Eru menn eitthvað að brasa í bílunum í vetur?

Það er aldeilis dekrið við Viðhaldið, ég hélt að þið væruð á nánast nýjum bíl og var svo farin að halda að stóri hundurinn hefði étið eldhúsinnréttinguna.
Flottar myndir af framkvæmdunum og þú hefur verið með verðlaun, það leynir sér ekki.
Það er eitt sem ég tók eftir við nýju skúffurnar, þær virðast ekki vera með læsingu, allavega sést það ekki á forstykkjunum.
Maður er vonandi eftir að sjá þetta síðar og þá er eins víst að ég lendi í vandræðum með að verja þýska handverkið sem mér var sagt að væri það besta sem völ væri á.
Ég sótti númerin í gær og aldrei að vita nema maður sæki vininn um helgina ef veður leyfir.

Sæll Björn og gleðilegt sumar - Já maður gengur ekki alveg heill til skógar frekar en fyrri daginn:-)

- Já ég setti mjúk- og sjálflokandi DVD próflila(þýzkar brautir ) á skúffurnar sem eiga að koma í veg fyrir opnun á ferð... sem ég vona að standist, en það þarf smá átak til að opna þær fyrstu tommuna eða svo og síðan mýkist átakið...

Já heldurðu ekki að ég hafi allt í einu munað eftir þessu Koníaki sem var á hraðferð fram yfir síðasta söludag og hafði hangið yfirgefið og óopnað uppí skáp í þónokkur ár

Sjáumst hressir!

Drífðu í því Björn, það er orðið stutt í fyrstu ferð Vonandi er það á planinu hjá flestum spjallverjum að mæta.
Hlakka bara til og við stefnum á fyrstu ferð, en þið öll??

Steini ef þú ætlar að halda Viðhaldinu sem slíku þá máttu ekki gera allt í einu, sko viðhald á að duga í nokkur ár

Jæja þá var verið að vinna í Viðhaldinu og það er eins og fyrri daginn að um það leyti sem allt er að klárast þá fær maður ýmist "hugdettu" eða neyðist til að fá "hugdettu" og það varð raunin í dag. Ég er semsagt búin að ganga frá klæðningunni að aftanverðu við borðið en ákvað nú í kvöld að fjarlægja óhræsis röragrind sem er nokkursskonar sætisbaka- og hnakkapúðagrind, sem festist bæði útí hliðina og er síðan frá gólfi og uppí topp. Hún fer semsagt burt og í staðin set ég plötu frá gólfi og upp fyrir hnakkapúða, svona svipaða og er á milli rúms og sæta að aftan. Þannig verður enn betra að fara frá stýrishúsi og afturí og skárra útlit.

Svo núna er maður hálf strand...enda örugglega allt lokað á degi verkalýðsins

Kv. Steini

Jæja, þá er búið að skipta um tímareimina og það var skipt um olíu og frostlög um leið.
Það sá ekki á gömlu reiminni orðin átta ára og búin að skila bílnum 50 þúsund km.
Ég hefði ugglaust getað sleppt að skipta þetta árið en þá hefði maður verið með áhyggjur allt sumarið og það bara kann ég ekki.
Það borgar sig ekki að gera frostlögin gamlan, tæringarvörnin hverfur og vatnsgangurinn fer að ryðga og það sest í miðstöðvarelimentið og víðar.
Þóra búin að þvo gardínurnar og svo á þessi elska eftir að laga svolítið tjaldið fyrir svefnrýmið.
Bíllinn er í Reykjavík og við sækjum hann á morgun, aldrei að vita nema maður sofi eina nótt eða svo svona til að taka úr manni mesta óþolið.

Hvernig er hjá þér Ægir, ert þú búin að skipta um tímareimina?

Ég hélt að þú værir farinn af landinu eftir gjaldþrot sparisjóðsins, það hefur ekkert sést til þín lengi ,nei smá... Nei heyrðu , ég var bara að taka bílinn í hlað og var að ganga frá númeraplötunum á honum áðan. Er ekki búinn að skifta ennþá um reimina. Það er hálfgerður snjóhraglandi að sjá núna í dalinn, og spáin er ekkert spes fyrir útilegu hér um helgina. Sumarið hefur ekki sést hér ennþá, ég veit ekkert hvert það fór eða þannig. ,,,,mér datt þetta svona í hug,,,,

Er hérna enn þrátt fyrir hrun sparisjóðsins enda varla hægt að segja að maður hafi komið þar í mörg ár, konan er okkar heimabankastjóri og ég fæ bara vasapening.
Það hefur svo lítið verið að gerast á spjallinu að ég hef bara verið að lesa skrítlur og gestabækur.
Ansi var hann nafni minn viðkvæmur, já og þú grimmur við karl greyið.
Ég hélt að ég ætti helling af skrítlum en það eru margar sem þú hefur látið frá þér sem verða settar í safnið.
Það er rétt að það vorar hægt þessa dagana en ætli maður láti sig ekki hafa það að sofa eina nótt eða svo þó það sé mínus á kortunum.
Þetta á að vera heilsársbíll og þá ætti að vera í lagi þó hitastigið sé lágt, við notuðum Fordinn allt árið og þá ætti þessi að þola það með þessari yfirstærð af miðstöð.
Hvað segja Dalvíkingar um vorið, hef ekki séð neitt frá þeim lengi, ég hélt að það kæmi alltaf maður í manns stað.

Já sumarið hefur látið á sér standa þetta árið, nú hefur éljað niður í miðjar hlíðar í nótt og morgun,. Annars var það í maí ´68 að þá var töluverður snjór og fjörðurinn var fullur af ís og þá fórum við nokkrir strákar gangandi frá bæjarbryggjunni á ís þvert yfir fjörðinn og í fjöruna sunnan fjarðar. Ég man hvað okkur þótti þetta vera kúl, eins og unglingarnir segja í dag, en það þótti ekki sniðugt hjá öllum. Nei , mér finnst það alveg lágmark þegar einhver er að senda manni tóninn að hinn sami sé ekki að fela sig , komi fram undir nafni og númeri hafi hann eitthvert númer, annars eru menn seiði í mínum augum. ,,,,mér datt þetta svona í hug,,,,

Hef lesið svo mikið gott um Kistufell hérna hjá ykkur svo ég má til með að segja ykkur frá atviki sem faðir minn upplifði. Málið er að þar sem litli Poloinn hans fór í klessu ákvað karl að skipta um tímareimina í leiðinni.
Fór hann í Heklu til að fá ljósrit af stillingunni, en þeir ætluðu að rukka hann á 7 þúsundið fyrir!

Hann skellti sér í Kistufell og keypti tímareimina og bað um ljósritið, var honum rétt tvö blöð og bara gjörðu svo vel!

Það kostaði ekki krónu, hvernig er Heklumönnum stætt á að rukka fyrir þetta???