Hittingur á Blönduósi

Sælir félagar!
Helga mín skrapp á "súrefnisrúnt" í morgun, hér á tjaldstæðinu á Blönduósi, og rakst þá á kunnuglegan bíl, þ.e Veiðiskrepp þeirra Önnu og Jóns svo það er búið að lepja úr nokkrum og smeygja nokkrar saman

Fínt tjaldstæði hér og snyrtilegt... en hálfgert skítaveður...belgingur og rigning á köflum... rennum heimleiðis seinna í dag. Nýji bíllinn hefur reynst frábærlega og eigendurnir alsælir með gripinn!

Kv. Steini & Co.

Takk fyrir hittinginn, alltaf gaman að hitta félaga á ferðinni Við erum aldeilis búin að ferðast, allt frá sólarsælu til slyddu og snjókomu, já svona er Ísland í dag.

Vil nota tækifærið og þakka ykkur Benedikt og Signý fyrir höfðingjalegar móttökur á Hólmavík.
Fórum víða, allt frá Hólmavík til Egilsstaða, en fórum þó ekki hringinn. Hálendið var skoðað, perlur á við Drekagil, Öskju og Herðubreiðarlindir.
Einnig heimsóttum við Sænautsel, nammi góðar lummur og flottur staður, fólkið þar yndislegt.
Straujuðum nokkur vötn og það litla sem veiddist var étið jafnóðum Notuðum veiðikortið og útilegukortið til skiptis og margborgaði sig.
Erum að stoppa stutt í bænum og höldum á Snæfellsnes um helgina, sem verður þó stutt því við komum heim á sunnudag.
Bestu kveðjur frá okkur á Veiðiskreppi.