Allir hressir vonandi?

Hérna megin eru allir þrælhressir. Sluppum fyrir horn(held ég alveg örugglega) með óvelkomið got. Mikið skelfing er það gott,ekki mín deild að stússast með hvolpa.

Dóttirin ekki orðin léttari komin langt framyfir en hin hressasta.Annars bara bið eftir sumrinu eða þannig.Rétta röðin væri frekar Góugleði, ferðafundur,útlandaferð,páskar og svo svorið og sumarið

Eitthvað að frétta af ykkur vetrarförum?

Komið núna á létt spjall og höfum skemmtilegt.Allt bull leyfilegt!!

Það er aldeilis frjósemin þarna í kringum þig.
Verður tengdasonurinn ekki að fá lánaðan gamlan Landrover og bjóða sinn heittelskuðu einn rúnt í gegnum Bláfjöllin og þar í kring, Landrover var ekki vanur að klikka í svona málum hér áður fyrr.

Hressir hvað? Varla ég, get varla pikkað stafina núna EEEErrr svooooo að deyja úr strengjum og vöðvabólgu.
Búin að moka mikinn snjó og oft í dag Ætla nú samt ekki að blóta snjónum, mannsins vegna fær þó vinnu út á hann
Annars bara allt gott að frétta héðan, litla ömmugullið fer stækkandi og eineggja tvíburar nýkomnir í fjölskylduna og svo er verið að bíða eftir tveimur í viðbót, sem eiga að vera komin Gústu-ömmubarn annað þeirra.

Björn H. no. 29 skrifaði:Það er aldeilis frjósemin þarna í kringum þig.
Verður tengdasonurinn ekki að fá lánaðan gamlan Landrover og bjóða sinn heittelskuðu einn rúnt í gegnum Bláfjöllin og þar í kring, Landrover var ekki vanur að klikka í svona málum hér áður fyrr.

Það er nú spurningin!Stelpuskottið er svo hraust að hún afþakkaði inngrip hjá eftirlitinu í dag. Annars er afinn að vonast til að hann fái barnið í afmælisgjöf 2.feb

Það er nú spurningin!Stelpuskottið er svo hraust að hún afþakkaði inngrip hjá eftirlitinu í dag. Annars er afinn að vonast til að hann fái barnið í afmælisgjöf 2.feb

Stelpan gaf pabba sínum stelpu í "afmælisgjöf" 17 merkur og 53 cm!
Það geta fleiri montað sig en hún systa

Til hamingju!

Góða kvöldið öll
Til hamingju þið sem eigið öll þessi yndislegu börn og barnabörn og hvolpa og hvað eina sem er í gangi,
það er greinilega mikil frjósemi í kringum ykkur þarna.
Hér sig ég heima veik og hef verið þessa vikuna, það er svo mikill kuldi úti að allt tal um útilegur í bili er ekki alveg á dagskrá hjá okkur þessa dagana.
En samt er mann farið að dreyma um útilegur og ferðalög, en miðað við ástandið í þjóðfélaginu þá veit maður ekki hvernig hlutirnir þróast í sambandi við ferðalög, allavega fer maður ekki til útlanda með bílinn eins og einu sinni var á áætlun, enda kostnaður með norrænu orðinn óheyrilegur og get ég ekki ímyndað mér annað en að það verði mikil fækkun á ferðalöngum út þetta árið allavega.

Já Hafdís og afþví að við eigum nú öll að vera svo ofur jákvæð og alles á þessum síðustu og v... þá gerist maður bara þakklátur fyrir hækkunina og sparar sér greinilega offé á því að vera bara heima þetta árið

Láttu þér batna stelpa og skilaðu kveðju til Kristjáns..

Já satt segir þú Þorsteinn, og ég skal sko segja þér það að það er sko draumurinn minn að vera bara hér á íslandi að ferðast í sumar, ég elska að ferðast á Íslandi. Við ætlum allavega ekki að ákveða neinn hring eins og í fyrra og vera allstaðar annarsstaðar heldur en sólin og hitinn eru. Manstu í fyrra þegar við lögðum af stað, það spáði svo vel, en svo var skítakuldi og hitinn var allur fyrir sunnan, ég sagði henni Ingu Hrefnu að við ætluðum ekki að skipuleggja neina ákveðna staði fyrir framm núna í sumar, ekki þar fyrir að þetta var mjög skemmtileg ferð og ég hefði ekki viljað missa af henni fyrir neitt annað, en hitinn var samt eftir fyrir sunnan ,manstu.
Ég hlakka svo til sumarsins get eiginlega varla beðið eftir því.
maður getur líka farið bara upp í Heiðmörk, eins og KJ segir alltaf.
SKilaðu kveðju til þinna

Hæ öll sömul.
Já nú er hann kaldur úti en það er búið að vera fallegt veður undanfarna daga.
Til hamingju með öll þessi blessuð börn það er frjósemin hjá ykkur og Gústa skilaðu kveðju til Guðna og hamingjuóskum með afa-og ömmubarnið ykkar og er sá gamli ekki montinn að hafa fengið barnið í afmælisgjöf, yndislegt.

