Hvar er fólkið ?????

Það eru ansi daufar spjallsíðurnar hjá okkur húsbílafólki þessar vikurnar, eru allir komnir á feisbókina. Þetta á við hjá Flökkurum, félagi húsbílaeigenda og líka hjá húsvagnafélaginu. Nú er miðvikudagur á að prófa eitthvað hér ? ,,,,mér datt þetta svona í hug,,,,

Sæll Ægir minn hér er ég
Er alveg til í að vekja upp spjallið aftur, jú ég er á fésinu og líkar vel.

Nú væntanlega hefur fólk verið á ferðinni í sumar og gaman væri að fá einhverjar ferðasögur
Við hjónin sem höfum venjulega átt ca 65-70 nætur í bílnum yfir árið erum kannski rétt skriðin yfir 20 núna og ég sem gaf kost á mér í ferðanefndina gat bara farið í 3 ferðir
Allt hefur sínar ástæður og er allt á betri veg núna. Við stefnum á aðventuferð bráðlega og verðum allavega eina nótt í janúar. Svo er bara að vona að næsta ár verði veðragott og áður en maður veit af kemur aftur vor/sumar
Gaf kost á mér aftur og starfið á fullu þessa dagana að skipuleggja næsta ferðaár.

Þá er að fylgjast vel með hvert farið verður í stóruferðinni, ætla að skoða það að mæta þar, við sjáum til.
,,,,mér datt þetta svona í hug,,,,

Jæja, þetta var allavega tilraun, verða kannski fleiri spjallverjar á næsta miðv.dag. Bið að heilsa.
,,,,mér datt þetta svona í hug,,,,

Sælt verið fólkið"

Ég ligg hérna á Landsanum í góðu yfirlæti "útblásinn og fóðraður" í tvennum skilningi
Var búinn að vera með helvítis verk í gegnum mig í 2-3 mánuði og þetta var skrifað á bakflæði og svæsinn brjóstsviða. Sendu mig meira að segja í magaspeglun og hvaðeina. Vaknaði svo aðfaranótt mánudags við það að verkurinn var loksins farinn út í hendina(eitthvað sem undirritaður var búinn að bíða eftir vikum saman)... svo það var mál að koma sér í garmana og láta Helgu hringja á lækni.

Nú húsið fylltist svo af fólki sem fannst ég greinilega eitthvað í slappari kanntinum og setti mig á bæði nítró og súrefni og skutlaði mér síðan, marflötum, í bæinn. Eftir allskyns stungur mælingar og álagspróf var ég svo þræddur seinnipartinn á þriðjudaginn og blásnar út tvær alstíflur og sett inn einhver stoðverk svo nú drekk ég aftur orðið kaffi með bros á vör án "brjóstsviða"

kv. Steini

Gott Steini minn að þetta reddaðist, hefði ekki viljað sjá þig flatan í kassa.
Vona að þeir hafi fundið út úr þessu og þú sért að verða eins og nýsleginn túskildingur.
Getur farið að hlaupa á eftir Helgu þegar þú kemur heim.
Við erum búin að vera töluvert mikið á ferðinni í sumar, en því miður hefur bíllinn staðið meira og minna
heima við síðan í haust, höfum bæði haft svo mikið að gera og ég í skólanum svo helgarnar hafa verið
uppteknar, en það stendur nú allt til bóta, og það vonandi fljótlega.
Veðrið hefur nú verið svo frábært að það er alveg hægt að vera í útilegu enn.
Hafið það gott.

Hæ hæ. Gott að heyra að Steini sé kominn " í lag " alveg ómögulegt þegar menn ganga ekki á öllum. Vona bara að hann sé kominn í lag forever. Já hvernig væri að lífga aðeins uppá þetta hjá okkur á spjallsíðunum. Kíkjum á þetta næsta miðvikudagskvöld. Því miður hefur maður ekki aðstæður til að ferðast á húsbílnum á þessum tíma, nú eru reyndar auðar götur en annars snjóaði dálítið hér um daginn og þegar hlánaði var hér fljúgandi hálka. En vonandi "hittumst" við hér fljótlega. ,,,,mér datt þetta svona í hug,,,,

Þetta líkar mér, gamla síðan ekki alveg dauð og við ekki heldur.
Gott að heyra að allir eru á batavegi og vel líst mér á að hressa uppá gamla spjallið.
Ekki tel ég næturnar sem við sofum í bílnum en þær eru nokkrar í sumar.
Skruppum Vestfjarðahring og fórum norður á Fiskidaginn mikla, flottasta flugeldasýning sem ég hef séð.
Síðan voru allskonar helgarferðir mismunandi langar og síðasta ferðin var helgina 9 okt. og vorum við á góðum stað við Kollafjörðin og horfðum á þegar kveikt var á friðarsúlunni.

Enn vorum við Vírnetsfólkið seld í dag, það er búið að selja okkur svo oft á liðnum árum að maður er hættur að telja.
Það jákvæða er að alltaf vilja einhverjir eignast okkur.
Héldum heljarmikla árshátíð á síðustu helgi undir nafninu Límtré Vírnet

Hef verið að aðstoða eina dóttur okkar við standsetningu á húsnæði, gott að hafa hamarinn í þjálfun.

Kveðja úr Borgarnesi

Sæl öll gaman að "sjá" ykkur
Við megum alveg hugsa um það öll á sérhvern hátt hvað við erum heppin að eiga okkar líf og heilsu, það er sko ekki gefið. Maður búinn að upplifa alltof margt á stuttum tíma, heyra af ættingjum, vinum í hinum ýmsu veikindum og ekki allir heppnir, því miður, því maður hefur séð á eftir góðu fólki í blóma lífsins

Steini minn gott að heyra að þú sért allur að koma til, ert bara góður með kaffibollann núna
Björn, þú ert bara orðin söluvara ársins
Já við vekjum upp spjallið og skemmtilegast er að vera sem flest í einu og eru miðvikudagskvöldin kjörin í það.
Einnig vil ég hvetja félaga sem kikka á okkur að koma inn og vera með, bara skemmtilegra

Allir að "feisast" eins og unglingarnir segja. Eru ekki einhver mál sem gaman væri að ræða.
,,,,mér datt þetta svona í hug,,,,