Félagsgarður

Sælveriði! Við Helga komum hingað(skrifað á tjaldstæ'inu við Félagsgarð) um kl. 1 í nótt sem leið eftir sannkallað rokferðalag:-) Höfðum lesið að það myndi lægja með kvöldinu og ákváðum að fengnu samráði við Hafdísi Júlíu, yfirveðurfræðing, að leggja í hann. En,da eins og Hafdís sagði... smá rok á móti ef þið farið Mosfellsheiðina(það var nefnilega örlítill kaldi á Kjalarnesinu) og síðan er bara logn þegar þið komið í Kjósarskarðið. Ég var nú á tímabili farinn að hugsa það að ég fengi hanan bara til að vinna bílinn undir sprautun... þar sem melurinn rauk yfir bílinn í logninu hennar:-)

Vorum fegin þegar áfangastað var náð og erum hér í góðu yfirlæti þótt mætti svo sem vera hlýrra... þó sást hér einstaka maður, kappklæddur, í sólbaði í dag

Bara æðislegt að vera farinn af stað þetta sumarið - Kv. Steini og Co...

Já Steini minn, ég skal aldrei ráðleggja þér neitt í sambandi við veður aftur. En það var logn þegar ég talaði við ykkur,
ég get ekki gert að því, en svo varð bara allt ennþá vitlausara og átti ég þá að hringja og segja nei nei bíðið við Hlégarð.
Þið eruð hraustmenni að komast alla leið. Sýnir sig að við látum ekkert stoppa okkur.
Ég hafði á orði á leið í bæinn í dag eftir skemmtilega helgi með ykkur öllum, að þetta myndi ég ekki leggja á mig aftur
í svona veðri. Verð næst heima.
En þetta var samt yndæl ferð og verður lengi í mynnum höfð fyrir kjarkinn sem þeir sýndu sem komu, því veðrið var brjálað
á föstudagskvöldið, og það sem átti að lægja um miðnætti teygðist alveg til morguns enda komu fyrstu bílarnir ekki úr varinu á Kjalarnesi
fyrr en um 8 leytið á laugardagsmorgun.

- Já enda er nú komið fram nýtt veðurheiti - Hafdísarlogn -

Já þetta var flott og gott að einhver kom okkur af stað

Kv. Steini

Sæl verið þið og takk fyrir góða helgi þið sem voruð í ferðinni.
Við komumst á áfangastað rétt fyrir miðnættið því skiltið datt niður með tölur: 26 metrar og 34 í hviðum og skelltum við okkur í gegnum það. Ég skelfingu lostin raulandi lagið: með taugarnar þandar..... Standandi í miðjum bílnum að halda lúgunni niðri, sem sífellt fauk upp. Hafdísarlognið var nú engin lygi, því þegar við komum inn Kjósina í átt að Félagsgarði, var veðrið allt annað. Þó hvessti seinna um kvöldið en aldrei neitt í líkingu við Kollafjörðinn. Auðvitað á maður að fara eftir skiltunum, og það gerðum við ásamt fleirum og biðum við Hlégarð í Mosó. En maður var búin að fylgjast með veðurspám og langt fram á föstudag heyrði maður ekkert um þennan veðurofsa, sáum bara skiltin.

Þegar Akraness-strætó skellti sér ákváðum við að skella okkur líka enda okkar bíll lítill og nettur og klauf veðrið vel.

Annars var helgin frábær og alltaf gaman að hittast.
Vil bara sérstaklega þakka nýjum félögum fyrir kynnin og vona að sjá ykkur aftur í sumar

Hæ og takk fyrir síðast!

Vil bara þakka fyrir samveruna í Félagsgarði um helgina!
Þetta var frábært.

Sjáumst hress og kát fljótlega aftur!

p.s. Ég er enn að leita að mynd

Bestu kveðjur

Oddný

Heil og sæl og bestu þakkir fyrir samveruna um helgina. Næst þegar þið verðið innligsa í Mósó þá endilega hafið samband og kannið hvort ekki sé kaffi á könnunni Helgin var hin skemmtilegasta og gaman að skoða flóruna af flottum húsbílum. Við höfum sett okkur það markmið að hjóla eitthvað á hverjum stað sem við gistum og það gerðum við líka s.l. laugardag. Við hjóluðum heim að Hálsi og þar var opin búðþ Bændurnir á Hálsi eru með kjötsölu allar helgar frá kl. 14.00 - 18.00 og á laugardögum selja þeir ófrosið, beint á grillið. Einnig eru þau með ýmsar sultur, pasta og kæfur ýmiskonar. Í gær þegar við vöknuðum og höfðum fengið okkur morgunverð þá héldum við áfram Hvalfjörðinn og upp í Munaðarnes til að aðstoða vini við að pakka saman sínu hafurtaski en þau hafa nú hætt rekstri á veitingaþjónustunni þar og reka nú veitingahúsið að Laugarvegi 24 í Rvk. sem heitir Scandinavian. Vaðrið var orðið frekar leiðinlegt þegar við héldum heim en helgin var mjög skemmtileg og enn og aftur hafið bestu þakkir fyrir frábærar móttökur. Kveðja, Daði Þór og Elín Íris

Mikið er ég glöð að heyra að gott sé hljóðið í mönnum eftir ferðina
Hef ég farið í nokkrar og get reyndar ekki sagt að þessi sé sú besta, en engu að síður er maður sáttur.
Ég er bara þannig að gera gott úr öllu.

Sérstaklega er ég ánægð með þetta fyrirkomulag með að raða bílunum, reyndist það vel núna öðru sinni, en seinast var raðað upp í afmælisveislunni.

Daði minn nú hugsar maður gott til glóðarinnar ef við látum verða af spjallverjaferð að hafa góðan músíkant með

Já þetta var bara fínasta ferð og þegar unglingurinn hún Birna mín sem er 17 ára skemmtii sér bara vel með okkur "gamla settinu" þá virðist allt vera í besta standi. Næst tek ég bara básúnuna með ! það voru nú básúnur sem blésu niður múrinn á öld Rómverja.

Hæ,hæ.
Takið endilega básúnuna með, en við skulum vona að það finnist ekki veggir sem þarf að blása niður.
Kveðja, með þökk fyrir síðast.

Sæl Vigdís ! Það var nú heldur ekki þannig hugsað ! Það er ekki víst að við verðum með að Hlöðum um Hvítasunnuna þar sem blásið er til afmælisveislu í fjölskyldunni við Þingvallavatn. Sjáum samt til hvernig það allt saman þróast. Í Mosfellsbænum fer lognið mjög hratt yfir þessa stundina en eigi að síður fallegasta veður. Kveðjam, Daði Þór