Ísetning á loftljósi í Viðhaldið

Sælir félagar!

Ákvað að setja loftljós í framloftið á Viðhaldinu, en þessir Hobby-bílar eru ansi "myrkir" yfir borðinu og bara fremst í húsinu yfirleytt. Og þótt Helgu minni finnist nú kappaljós og týrur óskaplega rómantískar þá heldur leiðist mér að þurfa að ráfa um bílinn hálfblidur með hvíta stafinn svo ég lagðist í bæjarferð. Mér alveg ógnaði verð á 12V loftljósum(12,900-23,000) og þótt úrvalið ekki merkilegt heldur. Það endaði svo með því, eftir að ég spjallaði við Lalla í Rótor að ég fór og keypti hefðbundið loftljós(PULP) í IKEA fyrir 2,495 krónur og fékk svo 11 watta(lýsir eins og 35wött hefðb.) 12Volta sparperu, með venjulegri fattningu hjá Lalla í Rótor á tæpar 3,000.- krónur. Rofi tengi og leiðslur kostuðu síðan einhverjar 800 krónur svo þetta endaði í einhverjum 6,200 krónum uppkomið og alveg svínvirkar
Það er mjög mild og þægileg lýsing af þessu og nú get ég hæglega hent hvíta stafnum

Auðvitað fattaði ég alltof seint að taka myndir af þessari framkvæmdinni en læt þessar fljóta með ef einhver er að spá í svona.


Hérna sést t.d hvernig sambærileg sparpera lítur út


Þarna er ég svo búinn að draga í og koma ljósinu á sinn stað


Ég boraði í gegnum lúgubitann og smá gat ofan við ljósið og dró í.


Þarna bætti ég svo við rofanum lengst til hægri - þ. e. eins rofa og kveikir lúguljósið.


Lúgan komin á sinn stað, kveikt á týrunni og tóm hamingja á öllum vígstöðvum:-)

Kv. Steini