Hvað kostar að láta skoða húsbílinn

Veit einhver hvað kostar að láta skoða húsbílinn ? Þessi afsláttur sem Aðalskoðun í Hafnarfirði veitir er hann þess virði að mæta í skoðunina þar frekar en annarstaðar ? kv. Daði Þór á Krema nr. 39

Sæl veriði. Frumherji var hér fyrir nokkrum vikum með skoðunarbílinn. Gjaldið þetta árið var rétt sexþúsund kr. með 20% afslætti. Ég gat nú ekki farið með húsbílinn í skoðun þá vegna þess að hann var´í húsi og vagnar fyrir innandyra og mikill snjóskafl fyrir dyrum. En ég fór með tvo aðra bíla sem ég á í skoðun og ég fékk þá skoðaða með húsbílaafslætti, mig minnir að gjaldið hafi verið 12,100.- fyrir báða bílana. Aðalskoðun skoðar húsbíla á Reyðarfirði 18. og 19. maí, þar á gjaldið að vera samkvæmt tilkynningu félagsins okkar kr. 4,5oo. þetta árið.
Eitt finnst mér ósanngjarnt hjá Aðalskoðun þarna fyrir sunnan , það er að ef menn komast ekki með húsbílinn til skoðunar á áður auglýstum degi af einhverjum ástæðum þá fá menn ekki umsamdan afslátt . Þessu þarf stjórnin að kippa í lag og ræða við Aðalskoðun. ,,,,mér datt þetta svona í hug,,,,

Skoðunardagur Húsbíla. Nokkrir punktar: Húsbíladagur Aðalskoðunar hf. verður
haldinn laugardaginn 25. apríl 2009 (kosningadaginn) og stendur frá kl. 08:30
til ca. 12:00, eftir því hvernig gengur að skoða.
Ath. Þetta er eingöngu fyrir Húsbílana (ekki einkabílinn)
1. Menn byrja á að koma inn í afgreiðsluna og ganga frá greiðslu og fá
númer með sér. Allir bílar eru teknir inn eftir röð þannig að menn geta
fylgst með hvenær kemur að þeim. Við reynum reyndar ef um minni bíla
er að ræða að taka þá á lyftuna hjá okkur og þá fara viðkomandi fram
fyrir röðina en það flýtir bara fyrir afgreiðslu á hinum svo það er öllum
til góða.
2. Gott er að menn raði sér upp eftir röð og eins þarf að hafa í huga að
þeir trufli sem minnst umferð hér á götunni fyrir framan og sérstaklega
þarf að hafa í huga að blokkera ekki af sjoppuna hér við hlið okkar.
3. Húsbílamönnum á landsbyggðinni verður boðið upp á sama verð á
skoðun og á húsbíladaginn í maí og júní. Við erum á eftirtöldum stöðum:
Grundarfirði, Sólvöllum 17a, skoðunardagar; 14. og 28. maí og 11. og
25. júní. Á bílaverkstæðinu Múlatindi, Múlavegi 13 á Ólafsfirði,
skoðunardagar; 11. og 12. maí og 8. og 9. júní.
4. Á bílaverkstæðinu Bíley, Leiruvogi 6 á Reyðarfirði, skoðunardagar 18. og
19. maí og 22. og 23. júní. Athugið að við getum bara skoðað bíla sem
eru 3500 kg og minna. Panta þarf skoðunartíma á þessum stöðum.
5. Verðið á skoðuninni í ár er kr. 4500.- (var kr. 4200 í fyrra).
6. Aðalskoðun býður upp á kaffi og kleinur og vonandi gott veður.

Einig ætlar Rafgeymasalan Dalshrauni aðhafa opið fyrir okkar félaga frá 10.00-12.00, þeir sem þurfa geta nýtt sér það,
Rafgeymasalan Dalshrauni (rétt við Aðalskoðun) ætlar að hafa opið fyrir
Félagsmenn Húsbílafélagsins á skoðunardaginn, frá kl. 10:00 – 12:00. Þeir bjóða
rafgeyma með 10% afslætti, svo nýtið ykkur þetta endilega ef hentar.

Kv.Soffía

Frábært að heyra með rafgeymaafsláttinn, þetta ætla ég að segja mínum bónda frá, erum einmitt að spá hvort að okkar sé ekki orðinn slappur.
En okkar bíll er skoðaður en takk samt.