðir þ.e allskyns sneiðar, bacon og egg, kartöflur og slíkt og þvíumlíkt er þetta tómur eðall. Svo er þetta afar nett á gas.

Eldra(fyrra) grillið sem við vorum með var svart með lausum löppum sem smellt var undir það(keypt í byko) og það grill var hreinasta hörmung. Ef smá gola þá varð að vera með gasið í botni... og ef lægði þá varð allt rauðglóandi... og á endnaum kveiknaði í því hjá mér og lappirnar brunnu inn í grillið! Og eftir að hafa verið við annan mann með sleggjupung og vænan skammt af skapvonsku, við að ná þeim undan, þá var minn maður búinn að fá rúmlega nóg og vappaði með hræið af því í Bykó og lét legggja "andvirðið" inn á reikninginn hjá sér. Aðpurður af afgreiðslumanninum hvort ég vildi "annað grill" var honum tjáð að það yrði þá af annari tegund Svo við skruppum í Húsasmiðjuna með úttektarmiða sem við höfðum fengið í happdrættisvinning og sóttum Weberinn. Það voru góð skipti.

Kv. Steini

Ég var ekkert að plata Björn minn Að sjálfsögðu studdi ég meirihlutann af okkur íslendingum og sagði NEI!

þetta með gasgrillin, ja við erum svo "old" að við viljum bara kolagrill, þegar okkar er orðið nánast grillað í gegn kaupum við nýtt og alltaf eins grill, það er nett og er ein taska samansett.
Erum á 4 grillinu núna og held að næst verður það illfáanlegt.

við hrindu í jón og önnu og buðum þau .i pönsur með rjóma og sultu

Það var alltaf vitað hvað þú myndir gera Anna, sannkristin manneskjan.
Það var hálf dapurt að horfa á leiðtogana í silfrinu hjá Agli í dag, held þeir ættu allir að draga sig í hlé.
Ólafur ætti síðan að skipa utanþingsstjórn, fá inn fólk sem getur rekið fyrirtæki.

Grill eru svolítil trúarbrögð og sumir segja að bragðið sé allt annað af kolagrillunum.
Okkar er ágætt fyrir utan þéttleikann en kannski mætti bjarga því með því að búa til hlíf úr eldvarnarteppi til að tryggja trekkleysið.

Það þarf ekki að spyrja hvar þið ferðist í sumar, svona er að vera í nefndinni.
Ég vil fara á Vestfirðina og er byrjaður að búa til plan til að selja Þóru en hún heldur að það sé betra að fara norður eða suður, svona eftir veðrinu.

Ég tel nú að best sé fyrir ykkur að skoða einn magnaðasta og fallegasta hluta landsins "Austurland og austfirsku alpana" svona til tilbreytingar frá flatneskjunni þarna á suðvesturhorninu, ég held meira að segja að Þóra sé sama sinnis. Þóra , láttu nú Björn ekki plata þig "Westur".... . bara smá....
,,,,mér datt þetta svona í hug,,,,

Nú líkar mér lífið, Ægir komin í sumargírinn og farin að auglýsa sína heimabyggð.
Ægir sparaðu mér nú leitina á netinu og settu inn alla staðina sem við Þóra þurfum að skoða fyrir austan.
Ég er nú þegar búin að leggja í mikla vinnu við að finna alla áhugaverðu staðina á vestfjörðum til að fá hana Þóru mína til að samþykkja ferð á Vestfirði, hún heldur að vegirnir séu ókeyrandi þarna fyrir vestan.
En ef veðrið klikkar er alltaf gott að eiga leið tvö klára og eins og þú hefur sagt þá er alltaf sumar og sól fyrir austan.

