Krafan um slökkvitækin / Hvar fást þau ódýrust?

Sælir félagar

Undanfarið hefur verið talað um að ekki fáist skoðun á húsbíla lengur nema að vera með 2 kg. slökkvitæki. Og samkvæmt skjalinu Búnaður í húsbílum, frá Frumherja segir einnig að tækið eigi að vera innan seilingar bílstjóra. Þar mætti því skilja að þetta væri skylda.

Reyndin er hinsvegar sú að Umferðarstofa er að setja auknar(hertari) reglur en evrópureglugerðirnar segja til um og bætir þessu inn, en það má eingöngu veita ábendingu(1) um að slökkvitæki sé ekki fyrir hendi og þannig verður það næstu árin, samkvæmt Kristófer hjá Umferðarstofu.
Er það hugsað sem aðlögunartími. Þannig að menn fá í það minnsta ekki endurskoðun þrátt fyrir að vera ekki með tæki, nema þeir sem eru a´bílum sem breytt hefur verið á seinni stigum í húsbíla. Þeir bílar gætu gengið athugasemd(2) sem leiðir til endurskoðunar.

Auðvitað ráðlegg ég öllum að vera með slökkvitæki en gott er að gera verðsamanburð á þeim, því á 2 kg. dufttæki rokkar verðið frá 4,590- og uppí um 9,000.-

Tækin eru misjöfn, bæði að útliti og afköstum. Afköst tækjanna er mæld/merkt með fjölda A og fjölda B og eru 2ja kg. dufttækin yfirleitt með afköst uppá 13A og á bilinu 70-90B. Til aulaskýringar má hugsa sér að ef A sé Arinkubbur megi slökkva í 13 slíkum kubbum með tækinu, en 11 slíkum með tækjum merktum 11A. Fjöldi B/C vísa til afkastagetu í þeim flokkum.

Ég hef verið að leita að góðum verðum á þessum tækjum undanfarið og fundið þau ódýrust hjá Eldvörn.com en þar kostar 2ja kg. Ningbo dufttæki á tilboði til félagsmanna kr.4,950.- m/festingu. Athugið að tækið á myndinni hjá þeim er af eldri týpu en í dag eru handföng minni og rauðlituð.

Einnig vil ég benda þeim sem tryggja hjá TM að viðskiptavinir tryggingafélagsins geta keypt niðurgreidd Ningbo dufttæki á vefverslun þeirra á kr. 3,949.- m/frírri heimsendingu. Reyndar sýnist mér að myndin sem er á vefversluninni sé ekki rétt mynd miðað við þær upplýsingar sem ég hef, heldur af talvert dýrara tæki frá Jockel

Nú svo ef menn eiga virkt tæki sem er utan 2 kg. katagórunnar þá er svo sem enginn heimsendir að fá ábendinguna

Vildi bara láta ykkur vita.
Kv. Steini