Viðhaldið selt - Húsbíll óskast - BÚIN AÐ KAUPA BÍL

Sælir félagar!

Við seldum Viðhaldið í gær og erum því að leita okkur að bíl. Þetta er ansi skrítin tilfinning ekki ósvipað og að barnið manns sé að flytja til útlanda En við stólum bara á það að finna eitthvað sem okkur líkar eða, eins og Helga segir, "eitthvað sem Steini getur dundað sér í í vetur"

En ef þið vitið af góðum og rúmgóðum bíl, helst lágþekju, þá endilega hafið samband annað hvort með því að senda okkur mail og/eða að hringja í síma 893 5804.

Steini & Helga, hin Viðhaldslausu

BÚIN AÐ KAUPA BÍL

Til hamingju með nýja Viðhaldið.
Það er aldeilis kraftur í ykkur Helgu, búin að selja Viðhaldið og varla búið að ganga frá sölunni þá er auglýst eftir húsbíl og stuttu síðar er búið að versla nýjan bíl.

Fær maður ekki mynd senda af gripnum og svo þarftu að breyta upplýsingum, þetta númer MR 352 er varla gilt lengur hérna.
Það þarf ekki að hafa áhyggjur af því að þú sinnir ekki nýja Viðhaldinu vel, spurning hvað Helga samþykkir að þú eyðir af tíma og peningum í nýja Viðhaldið.
Kíki fljótlega og fæ að sjá.
Kveðja.

Sæll Björn!
Já ég flýg norður núna í hádeginu til að ganga frá þessu og burra svo til baka í kvöld eða fyrramálið. Sko ég vil ekki "jinxa" þessu, eins og kaninn segir, með því að setja inn myndir og númer fyrr en þetta er bara komið á mitt nafn

Vinur minn sem skoðaði hann (og reyndar fann hann fyrir mig), sá sami og smíðaði eldhúsbreytinguna í Ducatoinn, sagðist í fljótu braðgi ekki sjá annað en að þessi væri eins og úr kassanum og því ekkert fyrir mig að gera... en ég gæti auðvitað látið leðuklæða hann á meðan ég hugsaði mig um

Við vorum að gantast með það að kannski myndum við bara láta þennan heita "Framhaldið" eða jafnvel þar sem hann hefði verið dýrari og því væri kannski réttast að láta hann heita "Aðhaldið". Hann væri hvort eð er of langur til að láta hann heita "Nærhaldið"

Sendi þér póst minn kæri!

Kv. Steini

Hei til hamingju með nýja bílinn, fær minns ekki líka póst með myndum

hafdísjúlía skrifaði:Hei til hamingju með nýja bílinn, fær minns ekki líka póst með myndum

Takk takk... komin á Suðurlandið á slækinu... alsæll með gripinn.
Ég sendi þér áðan póst á einhverja "Focal" addressu sem ég fann...?... er ekki viss hvort það er sú rétta.... en annars er hægt að skoða albúm með myndunum með því að smella hér

Jæja farinn að kasta mér... - Kv. Steini

Ég tók eftir því Steini, að undirtextinn þinn hefur breyst. Þar stendur nú Transit í stað Fíat áður. Til hamingju með gripinn. GTh.

Til hamingju með nýtt Viðhald. Flottur bíll, enda sama tegund og okkar. Forvitnilegt væri að vita hvað þú gafst fyrir hann, eða er það kanski leyndó? Þú getur svosem hvíslað því að mér seinna. Aftur til hamingju .

Gunnar Th.,222 skrifaði:Ég tók eftir því Steini, að undirtextinn þinn hefur breyst. Þar stendur nú Transit í stað Fíat áður. Til hamingju með gripinn. GTh.

Takk takk... Já maður verður að prófa þetta allt saman svo maður hafi samanburðinn:-)

Kv. Steini

Sponni 447 skrifaði:Til hamingju með nýtt Viðhald. Flottur bíll, enda sama tegund og okkar. Forvitnilegt væri að vita hvað þú gafst fyrir hann, eða er það kanski leyndó? Þú getur svosem hvíslað því að mér seinna. Aftur til hamingju .

Takk takk... var að senda þér mail:-)

Kv. Steini