Já menn bara komnir í sumargírinn. Við hérna á flatneskjunni fyrir sunna erum nú enn í sumargírnum frá því í fyrra sumar. Við ætlum á Snæfellsnesið um næstu helgi þó það rigni. Verðum í Grundarfirði á föstudag, að spila tónleilka með lúðrasveitinni þar á staðnum en síðan á laugardag ætlum við bara eitthvað út í buskann, inn i "dali" eða út á Snæfellsnesið. Það er nú ekki víst að maður gefi austfjörðunum annan séns því í fyrra vorum við þar og í þoku allan tímann og skíta kulda. Ætli maður taki ekki Vestfirðina. Áfram KR

Ja nú er það grátt!
Daði skrifar
Það er nú ekki víst að maður gefi austfjörðunum annan séns því í fyrra vorum við þar og í þoku allan tímann og skíta kulda.
Ægir, þessi orð verður þú að hrekja, Elín og Daði hafa verið alveg einstaklega óheppin, ætli þetta hafi ekki bara verið mengun að sunnan.
Þau hefðu átt að hringja í þig áður svona til að tryggja sólskinið.
En hugmynd þeirra um að skoða vestfirði í sumar fellur vel að mínum draumum og ég er að gera mikið ferðaplan, bara að Þóra mín samþykki það
Ég hef verið í sólskini fyrir austan og ætla að heimsækja austfirðina aftur og aftur en Ægir verður að tryggja manni gott veður.

Næstbestur er enn í vetrargeymslu og verður út mánuðinn en þá kemur sumarið í Borgarfjörðinn, hér er reyndar oftast logn og blíða.

Hvaða Kr. kjaft... er þetta? Það er Skallagrímur sem menn dýrka hér um slóðir

Mæli með austfjörðum, er búin að koma þangað síðustu þrjú árin og alltaf sól og blíða, reyndar fékk ég einu vikuna síðastliðið sumar sem kom gott veður, en alltaf jafn heppin þar, og er á leið þangað aftur þetta sumarið reyndar í seinna lagi, upp úr miðjum ágúst. Sammála þér Ægir, veðrið er nánast alltaf gott á austfjörðum.
Það verða væntanlega Vestfirðir og norðurland sem verður okkar rúntur þetta sumarið. Gott hjá ykkur Daði og Elín að vera á Snæfellsnesi um helgina, það verður frábært ferðaveður þessa helgi. Öfunda ykkur ekkert smá að vera á þeirri leiðinni.
Gott hjá þér Björn að ná í næstbestan um næstu mánaðarmót, þá verður þú klár í páskasteikina úti í náttúrunni.
Sjáumst á ferðinni.

Já það er bara svona, er alltaf bræla þar sem Elín og Daði fara um . Ég er á því að þau hafi bara dregið þessa suddafílu með sér að sunnan. Ég veit um fólk sem er alveg sérstaklega heppið í fríum sínum, það er eins og það elti vökvun almættisins, sér sjaldan Það vita allir sem hafa verið einhvern tíma hér á Austurlandi að þetta er einhver veðursælasti staður á skerinu. Og svo erum við í beinu sambandi við almættið, svona til að þurfa ekki að halda til í garðinum með vatnsslönguna allt sumarið þá fáum við vökva úr loftinu annað slagið, annars skrælnar gróðurinn eins og þið vitið, þetta á einnig við okkur mannfólkið, eeeððaa eerr þþþaaaððð eeekkkiii. (svona smá)
,,,,mér datt þetta svona í hug,,,,

Hafdís, það var nú alveg óþarfi að láta Ægir hafa mörg sumur af sól, hann verður bara montinn, en núna verður Daði að skrifa vel um Austfirðina svo Ægir hleypi honum í gegnum göngin.
Kannski er þetta rétt að himnafaðirinn sé bara að vökva þarna fyrir austan, kannski austfirðingar séu slappir að draga garðslönguna út úr bílskúrnum.
Ætli Vestfirðirnir sé inn nú um stundir, hvert ætli Anna og ferðanefndin stefni með félagið í stóruferðinni?
Það væri gaman að skreppa eitthvað um páskana ef veðrið verður gott, veit að við næstbestur erum alveg tilbúnir í smá skrens.
Ég renni stundum um Langarima og kíki þá eftir hvort Draumakotið sé á sínum stað.

