Signý og Benedikt 687

Við hjónin sem erum no 687 erum Signý Ólafsdóttir og Benedikt Sigurbjörn Pétursson , við erum Strandamenn í húð og hár og búum á Hólmavík. Við erum bíllaus sem stendur, en eigum von á nýjum bíl á næstu dögum. Okkar helstu áhugamál eru allskyns ferðalög og að spila golf.

Því fleiri því betra, velkomin til okkar á spjallið Til hamingju með nýja bílinn, spennan væntanlega gífurleg.
Allir í spennu hérna megin að bíða eftir vorinu og tíma til að geta leyft sér að fara af stað. Hef oft komið til Hólmavíkur og mér finnst alltaf notaleg tilfinning að keyra inn í bæinn. Þið getið líka verið stolt af ykkar tjaldsvæði, það er svo flott og góð aðstaða

´Velkomin á spjallið Bara forvitni.. Hvernig bíl eruð þið að fá? Svo má bæta við að við systur höfum smá tengingu á Hólmavík. Pabbi okkar keyrði lengi vel rútuna þangað í gamla daga´ Alltaf gaman að koma og rifja upp frá því að við vorum krakkar.

Við erum að fá Burstner 695 g sem er lágþekja frá Víkurverki og er hann væntanlega á leiðinni til landsins núna.
Hvað heitir pabbi þinn og hvenær var hann að keyra til Hólmavíkur.

Pabbi heitir Hálfdán Jónsson og keyrð á árunum ca1965-? Man þetta ekki svo. Getur verið fyrr.

Man ekki eftir honum, 1965 er ég 11 ára og þá var það þannig á Hólmavík að við strákarnir fórum upp á brekku sem er kölluð Klifið byðum þar eftir rútunni og hlupum svo á undan henni niður brekkunna og sá var kaldastur sem beið lengst. Rútubílstjórarnir höfðu öruglega gaman af þessu líka.

Þá eru við á svipuðum aldri. Ég er 57 model. Ég ætla að spyrja pabba að þessu. Hann talar alltaf með hlýhug um fólkið á Ströndum. Man alltaf eftir því þegar strákur sem átti heima við hliðina á bensínstöðinni(búið að rífa núna,því miður fyrir minningarnar) datt fram af bryggjunni og mamma stökk út í sjó að bjarga honum. Sorry, komin langt aftur í minningarna. Þetta var svo skemmtilegur tími.

Velkomin í hópinn! - og til hamingju með nýja bílinn.

Kv. Steini

Velkomin í hópinn Signý og Benedikt og á spjallið. Ég þekkti hjón sem fluttu frá Drangsnesi fyrir mörgum árum suður í Garð þau hétu Bjarnfríður og Bjarni og Ingunn og Guðjón þær voru systur, þetta fólk er nú dáið. Guðjón og Ingunn keyptu einmitt húseign af föður mínum í Garðinum fyrir einum ja 35-36 árum. Ég þekki Kolbrúnu dóttur Ingunna og Guðjóns ágætlega og einnig kannast ég vel við Guddu dóttur þeirra en hún átti heima á Hólmavík en er nú komin hingað í Reykjanesbæ núna. Ein dóttir Bjarnfríðar og Bjarna er í húsbílafélaginu, man ekki alveg hvað hún heitir, held hún búi á Selfossi.
Við höfum nú komið á Hólmavík og farið í Galdrasetrið það er svoldið magnað.
B.kv.Soffía á Keili

Sælir Strandamenn og konur, til hamingju með nýja bílinn, gott að fá strandamenn í hópinn, sjálfur rek ég ættir í Hrútafjörð og er af Tröllatunguætt, hvort sem það er gott eða slæmt.
Hér áður fyrr kom ég oft með bensín til Kalla Lofts og ein og ein ferð var farin að Gjögri í sömu erindum en þetta er löngu liðin tíð.

Sæl Soffía.
Jú, jú auðvita þekki ég þetta fólk, við Ingunn og Fríða erum systkinabörn, Við Gudda erum á svipuðum aldri,held að það sé Hanna Birna sem er í húsbíafélaginu, maður á heilan bunka af frænkum og frændum á Selfossi og Suðurnesjum,(allir fluttir suður).
Og Björn, það er fínt að vera af Tröllatunguætt, á tengdason af þeirri ætt, er sjálf af Pálsætt.

Kveðja Signý 687