Flakkaraheimsókn, barnaafmæli og fl.

Sælir félagar!
Við fórum ekkert um helgina enda stóð til að mála og fleira(með áherslu á stóð til) Það hefur reyndar minna farið fyrir framkvæmdum enda verið bölvaður strekkingur sem hefur verið vel nýttur til að koma sér hjá því að fara í málningargallann

Sá kunnuglegan húsbíl renna hér framhjá í gær en kom honum ekki fyrir mig. Síðan nokkrum mínútum seinna voru tveir slíkir stopp hér á planinu á móti svo ég fór nú út á pall að kíkja á hvaða bílar þetta væru og þá var veifað. Þarna voru komnir Flakkararnir, Helgi Stef og Dundi, ásamt betri helmingunum, og voru þau á húsbílaþvælingi hér sunnan heiða í "góða veðrinu". Svo það var tekinn bolli eða tveir... og frúrnar fengu sér svo kerti og fleira fínerí hjá Helgu minni.
Alltaf gaman að fá góða gesti svo bara takk fyrir komuna!

Við Helga skutumst svo í smá burr(á jeppanum) niðrá Eyrarbakka í gær og kíktum meðal annars aðeins út á Tjaldstæði en þar voru þó nokkrir húsbílar í góðu yfirlæti.

Nú svo erum við á leið í barnaafmæli, en afastelpan mín, hún Guðbjörg Elísa er 1. árs í dag.

Kv. Steini