Ægir þú verður að kveða niður þetta rigningar og kulda kjaftæði, við viljum uppgefin fjölda sólskinsdaga síðustu 5 ára þarna fyrir austan.

Já , þetta með sólardagana. Hér sést ekki frá 22.nóvember til 28. janúar ár hvert,
"ástæðan" jú austfirsku alparnir skyggja á. Þetta eru nefnilega ekki neinir smá hólar . Svo má draga frá þá daga sem almættið er að vökva fyrir okkur Niðurstaðan gæti ég trúað að séu svona að meðaltali 200 til 250 dagar á ári. Það skal tekið fram að þetta er ekki hávísindaleg nákvæm könnun, held samt að ekki skeiki miklu eða þannig.
Viltu kannski hafa þetta nákvæmar Björn minn
,,,,mér datt þetta svona í hug,,,,

Skemmtilegir kumpánar þið tveir! Við fórum austur fyrir síðasta sumar, yfirgáfum RVK og Suðurlandið sem hafði besta sumrið, fórum úr 20 stiga hita sem fór lækkandi er við keyrðum norður.
Til að gera langa sögu stutta, þá lentum við í allskonar veðri, og toppurinn í kuldanum var 3ja stga hiti og SLYDDA!!

EEnnnn toppurinn var á Egilsstöðum, sól og hiti, en náði nú samt ekki hitastiginu sem var á félögum í stóru-ferð á sama tíma samt
Það var ósköp lítið sumar á austfjörðum í fyrra, svo við skulum vera góð við Ægi og gefa honum og hans landshluta sjens Sem vonandi nær Línu fyrr út núna...

Lítið gef ég upp hvað ferðanefndin er að hugsa, enda viljum við sjá sem flesta á ferðafundinum, 20 mars

Björn eigum við spjallverjar að vera í bandi fyrir páskana??
P.s....Gaman að vita að við eigum sameiginlegan vin hann Örn, við kynntumst þeim hjónum bara hérna í félaginu og höfum blandað reitum saman síðan.

Sælir félgagar! Við skutumst einmitt austur í fyrra(eins og sumarið þar áður) en í fyrra fórum við á Franska daga á Fáskrúðsfirði. Burruðum þetta á Viðhaldinu II 3 dögum eftir við keyptum bílinn. Lögðum í hann á fimmtudagskvöldi um kl. 20:30 og burrðum þetta í einum rykk austur. Vorum komin undir morgun og þokkalegasta veður þarna á föstudeginum og allavega frostlaust. Á laugardeginum var nokkurra gráðu hiti en var kominn niður undiur frostmark um miðnættið svo það varð að taka fram þvottaklemmuna svo miðstöðin tæmdi sig ekki Skaplegt veður á sunnudeginum en frekar kalt.

Renndum síðan að austan og í Ásbyrgi á sunnudeginum og gistum þar á mánudagsnóttina. Heldur hlýrra en sólarlaust á þriðjudeginum en fljótlega fór að rigna svo við tókum okkur upp og burruðum til Akureyrar. Þar var þvílíka skítaveðrið hvasst og ausandi sunnlensk rigning svo það var stoppað inn í innbæ og keyptur ís í Brynju.... síðan var burrað í gegnum bæinn og stoppað á ystu bensínstöð bæjarins og kvikindi tankað og síðan var haldið áfram og næst áð á Blöndósi. Þar hittum við Önnu og Jón og renndum í samfloti við suður daginnn eftir. Gott að koma heim aftur og þegar við stoppuðum í bakaríi austan við fjall á heimleiðinni var það svipað og þegar maður kemur á suðræna strönd. Skall á manni hitabylga

Já heima er bezt.... ískalt

Ég hend líka að veðrið sé alltaf best hér á Ströndum, logn í dag, logn í gær og hinn líka svo verður líka logn á morgun.