Nú er maður farinn að telja niður, hlakka mikið til sumarsins, styttist í að ég hætti í vinnunni og ferðalög taka við.....

Kveðjur til allra
Soffía Keili

hafdísjúlía skrifaði:Já satt segir þú Þorsteinn, og ég skal sko segja þér það að það er sko draumurinn minn að vera bara hér á íslandi að ferðast í sumar, ég elska að ferðast á Íslandi. Við ætlum allavega ekki að ákveða neinn hring eins og í fyrra og vera allstaðar annarsstaðar heldur en sólin og hitinn eru. Manstu í fyrra þegar við lögðum af stað, það spáði svo vel, en svo var skítakuldi og hitinn var allur fyrir sunnan, ég sagði henni Ingu Hrefnu að við ætluðum ekki að skipuleggja neina ákveðna staði fyrir framm núna í sumar, ekki þar fyrir að þetta var mjög skemmtileg ferð og ég hefði ekki viljað missa af henni fyrir neitt annað, en hitinn var samt eftir fyrir sunnan ,manstu.
Ég hlakka svo til sumarsins get eiginlega varla beðið eftir því.
maður getur líka farið bara upp í Heiðmörk, eins og KJ segir alltaf.
SKilaðu kveðju til þinna

Já ég man sko eftir "hitanum" fyrir norðan... þoka og komst einu sinni í 13 stig(um miðjan júlí) þegar við vorum á Akureyri:-) Enda var þetta eins og að koma til spánar þegar ég sté útúr Viðhaldinu eftir að hafa burrað í beit að norðan:-) Við ætlum reyndar að fara í aðra svona rólegheitaferð norður... og dúllast bara en auðvitað reynir maður að hafa veðurguðina með í för... Við bara gáfumst uppá að vera fyrir norðan vegna veðurs í fyrra... langar að taka góðan rúnt um þingeyjarsýslurnar, Ásbyrgi, Mývatnssveitina, Vaglaskóginn, Eyjafjörðinn, svo þarf að heimsækja sigló og svo framvegis:-) ...Nema að maður skelli sér bara í Þrastarskóg:-) Best að plana sem minnst:-) - Já það má sko skella á með vori á morgun mín vegna...

Það er vorhljóð í lofti á síðunni, ætli farfuglarnir fari ekki að sýna sig fljótlega.
Það má búast við að það verði færri sem notfæra þjónustuna hjá Norrænu, en við ætlum að komast aftur í Evrópuferð, þó ekki sé það á dagskrá þetta sumarið en koma tímar koma ráð.
Kannski það sé betra að fljúga og leigja bíl, eða bjóða einhverju góðu fólki þarna handan atlandsála bílaskipti, væri verðugt verkefni fyrir félögin á Norðurlöndum.
Það er best að hætta þessu draumarugli.
Ætli maður sé nokkuð að skipuleggja sig um of, betra að láta veður ráða för og aka í sólarátt.

Já Þorsteinn það er einmitt það sem okkur langar að gera í sumar að ferðast á þessu svæði
erum einhvern veginn alltaf búin að sleppa norðausturhorninu og svo vestfirðir
og norðvesturland.
En Björn þetta er bráðsniðug hugmynd og endilega koma þessarri hugmynd á frammfæri við
húsbílafélagið að kanna áhuga norðurlandafélaganna á svona bílaskiptum, fólk er að skipa á íbúðum í evrópu og hér af hverju ekki bílum líka, þetta er eins og leigja sumarbústaðinn þinn út
mæli með þessu, viss um að þetta væri mikið ódýrara heldur en að fara út með bílinn
Bróðir minn hefur leigt svona íbúðina sína í nokkur skipti og farið víða um Evrópu í íbúðaskipti
stórsniðugt kostar bara flugið á milli því þú þarft jú alltaf að borða, síðasta sumar var hann í Nice og átti þar frábæra daga, og fólkið frá Nice var hér með íbúðina, tjaldvagninn og jeppann þeirra og ferðaðist um Ísland og voru alsæl með börnin sín hér, og dreymir um að koma aftur.
Við ættum að láta kanna áhuga húsbílafélaga erlendis á svona skiptum, mæli með því.
þá er kannski styttra í ferðalag út heldur en við höldum.

Það væri snilld að hafa samband við norræn húsbílafélög og athuga með svona bílaskipti, þetta væri eitthvað sem ég gæti hugsað mér, frekar en að eyða einhverjum dögum af sumarfríi að hanga á sjó

Þess vegna flugum við út og leigðum bíl 2007, því að fara með Norrænu er bara rán, og ekkert okkar leist á sjóinn og sóun á sumarfrísdögum Reyndar spöruðum við slatta af evrum við að vera öll saman á einum bíl, enda kostur að skiptast á að keyra

Um leið og við búum ein í okkar húsi, vil ég fara út í þau skipti.