Nú er kominn 1o. júní !! Bráðum 17.

Þið sem heima sitjið. Hver man ekki eftir þeim þætti í útvarpinu hér á öldinni sem leið. Komið þið sæl. Eitthvað eru menn ekki alveg í stuði eftir síðustu útilegur, það heyrist hvorki hósti né stuna frá neinum. Menn eru kannski ekki komnir úr útilegu síðustu helgar, eða þannig. Hafið þið sem heima sitjið nokkuð frétt af Birni í Borgó og vinkonum hans hér á spjallinu ?? ,,,,mér datt þetta svona í hug,,,,

Er nú vinkona þín líka sko Af okkur er allt gott að frétta, vorum ásamt félögum nr 446 á Þjarki fyrst við Hlíðarvatn og svo í Hraunsfirði Fengum afskaplega fallegt veður, borðuðum úti og veiddum þó nokkra fiska á báðum stöðum
Nú er fólk byrjað eða er að detta í sumarfrísgírinn, t.d. er systa og hennar maður farin norður í tölvuleysi og verða þar ásamt ferðalögum næstu vikur Lofar veðrið góðu fyrir sumarfríið næstu dagana
Við förum í frí frá 8 júlí og hlakka ég mikið til.

Já blessuð og sæl vinkona, auðvitað eru menn farnir að fara í sumarfrí. Síðasti vinnudagur hjá mér fyrir frí er 3. júlí. Ég er farinn að telja dagana. Við fórum í Atlavík um síðustu helgi, það var nú frekar leiðinlegt veður á laugardeginum en á sunnudag var bongóblíða. En undanfarna daga hefur verið skítkalt hér á austurströndinni, snjóaði meira að segja í fjallatoppa hér síðastliðna nótt. Næsta helgi er vinnuhelgi svo það verður ekkert farið fyrr en 19. ,,,,mér datt þetta svona í hug,,,,

Hef séð það á veðurkortum að það mætti vera hlýrra á austurlandinu, hérna megin er hitastigið að skríða yfir 10 stigin, hékk í 13 í dag og sólin sýndi sig
Segi það með þér, maður telur dagana fram að fríi, flyt hreinlega í bílinn ef ég næ bóndanum úr vinnunni
Ætlum að reyna að komast norður í Mánaskál til systu og fara með þeim að bátast í Svínavatni, vona að við komumst síðustu helgina í júni því sennilega verður faðir minn kominn til þeirra þá.
Stefnið þið í stóru ferð? Við erum ekki ákveðin, ætlum allavega ekki nema veður sé þokkalegt

Nei ég geri ekki ráð fyrir því að við náum ´i stóruferðina (kreppuhringinn ). Flakkarar verða í veiðiferðinni við Svínavatn um næstu helgi , þá er ég að tala um Svínavatn sem er rétt hjá Húnavöllum. Er það þar sem þið verðið ? ,,,,mér datt þetta svona í hug,,,,

Góða kvöldið.
Þið eruð alltaf jafn hress og kát hér.
Ég er á leiðinni austur á land svo það er eins gott Ægir að þú látir veðrið skána, svo það verði ekki skítakuldi og snjókkoma
Þarf að fara yfir fjarðarheiðina. Þið eruð á Reyðarfirði ekki satt.
ætla að reyna að komast þangað og á Neskaupsstað.
Verð að prufa göngin.

Þetta er Svínavatn við Blönduós, er í veiðikortinu.
Hef ekkert skoðað flakkarasíðuna, en eru margar ferðir hjá þeim?
Ok það er sama vatnið.

Hæ Hafdís Júlía .Já mér hefur fundist fólk nokkuð hresst hér . NEI NEI, við erum ekki á Reyðarfirði, við erum á FÁSKRÚÐSFIRÐI SKO MEÐ STÓRUM STAF, smá grín. Já þið komið nú varla á Austurlandið nema að kíkja í gegnum Fáskrúðsfjarðargöngin. Minni á " 123.is/faskrudsfjordur/home/ ,,,,mér datt þetta svona í hug,,,,

Hæ Hafdís, bara byrjuð í fríi? Öfunda ykkur ekkert smá að fara austur.
Er að spá í þeim hluta í sumar.

Anna M nr 165 skrifaði:Þetta er Svínavatn við Blönduós, er í veiðikortinu.
Hef ekkert skoðað flakkarasíðuna, en eru margar ferðir hjá þeim?
Ok það er sama vatnið.

