Gangið hægt um "gleðinnar" (Þorrans) dyr....

8 manns versluðu sér tilbúinn þorramat til að hafa svona heima-þorragleði
Gleðin sú hvarf strax daginn eftir því 6 manns af þeim 8 hafa legið hundveik alla vikuna
Fúlt er þetta að geta ekki orðið treyst svona tilbúinni matargerð, allavega tek ég ekki sjensinn, ætlaði að lauma með þorrabakka í bústaðinn um helgina

Jæja janúar ekki búinn og við höfum náð 1 gistinótt í bílnum, og veðrið bara gott þessa dagana, en framundan eru svo bara bústaðaferðir, sem maður segir ekki nei takk við.
Bara æðislegar afslöppunarhelgar framundan heitur pottur og alles, bara yndislegt.

Hvað segið þið gott í kvöld, einhverjir spenntir fyrir óvissuferð?

Sælt veri fólkið

Í kvöld fengum við barnabörnin í heimsókn í svo kallaðann ógeðsmat kindur og punga. Held reyndar að þetta hafi ekki verið svo voða slæmt þegar upp var staðið, eftirréttur var eins og amma fékk þegar hún var lítil, aðalbláber og rjómi. Hr. Gordon sefur nú saddur og sennilega glaður líka honum þykja súrir pungar afskaplega góðir og ekki eru sviðin verri. Á ströndum er nú oftast sumarbliða, en bíllin er í geymslu í Reykjavík og verður tekinn út í apríl.

Blessaður Benedikt gaman að fá þig "online". Búin að hanga ein hérna í klukkutíma og var við að skrá mig út
Þú sniðugur að geyma bílinn í RVK, hefur þú þá nýtt þér skoðunardaginn?
Hr Gordon sáttur bara, sé hann fyrir mér, sællegan eftir góða bita.
Bið innilega að heilsa frúnni og hlakka til að hitta ykkur næst, kannski við skreppum á bílunum 1 nótt eða 2 í apríl?

Var búinn að tína lykilorðinu hér inn á spjallið en var svo heppinn að heyra í Steina og hann reddaði þessu fyrir mig.
Er nú ekkert sniðugur að geyma bílinn í Rvík það er bara ekkert pláss laust hér á Hólmavík, Gordon er afskaplega sáttur þegar krakkarnir koma í heimsókn, er farinn að hlaupa um húsið áður en þau koma inn. Held að við þurfum ekki að láta skoða fyrr en 2011 hef reyndar ekki farið á skoðunnardaginn, það er skoðað 2var á ári hér á vorin og svo aftur á haustin
Signý biður að heilsa ykkur hjónum.

Sæl á spjallrásinni Á fundi sem ég var á hérna í Mosfellsbæ með deildastjórum á menningarsviði var mér sagt að bréf sem ég sendi Ferðamálanefnd Mosfellbæjar hefði verði tekið fyrir í gær og var samþykkt að senda fulltrúa frá Mosfellsbæ á ferðafundinn okkar í mars sem haldinn verður hérna í Mosfellsbæ og upplýsa hvaða áform Mosfellsbær er með varðandi þjónustu við ferðamenn og þá sérstaklega húsbílaeigendur. Spennandi það !
Við eins og Anna erum búin að vera eina nótt í bílnum á þessu ári og það var einmitt sama nótt og þig hjónin á Veiðiskrepp.

Alltaf er maður vinsæll á miðvikudagskvöldum, búin að hanga í símanum, fá gesti og aftur í símann!
Verð bara að heyra í ykkur seinna!

Þið mátið mig ens og venjulega... ég er ekki búinn að vera eina einustu nótt en er hinsvegar búinn að vera í honum í eina 3 daga

Kv. Steini

Úr Mosó er allt gott að frétta !

Minn maður aðeins og fljótur á sér enda hvatvís með endemum. Hvar á maður að versla sér sjónvarp með innbyðggðu DVD ? Hafið þið hugmynd um svoleiðið Mér setndur til boða eitt svona tæki 19" JWS sem keypt var í Europris á krónur 45.000

Þú ert væntanlega að tala um notað tv? Þá hefur það sennilega verið keypt fyrir hrun á 49900.
Hef tekið eftir því að þegar fólk er að selja notaða hluti þá miðar það við verð í dag.
Það hefur skapast mikil umræða um þetta okur á barnalandi t.d þar allt milli himins og jarðar er selt.
Fáðu að vita hvenær tækið var keypt og borgaðu helming af því...

Já sennilega er það rétt hjá þér. Við ætlum að gefa okkur tíma í að finna út úr þessu og þó svo ég sé hvatvís þá ætla ég samt að halda aftur af mér í þessu máli varðandi sjónvarpið. . Þetta var svakalegur þáttur í tv um fangana í Guantanamo. Ljótur heimur sem við búum í eins og einn fanganna komst að orði. Kv. og góða nótt.

