Frábærir trukkabílstjórar!

Alveg fékk ég aðdáunargæsahúð í gær þegar lestin af trukkunum silgdi framhjá húsinu okkar með flautuna á fullu.
Alveg hræðilegt hvað eldsneyti hefur hækkað og fer hækkandi. þetta kemur líka við okkur sem ferðumst á bílum.
Hefði viljað sjá svona samstöðu meðal okkar þegar allir voru á móti hækkuðu gjaldi í göngin.
Það væri stórkostleg sjón að sjá göngin fyllast í báðar áttir af húsbílum. Og svo myndum við bara hella upp á kaffi í miðjum göngunum.

Það verður erfitt fyrir þá sem fara í vinnu um 8 leitið í fyrramálið Trukkabílstjórar byrja á slaginu kl 8 og eins gott að fólk fari fyrr af stað Það má búast við miklum töfum.

Já það skyldi þó aldrei vera að komið væri að þolmörkum hjá íslendingum varðandi það að láta allt yfir sig ganga án þess að mótmæla uppá franska háttinn. Okkur hefur í gegnum tíðina fundist einfaldara að tuða einhverstaðar yfir kaffibolla en að sýna í verki að við séum ekki tilbúin til þess að láta valta yfir okkur endalaust.
En allavega styð ég þessa kappa þó ég geri mér grein fyrir því að auðvitað koma mótmælin niður á einhverjum almennum vegfarendum og kannski hljómar það ódýrt fyrir mig að styðja þetta hér á Selfossi en fyrir þann sem situr í hnút uppá höfða

Kv. Steini

Það eru trukkabílstjórarnir, þeir eru hetjur dagsins finnst okkur og örugglega fleirum.
Vissulega þurfa bílstjórarnir að vanda sig við mótmælin og tryggja að ekki verði hægt að kenna þeim um að ógna öryggi almennings en þeir eiga sinn rétt á að mótmæla án þess að lögreglan dragi upp minnisblokkina og hefji nornaveiðar.
Það er svo skrítið hvað við íslendingar eru þolinmóðir og látum flest yfir okkur ganga án þess að mótmæla almennilega, við þyrftum að koma þeim skilaboðum á framfæri bæði við stjórnvöld og fleiri að það sé ekki hægt að bjóða fólki hvað sem er án þess að viðkomandi geti þurft að taka afleiðingum af gerðum sínum eða orðum.
Hversvegna standa stéttarfélögin ekki oftar fyrir mótmælum, eru stjórnendur þeirra orðnir of værukærir og vilja bara sitja á fundum, það er helst að maður sjá smá mótmæli í leikhúsi þjóðarinnar við Austurvöll.
Við sjáum gott dæmi þaðan þessa dagana þar sem einn maður mótmælir kröftuglega, það er bara verið að spyrja hann, ekki dæma en hann breggst við af fullri hörku og dæmir.
Gott dæmi um valdnýðslu og hroka segja sumir en aðrir segja að hann hafi fullan rétt til að láta sína skoðun í ljós, er það ekki það sem trukkabílstjórar eru að gera, láta í ljós skoðun sína.
Ég spyr, er þetta það sem stjórnvöld vilja að við höfum að leiðarljósi, það er eitt að mótmæla annað að misbeita valdi.
Kannski er þetta bara upphafið að nýjum siðum, núna í niðursveiflunni er meðbyr til að virkja þá sem eru óánægðir og því er nauðsyn fyrir ráðamenn að stíga varlega til jarðar.
Á heimasíðu 4x4 klúbbsins er verið að boða til frekari mótmæla 1. apríl á Austurvelli kl. 16,00

Þeir eru sko hetjur, og það væri til lítils ef þeir ætluðu að mótmæla á vissum svæðum í samráði við lögreglu.
Auðvitað getur fólk lent í kreppu í þeirri merkingu að koma of seint til vinnu, en þeir sækja eftir stuðningi við okkur á fólksbílum og biðja okkur um að stíga út úr bílum okkar. Þó þeir séu að mótmæla aksturreglum þá er það líka fyrir okkur gert að mótmæla eldneytishækkunum.

Það vantar FRAKKA-eðlið í okkur. Þeir eru nú ekki að hika við að framkvæma hlutina en við á Fróni við vælum heima í sófa

Húrra fyrir trukkamönnum.
Kannski er þjóðin að átta sig á hverju samtakamátturinn getur komið til leiða.
Nokkrir af æðstu yfirmönnum lögreglunnar á höfuðborgarsvæðinu voru í Ártúnsbrekkunni, vonandi að þeir komi skilaboðunum áfram í stað þess að standa í handalögmálum við þá sem þeir styðja í hjarta sínu.

