Myndagetraun nr. 4

Var að henda inn myndagetraun nr. 4 - Endilega sendið mér svörin með því að smella á hlekkinn á getrauninni.
Góða skemmtun!

Kv. Steini

Takk fyrir, það er komin ný mynd og nú verðum við að klóra okkur áfram.
Held að myndin sé við sjávarströnd frekar en inni í landi.
Hvar er hraunið svona dökkt, hvaða staðir koma til greina.
Gæti verið í Vestmannaeyjum?
Gæti verið á Reykjanesinu?
Gæti verið á Snæfellsnesinu?
Það virðist lítill sem engin reki þarna, fjaran er svo hrein, svolítill gróður en hraunið virðist ná yfir stórt svæði.

Sem Vestlendingur verð ég að nefna Snæfellsnesið án þess að vera komin með neinar haldbærar heimildir.
Hjálpumst að og finnum staðinn.
Hver getur gefið vísbendingu?

Mér datt strax í hug Vatnsleysuströnd.

Átta mig ekki á hvar myndin er tekin.
Dettur helst í hug Selvogurinn eða svæðið þar.
Fjöllin, geta það verið fjöllin ofan og sunnanvið Grindavík? Síðan er Reykjanesið í fjarska?

Við Grindvíkingar erum sammála Benedikt um að myndin sé tekin hér fyrir austan okkur, en við segjum austari víkin við Selatanga. Fórum oft þangað með börnunum hér einu sinni.

Dagbjartur skrifar.
Gæti verið að myndin sé tekin vestarlega í Ögmundarhrauni og sjái vestur í Selatanga og fjöllin norður og vestur af Ísólfsskála og væri þá miðfjallið Festarfjall rétt austur af Grindavík. Nr. 44 í Húsvagnafélaginu.
Hvað segið þið þarna á Reykjanesinu, er þetta í áttina?
Verð að viðurkenna að Snæfellsnesið var ekki alveg að passa, en maður veit aldrei.
Lét mér detta í hug yðst á nesinu, mynnti svolítið á Dritvík og Djúpalónssvæðið og þar fyrir vestan.

Já ég er ekki frá því að þessi mynd sé tekin frá Ögmundarhrauni í átt að Selatanga og fjallið í miðið sé Festarfjall og hitt Lyngfell , og næst á mynd sé austari víkin við Selatanga í Ögmundarhrauni. ,,,,mér datt þetta svona í hug,,,,

Eruð þið búin að senda Steina svarið, ég er alveg blankur, get vel samþykkt suðurströndina eins og þið eruð að tala um.
Maður vill nú verja sinn landshluta, það er víða fallegt á Snæfellsnesinu, jú, jú það er líka fallegt að aka suðurstrandaveg og eftir að verða betra.

Sko...þetta eru alltof þungar myndir... Þið eruð svo klár í fræðunum að maður ba-ba-bara skammast sín