Brotist inn í húsbíl - Lesa!

Tók þetta traustataki í gestabókinni

Kæru félagar. Ég vildi bara láta vita að brotist var inn í Jarlinn og öllu stolið sem hægt var að stela,(meira að segja pappadiskum!) En ég vildi láta ykkur vita, ef að ykkur yrði boðið til sölu hvað það er sem mest er saknað. Þá er fyrst að telja VHS talstöð,CB talstöð, 2 geislaspilarar frá pioner, bakkmyndavél með skjá í skyggni, spennubreytir, stór húsbílarafgeymir, 3 olíufylltir ofnar. Svo líka ryksuga, mínútugrill brauðrist vöfflujárn fyrir 110V. Fortjaldið var einnig tekið en eins og félagar þekkja þá er nú ekki fyrir alla bíla að nota það, en endilega verið með augu og eyru opin ef ykkur er boðið eitthvað af svona munum.

Hægt er að láta mig vita í síma 847 7366. Takk fyrir og kærar kveðjur Unnur

Leiðinlegt að heyra Það er ósköp lítið sem fær að vera í friði þessa dagana.
Hef tekið eftir í umferðinni að þó nokkrir bílar eru plastaðir, greinilega búið að brjóta rúðuna til að komast inn í þá.

Við þorðum ekki annað en að taka allt verðmætt úr okkar bíl og taka niður sjónvarpsstöngina til að vera ekki að tilkynna þjófum að sjónvarp gæti verið inni í bílnum Enda stendur hann úti allt árið.

Vona bara að eitthvað af þessu finnist, en það er líka rosalega mikið um útflutning að stolnum hlutum.
Þvílík bíræfni með Jarlinn, bara strípaður greyið, kveðja til ykkar Jarlshjóna með von um að málið upplýsist.