Helgin byrjuð.

Förum ekkert þessa helgi, en er í góðum gír í vorfílingi. Sjálfsagt margir farnir af stað enda sá ég fólk á húsbílum streyma úr bænum og m.a.s. jeppa með fellihýsi.
Er bara með tólin á eyrunum stillt á YouTube og er að hlusta á uppáhaldslögin
Vafra um á netinu, kíki á ykkur, barnaland.is og alls konar vefi um veiði og fl.
Eru einhverjir eins aumingjalegir og ég?

Sko við ætluðum að fara eitthvað í fyrramálið, en það er alltaf eitthvað að koma uppá svo ég veit ekki hvort ég verði ekki bara í kertagerðinni um helgina, en ég vona að Steini geti reddað þessu. En það kemur helgi eftir þessa, svo þarf að fara hreinsa garðinn svo það er hellingur að gera þó við förum ekkert, en það má láta sig langa?

Það er svo margt annað sem þarf að gera, t.d. garðurinn, verð að klára hann um helgina svo dagmömmudraumarnir mínir komist út í öruggt umhverfi Hef hingað til farið með börnin út framan við hús í sólina, en þar er ekki eins vel girt og út í garði. Sem sagt ég starfa við daggæslu barna og er þess vegna heima við allan daginn.
Svo eins og þú segir, Helga það koma helgar eftir þessa, en maður er bara orðinn svo óþreyjufullur að komast af stað
Við ætluðum að gista fyrstu nótt í bílnum þetta árið við bústað hjá bróður mínum, en það verður næstu helgi, vonandi. Annars er það hvítasunnan

ég er að koma mér út í kertagerð. er með tilboð í gangi svo það verður reytingur að gera næstu daga. Ég fór þó út í smá labb með Ýmir minn við eru ágæt saman en honum finnst ég nú ganga full hægt fyrir hans smekk

Það er aldeilis búið að nýta helgina á þessum bæ, karlinn eins og undin tuska og ég ekki skárri
Nú er líka garðurinn orðinn fínn, búið að hreinsa öll beð, rífa niður gamlan sandkassa og setja upp rólur
Barnagirðingin yfirfarin og allar stéttar sópaðar og fínar
Það var nú meira erfiðið að taka upp graskant sem var orðinn ansi gróinn út fyrir lóð
En bóndinn ekki lengi að redda málum hann mætti á gröfunni og skóf allan kantinn burt ásamt steyptum sökklum og gegnfúnum staurum.
Þá er bara eftir að mála, girða og laga glugga og ditta að húsinu.

Það verða glöð kríli sem sleppa út í garð í fyrramálið

Til hamingju með þetta það er svo gott þegar þessir hlutir eru búnir, ég er viss um að krakkarnir verða yfir sig glaðir.