Óvissuferðin að baki.....svo ferðafundur.

Jæja gott fólk, tel mig hafa séð alla þá sem tóku þátt í óvissuferð hafa verið glaða og káta við heimkomu.
Enda var þetta gaman með skemmtilegri leiðsögn og með smá "ríg" á milli leiðsagnarmannanna.
Veðrið lék við okkur með sólaglennum og síðan eldingum er við yfirgáfum suðurnesin.
Á meðan kyngdi niður snjó í RVK og fólk varað við að fara yfir heiðar, en er við komum í bæinn var þetta fína veður og greinilega alla leið austur á Selfoss, því allir skiluðu sér heim.
Skoðuðum Keilissvæðið, Duus-hús 3 sýningar þar, síðan Víkingaheima, skelltum okkur til Grindavíkur á Saltfisksetrið, fengum þar smakkerí og vel upp setta sýningu, og enduðum á kaffi og vel með því í Salthúsinu
Þökkum bara fyrir samveruna, gott fólk.

Jeminn bara 1 mars á morgun, tíminn flýgur áfram, næst er það ferðafundurinn þann 20.
Hlakka til að fá að eiga þátt í honum í ár, hef alltaf mætt á þennan fund og þótt hann spennandi og skemmtilegur.
Vonandi sjáumst við sem flest þá, með kv ...

Frábær óvissuferð að baki og allir hamingjusamir, svona á lífið að vera.
Var að lesa í gestabókinni og það leynir sér ekki á skrifunum það að allir sem tóku þátt í óvissuferðinni voru ánægðir með ferðina og þetta kaffihlaðborð í Salthúsinu hlýtur að hafa verið í sérflokki.
Við hjónin vorum í heimsókn í Reykjanesbæ ásamt fleirum hressum Borgnesingum og skemmtum okkur vel með suðurnesjafólki á laugardagskvöldið.
Okkur stóð til boða að kíkja á bátasafnið í Duus húsinu en ekkert varð af því, aldrei að vita nema við hefðum rekist á fólk í óvissuferð.
Það fer að styttast í vorið og að húsbílaeigendur fari að viðra gæðinganna, það verður gaman.