Allt tilbúið fyrir bifreiðaskoðun.

Aðeins gerðu þeir félagar smá athugasemdir við Krema þegar bifreiðaskoðunin fór fram s.l. ár. Að viðbættum þessum tveimur atriðum sem bent var á: skipta um stýrisenda og færa númeraljós að aftan, þá hef ég skipt um pakkdós í stýrismarskínu og var að koma inn eftir að hafa skipt um spindil í vinstra framhjóli. Þvílíkt hvað bíllinn varð léttur í stýri við þetta. Alltaf gaman að ditta að og núna er Kremi i topp standi. Kv Daði

Var einmitt að segja við Helgu að við ættum nú einu sinni að drullast til að drífa okkur á "skoðunardaginn".
Rak svo augun í það að kvikindið þarf ekki í skoðun fyrr en á næsta ári. Þoli ekki þegar er alltaf verið að hringla með þessar skoðunarreglur þótt auðvitað sé ágætt að losna við umstangið og útlátin. Ég gæti svo alveg eins gleymt að mæta með hann á næsta ári

Til hamingju með að vera búinn að gera hann kláran! Er Kremi ekki með vökvastýri?

Kv. Steini

Ekkert er betra en að vita að bíllinn manns er í lagi Geta ferðast um áhyggjulaus, og njóta frísins.
Núna í fyrsta skipti getum við tekið þátt í skoðunardegi og er það vegna nýju reglanna, sem settar voru
Nú skiptir ekki máli hvaða endastaf maður hefur í númeri, nú skulu allir húsbílar vera skoðaðir fyrir 1 ókt ár hvert, en eftir þann tíma reiknast vanrækslugjaldið
Okkar bíll endar á 9 og við förum glöð og tökum þátt í ár

Hérna er þetta svart á hvítu...
http://us.is/id/1000329

Já það er góð tilfinning að allt skuli vera í lagi með bílinn. Jú Steini, Kremi er með vökvastýri en eitthvað hefur spindillinn verið orðinn stífur því pakkdós í stýrismaskínu var farin og trúlega undan álaginu við að drífa þetta áfram. Lega var farin og ég gat ekki hreyft náið með höndunum (hægri - vinstri) áður en þetta var lagað. Núna er þetta svo létt að maður nánast finnur ekki fyrir að stýra. Léttara en í TOYOTUNNI sem er fjölskyldubíllinn.
Auðvitað mætið þið á skoðunardaginn til Rvk og fáið í það minnsta gott morgunkaffi og njótið skemmtiatriða sem skoðunarstöðin býður upp á. Það er ekki lengra fyrir ykkur að koma en þá sem búa á Seltjarnarnesi fari þeir í gegnum Hafnarfjörðinn á leiðinni upp á Háls.

Eins og Anna segir þá er þetta nýja fyrirkomulag með húsbílana flott og allir geta verið rólegir yfir vetrartímann. Kveðja úr Mosó.