Já það eru nokkrar ferðir eftir , höfum ekki komist neitt ennþá. Það eru allavega fjórar ferðir eftir held ég
,,,,mér datt þetta svona í hug,,,,

Ég ætlaði sko ekki að fara í langar ferðir á þessu ári, og þegar er búið að fara tvisvar til Akureyrar
og svo var ákveðið um síðustu helgi að fara á Seyðisfjörð með Mömmu í tilefni af 70 ára afmæli hennar núna í Júní.
Hana langar að sýna okkur æskustöðvarnar og okkur langar að sigla í Loðmundarfjörð, vonum að það takist.
Við erum ekki komin í frí enn en ætlum að taka þessa viku frí til ferðarinnar.
Svo verður farið í júlí í frí, en vitum ekki hvort við getum komist í stóru ferðina, það kemur bara í ljós hvað verður.
Erfitt að ákveða með löngum fyrirvara hvar maður verður, ég ætlaði til dæmis í allan vetur að fara í sumar á vestfirðina
eitt árið enn, en sko, austurland einu sinni enn. Ég bara skil þetta ekki, ég er nú að verða búin að skoða það nokkuð ágætlega
held ég allt nema norðausturhlutann, Þórshöfn og Langanes.
Alltaf reyndar jafnyndislegt að ferðast þar.

Það er bara þannig að maður er með hugmyndir og drög af ferðum, en svo er það bara allt annað sem maður fer.
Mig langaði svo á austurland og stólaði á það sem stóru ferð, eiginlega verð ég að bíða eftir þeirri frekar en að fara sjálf.
Fann það í stóru ferð í fyrra hvað það er skemmtilegra og öðruvísi að vera með fróðleik og leiðsögn, en að ferðast á eigin vegum.
Til hamingju með mömmu þína Hafdís og vona að þið berið nú hlýindin með ykkur austur.
Allavega yrði Ægir sáttur með það, er það ekki?

Sé að þið hafið verið á spjallinu í gær, Ægir farin að sakna okkar og vakti upp spjallið með látum.
Sumarið fer alveg að koma þarna fyrir austan Ægir, það verður komið Spánarveður þegar þið farið í fríið.
Heimasíða þeirra Fáskrúðsfirðinga er frábær, fallegar myndir og góð tónlist.
Núna erum við Borgarbyggðaríbúar orðnir heimsfrægir, búnir að mynda þjóðstjórn, hættir að rífast og allir leika sér saman.
Er það ekki svona sem barnauppeldi á að vera Anna, allir að vera vinir.
Sá að Steini var að leita eftir ráðleggingum um val á góðri dýnu fyrir þau hjónin, þessir unglingar, búin að pressa saman nánast nýja dýnu og vilja núna fá kónga eða drottningadýnu.
Þarna get ég engin ráð gefið, enda á næst bestum og þar kvartar maður ekki.

Við Þóra förum í kvöld á Selfoss til að klára endursmíðina hjá dótturinni, og eftir helgina fer maður að raða dótinu í ferðabílinn, hvert við höldum vitum við ekki en það kemur bara í ljós.
Síðan þegar við verðum búin að taka úr okkur mestu óværuna þurfum við að skipta um klæðningu á þakinu á húsinu okkar, það veit sá sem allt veit að því nenni ég ekki, alltof bratt þak.
Nú er ég farin að nöldra og þá er best að hætta og fara að gera eitthvað.

Anna M nr 165 skrifaði:Það er bara þannig að maður er með hugmyndir og drög af ferðum, en svo er það bara allt annað sem maður fer.
Mig langaði svo á austurland og stólaði á það sem stóru ferð, eiginlega verð ég að bíða eftir þeirri frekar en að fara sjálf.
Fann það í stóru ferð í fyrra hvað það er skemmtilegra og öðruvísi að vera með fróðleik og leiðsögn, en að ferðast á eigin vegum.
Til hamingju með mömmu þína Hafdís og vona að þið berið nú hlýindin með ykkur austur.
Allavega yrði Ægir sáttur með það, er það ekki?