Trukkabílstjórar ætla að LOKA Reykjavíkurborg í allt að 24 tíma! Það verður þrautinni þyngri að komast út úr bænum. Ekki að það hafi verið planað hjá okkur, en þeir ætla að byrja eldsnemma í fyrramálið, og hefta för allra úr öllum endum borgarinnar

Svo er líka á döfinni að yfirgefa trukkana, vitandi að enginn getur fært þá frá.

Ég vona bara að ég nái fluginu til Akureyrar í fyrramálið. Ætlaði á jarðarför sem er á morgun og fylgja öldnum föður æskuvinar míns til grafar. Það er spurning hvort ég þarf að keyra ef ég kemst ekki á völlinn?

Kv. Steini

Steini þú ættir að komast á völlinn til að fljúga, en getur ekki keyrt úr bænum
En svo var maðurinn minn að segja mér að hann verði að beiðni lögreglu í útkallstöðu í nótt og í fyrramálið, því hann er að leysa af á gröfu hjá RVK-borg. Lögreglan er hrædd um að hlössum verði dumpað hér og þar um borgina
Vonandi nærð þú þessu og ég samhryggist. Hafðu eyrun á Kastljósi núna þar er verið að tala um mótmælin.

Ég er farin að vorkenna ráðherranum. Ekkert smá sem hann þarf að verja sig. Trukkarnir munu gera allt vitlaust á morgun en hvað gerir yfirvaldið?

Það er spurning hvort þeir hleypa minni inn í Reykjavík?

Hef heyrt að það á að loka í báðar áttir. Hef eina sem ég get forvitnast hjá hvað verður. Læt þig vita á eftir.

Var að fylgjast með á Barnalandi. Ein hringdi í Sturlu vegna líkfylgdar á Selfoss í fyrramálið.

Nýjustu fréttir eru þær að á fundi hjá bílstjórum í kvöld var ákveðið að gera engan skandal. Maður veit bara ekki lengur hverju á að trúa. Vonandi er þetta satt.

það liggur við að ég sendi hann á stað í kvöld bara til að vera viss um að hann nái fluginu. en við vöknum bara eldsnemma á morgun og komum honum á stað.

Hörður Jóhannesson aðstoðarlögreglustjóri segir að ástæða þess að lögreglan greip til
aðgerða á Suðurlandsvegi í dag hafi verið sú, að mótmæli flutningabílstjóra hafi virst orðin stjórnlaus.
Ef það er rétt sem unga konan sagði í hádegisfréttunum um manninn sem fimm sérsveitarmenn skelltu í götuna og hófu síðan að berja er rétt þá hafa fleiri verið stjórnlausir en mótmælendur.
Ég hélt að lögreglan vissi að ofbeldi kallar á meira ofbeldi.
Við lesum um ofbeldi og að lögreglan hafi haft hendur í hári ofbeldismanna í hverri viku.
Vonandi verður það ekki að fréttum eftir helgarnar að lögreglan hafi beitt samborgara sína ofbeldi.
Er ekki best að stofna eina nefndina enn og hafa fulltrúa mótmælanda í henni ekki bara pólitíska sérfræðinga.
kveðja
Björn H. 29

Ég held að nú sé kominn tími til að fólk fari að kjósa með fótunum ef þetta á yfir að ganga almenning ef hann er ekki sammála stjórnvöldu. Mér líður eftir fréttirnar eins og ég sé stödd í einhverju bananna lýðveldi þar sem öll mótstaða er barinn niður með hörku. Mér finnst lögreglan hafi sýnt ótrúlega mikla óþolinmæði gagnvart þeim sem þarna voru. Þeir máttu ekki hreyfa bílana því það var hvíldartími samkvæmt lögum. Og ég hélt að lögreglan ætti að halda uppi lögum og reglum sem settar eru í þjófélaginu. úff nú fer ég að verða reið svo það er best að hætta.

Allavega stend ég enn með trukkabílstjórum, hef eftir einum þarna að startið á þessu var eftir hótanir lögreglu, þá fer einn bílstjórinn upp í bíl sinn til að færa hann, kemur þá löggi og segir honum að stíga út úr bílnum. Svo augnabliki seinna kemur annar löggi og segir æstur:, hva á ekki að færa bílinn og bílstjórinn svarar: getið þið löggur ekki verið sammála? Er engin samtaða á milli ykkar? Og þar með var hann handtekinn.
Upp úr því verður allt vitlaust.