Elín og Daði nr. 39 skrifaði:Minn maður aðeins og fljótur á sér enda hvatvís með endemum. Hvar á maður að versla sér sjónvarp með innbyðggðu DVD ? Hafið þið hugmynd um svoleiðið Mér setndur til boða eitt svona tæki 19" JWS sem keypt var í Europris á krónur 45.000

Ég myndi allavega vilja fá svona notað tæki á svo lítinn pening að ég gæti hugsað mér að henda því(án skapvonsku:-) ef það bilaði. Í þó nokkrum þessara ódýrustu tækja (með innbyggðu DVD) hafa spilararnir klikkað og oftar en ekki verið vonlaust að fá í þá varahluti(eða nýjan spilara). Allavega eru þetta svona tæki sem manni finnst ekkert verra að vera með 3ja ára ábyrgð á. Það er að mér skilst alltaf 2ja ára ábyrgð og síðan nota sumir sér það að kaupa Þau á VISALÁNI... já róleg bara... og með því móti fæst eitt ár til viðbóta í ábyrgðartíma.

Síðan vappar maður bara í fjárgæfrafyrirtækið(lesist: bankann) og borgar upp samninginn

Kv. Steini

Heil og sæl
Þið útilegufólk, dugleg að hafa náð einni nóttu í janúar.
En nú fer þetta allt að koma sér, það verður hvort sem er svona veður framm á vorið, og þá kemur gott sumar.
En sjónvarp, ekki myndi ég gráta þó það væri ekkert sjónvarp, eina sem við notum það er til þess að fylgjast með veðurfréttunum. Nennum yfirleitt ekki að horfa á neitt DVD, erum ekki í útilegum til þess.
Vonast til að fara að sjá fleiri á ferðinni héðan í frá, það er nú alveg að byrja að birta, ekki satt krakkar.
Hlakka til að sjá ykkur á ferðinni.

Það er alveg órtúlegt að greiði maður með peningum fær maður lakari kjör en greiði maður með kreditkorti. Ég skil vel eins og Steini segir að menn greiði með kreditkorti og griði síðan upp samninginn í banka. Sniðugt Ég fór í Sjónvarpsbúðina í morgun og þar eru 19" sjónvörp með innbyggðu DVD á um 55.000 sem ég myndi frekar kaupa en þetta sem ég sá frá Europrice. Sjáum nú til hver nýtingin verðu en eins og Hafdís segir þá er nú ekki meiningin að leggjast í sjánvarpsgláp en möguleikinn er fyrir hendi. Kveðja úr Kardimommubænum.

Svo er bara alltaf svo gott þegar maður er búinn að versla svona allskonar svona dót Daði minn... burt séð frá notkuninni... því þá er þetta komið úr systeminu og þá er loks hægt að fara að kíkja í kringum sig eftir einhverjum öðrum óþarfanum

Við vorum sko að kaupa okkur myndavél í dag(og frúin reyndar einhvern snertisíma líka með enn einni myndavélinni:-) svona svo það verði nú örugglega hægt að skjalfesta ferðirnar í sumar.(það er að segja þegar við verðum búin að fjárfestaí linsum á kvikindið) Undarlegur anskoti að kaupa myndavél fyrir augun úr.. og ekki séns að taka eina einustu mynd nema kaupa allskonar "aukahluti" sem manni hefði nú ekki fundist nein goðgá að fylgdu. Svo það er næst.
En miðað að við reynsluna þá vonum við.... að við allavega munum eftir því að hafa þá hlunkinn með okkur. Því það hefur gjarna verið okkar akkkilesarhæll að vera mætt á útskriftir, skírnir, og bara nefndu það... en hvorugt okkar svo með myndavél

Ég hef bara ekki haft tíma til að réttlæta þessi kaup fyrir mér ennþá...eigandi fyrir einar 5 myndavélar.... en hlýt að finna útúr því við tækifæri Svo sakar nú ekki að það er gersamlega laust við að við kunnum eitthvað á myndavélar svo eflaust verður valin gamla góða "Kodak Instamatic" auto-stillingin eftir allt saman.

Já maður kemur ekki alveg heill útúr þessu lífi...

Það skemmtilega Steini minn við peninga er að maður eyðir hverri krónu bara einu sinni.
Og þar sem lífið er allt of stutt til þess að hafa einhvern móral yfir því að kaupa eitthvað fyrir peninginn, þegar hann er til,
þá á maður bara að njóta þess núna, maður gerir það ekki þegar maður er dauður.
Svo njótið vel, útbúið svo bara tossalista og alltaf þegar á að leggjast í ferðalög eða veislur eða slíkt, þá bara renna yfir hann og sjá já myndavél akkúrat það sem ég ætla að hafa með. Maður er orðinn svo andskoti gleyminn hvort sem er að allt svona hjálpar. Og hvað myndatökur varðar þá er aðal atriðið að það komi einhverjar myndir út úr myndatökum, ef ekki þá þarf bara að fjárfesta í nýrri græju.
Hlakka til að sjá myndirnar úr þessarri nýju.