Jú víst yrði ég ánægður ef það færi nú að hlýna hér austurhelmingnum, þetta er ekki eðlilegt helv- það var 2,3 stiga frost hér kl 04 . s.l. nótt. Það voru hélaðir gluggar á bílnum þegar ég fór til vinnu uppúr sex í morgun. Ég skil vel að bíllinn hjá Hafdísi leiti austur, ha ha. Já það hefur stundum verið þannig þegar við höfum farið í frí að þá hefur góða veðrið verið á Austurlandinu en við á sama tíma í kulda og trekki einhversstaðar annarstaðar á landinu. ,,,,mér datt þetta svona í hug,,,,

Það er rétt, oft er veðrið best á heimahögum.
Í Evrópuferðinni 2007 þá vorum við í kulda, regni, þrumum og ROKI! Beið hreinlega eftir snjókomunni,svo líkt íslenskri veðráttu var það. Þetta vorið var einstaklega seint á ferð, og vesalings fólkið sem tók við greiðslu á tjaldsvæðin fóru að afsaka sig í bak og fyrir, höfðu bara aldrei upplifað að sumarið kæmi svona seint.
En samviska þeirra snarlagaðist þegar við sögðumst vera frá Íslandi og öllu vön
En vanari vorum við ekki en svo að við fengum kvef og m.a.s. Guðni fékk hálsbólgu
Á sama tíma var þvílík hitabylgja á Íslandi yfir 20 stig
En sem betur fer skánaði veðrið, því sonurinn sem kom og hitti okkur í þýskalandi tók veðrið með sér, því svo enduðum við í hitabylgju sem náði 40 stigum, næææææsssssss

Sæl veriði öll!
Við erum hérna á tjaldstæðinu í Ólafsvík í þvílíka sólskininu og blíðunni,,, skelltum okkur í Stykkishólm í gærkveldi og þar var sana blíðan.. eyddum lunganum úr deginum í sólinni í Hólminum og renndum svo hingað með örviðkomu í Bjarnarhöfn og á Grundarfirði. Leist ekki par vel á tjaldstæðið þar(þrátt fyrir útilegukort)svo við enduðum hér og erum hér alsæl á ljómandi fínu tjaldstæði.

Kv. Steini

Hvað við vorum skuggalega nálægt hvort öðru, en við vorum í botni Hraunsfjarðar Sama bongóblíðan þar, á laugardeginum var samt sólin að spara sig Þið hafið keyrt framhjá afleggjaranum á leið til Grundarfjarðar.
Veiddum nokkra fiska, átum þá, elduðum heilan svínabóg, og fengum okkur hollan eftirrétt.
Sannkölluð átveisla í okkar ferð.

Svo er það næsta helgi, á ekki að skella sér í spjallverjaferð??

Við vorum rosalega heppin með að hafa alltaf sól... hún hefur nottla bara elt okkur:-) Við veiddum að vísu ekkert en sinntum átinu prýðilega... full prýðilega meira að segja

Við getum að sjálfsögðu ekki verið þekkt fyrir það að skrópa í spjallferðinni:-)

Kv. Steini

Fólk á hlaupum í innkaupum, matur og meiri matur, það er málið.
Að sjálfsögðu mætum við Þóra í veisluna, bara að nefna stund og stað.

Andrés nágranni minn kom í gær og hjálpaði mér að tengja heljarmikinn gasskynjara,sem varar við allskonar gasleka, já það verður ekki hægt að reka við án þess að allt fari á fullt í aðvörunarkerfinu.
Svo var miðstöðin sett í gang og allt virkaði þetta, var að vísu smástund að ná heitavatninu en það kom, allur borðbúnaður settur í uppþvottavélina og svo var byrjað að tína eitthvað af dóti í bílinn.
Á bara eftir að skreppa í höfuðborgina og láta setja almennilega talstöð í næst bestan svo ég heyri hvar veislugestirnir halda sig.

Það er mikið að húsbílum, hjólhýsum og fellihýsum á ferðinni flesta daga, það hefur oft verið sagt að húsbílafólk sé sér þjóðflokkur, svolítið skrítið fólk.
Ef allir sem eru á ferðinni á húsbílum og hinir sem draga heimilin eru í sama flokki þá erum við flest stór skrítinn og það er yndislegt.

Við fórum í 6 daga ferð um vestfirði og fengum næstum því bongó blíðu allan tímann.
En Steini, þetta með tjaldstæðið í Grundarfirði ( ef þú átt við Kverná) þá er það ekki mönnum bjóðandi. Við fórum þangað í fyrra sumar, vorum seint á ferð svo við náttuðum þar en aldrei aftur. Aftur á móti er annað stæði í þorpinu sjálfu og það virtist vera í lagi.
Við reyknum með að fara að Hítarvatni, fluga eða ekki fluga, vonandi sjáumst við sem flest þar.