Takk takk... Svona að öllu gamni slepptu þá er svosem búið að vera að spegúlera í þessum myndavélakaupum í 2 ár eða svo. Svo þegar allt krassaði hjá okkur í haust og við töpuðum helling af myndum þá renndi maður í gegnum allar myndir sem fundust tvist og bast á tölvunum hjá okkur og eins á öllum vefsíðum, sem til allrar guðslukku við höfðum þó verið að setja inn myndir á. Og eftir að vera búinn að safna því sem til var saman, þá eiginlega var þetta ákveðið:-)

Ég rakst svo á tilboð í Sony Center á Canon body sem var á "góðu" verði og hugsaði sem svo að maður eflaust fyndi þetta ekkert ódýrara annarsstaðar og smellti mér á það. Hinsvegar kosta linsurnar svo mikið líka að við ætlum að kíkja eftir þeim í rólegheitum og eflaust dettum við niður á eitthvað notað á netinu.

Ég er ekki viss um að við myndum neitt frekar eftir því að lesa tossalistann...

Kv. Steini

Halló, hvað með allar útsölurnar?
Það er ekki hægt að sleppa 50-70% afslætti, sem betur fer vantar innkaupagenið í mig svo ég sef býsna rólegur, helst að maður fylgist með tilboðum matvöruverslana.
En er eins og margir aðrir áhugasamur þegar kemur að allskonar dóti, verð að skoða allt en er trúlega grútur svo ég slepp oftast út án þess að kaupa neitt.
Núna vil ég kaupa alvöru myndavél eins og Steini og Helga, lámark tvær linsur og prentara.
Það verður að vera hægt að mynda karlinn þegar hann sest á nýja reiðhjólið.
Er að hugsa um að standa með strákunum eftir hádegi og horfa á leikinn, veit að við vinnum.
Þarf maður ekki að vera með popp og kók eða á ég að hafa einn kaldann við hendina?

Já svona er það , nú skellir maður sér á Þorrablót FLAKKARA sem verður á Akureyri
um næstu helgi 6. feb. Þetta er svona stutt dagleið fram og til baka fyrir okkur austfirðinga,,, en löng dagleið fyrir norðlendinga ef þeir kæmu austur á Þorrablót.
Eins og þið vitið sem eruð á mölinni, þá gæti 1. km, verið sem míla ef þið þurfið að aka út fyrir bæjarmörkin. . Svona smá-
Talandi um myndavélar ,þá kaupi ég ekki aftur myndavél hér á klakanun. Keypti eina
í Fríhöfninni á 40, þúsund, þóttist gera góð kaup. Gat fengi nákvæmlega eins vél á
Tenerife á tæpar tuttugu þúsund, nokkrum tímum seinna. Vonandi eigið þið góða skemmtun í óvissuferðinni
,,,,mér datt þetta svona í hug,,,,

Gleðilegan þorra Ægir og takk fyrir kveðjuna, óvissuferðin er held ég eitthvað nýtt, allavega ekki verið síðan ég gekk í félagið. Vonandi mælist það vel fyrir að breyta til og gera eitthvað nýtt og skemmtilegt

Svona erum við íslendingar, látum taka okkur þú veist hvað. Fólk telur sig versla ódýrt í fríhöfn en svo kemur í ljós að hluturinn er ódýrari í búð hér heima, m.a.s.
Bara sælgæti er ódýrara í Bónus

Gangi ykkur vel að skjótast þessa stuttu leið til Akureyrar og hafið það sem best á Flakkara-blóti.

Já það er ekki altaf ódýrast að versla í fríhöfninni en oftastnær er það þó ódýrara en hér heima. Já ég hef alveg kynnst því seinustu dagana að það borgar sig allavega vel og vendilega að gera verðsamanburð. Og ekki síður það að það er hægt að gera fínustu kaup í notuðu líka, allavega í myndavélalinsum(Björn:-). Höldum þó, hjónakornin, að við séum komin með þær linsur í hús sem við "þörfnust"

Kv. Steini

Ef ég læknast ekki af myndavélardellunni erum við í góðum málum, tengdasonurinn er atvinnuljósmyndari og hann kæmi alfarið til með að stjórna fjárfestingunni.
Fyrir margt löngu versluðum við Þóra flotta myndavél og að sjálfsögðu í fríhöfninni, hvar annarstaðar.
Þetta var á þeim árum þegar það voru filmur í vélunum, ekki bara lítill kubbur eða þannig.
Þóra er búin að samþykkja fjárfestinguna en ég er enn að bíða og velta fyrir mér hvort þetta líði ekki hjá.
Við eigum ágæta vél en hún hefur einn galla, maður horfir á skjá og þegar mikið sólskin er sér maður illa hvað maður er að mynda.

Helga á einmitt svona vandaða 35mm filmuvél með svakaflottri linsu og hún var tekin fram í gær og verið að batterísvæða og þá kom í ljós að það var filma í henni svo maður smellti einni af... og svo ætlaði ég að smella af annarri en ekkert gerðist sama hvað ég hamaðist. Örugglega liðið mínúta áður en ég mundi að það þyrfti að trekkja kvikindið

Kv. Steini

Það kom í ljós að það var rófustappan sem orsakaði veikindin
Það tók einn úr hópnum góða viku að jafna sig, en allir fengu matinn endurgreiddan og 20000kr gjafabréf...
Allt gert til að halda andlitinu