Það bætist alltaf við en.....

Alltaf bætist við okkar skráningarlista, komnir vel yfir hundrað skráðir notendur
Voða fáir samt sem þora að tjá sig hér, og ég sem ætlaði að sitja hér og lesa umræðurnar, þar sem ég á erfitt með að pikka í kvöld
Vill enginn segja hæ?

jæja þýðir ekkert væl, svo ég spyr: Hvernig leggst komandi tíð í ykkur?
Ég hef á tilfinningunni að þetta verði gott sumar, þetta árið komnar 4 gistinætur, en við fórum í vetrarferð 1 nótt og svo 3 núna um páskana

Eg var að vinna í gærkvöldi svo ég kom ekkert inn á síðuna í gærkvöldi.
Ég er búin að vera að fylgjast með síðunni síðustu daga.
Hvar eru allir?

Já það er bara svona, 15. apríl s.l. var eitt ár frá því ég "innvígðist" hér á húsbílasíðuna, getur það verið ?, mér finnst svo stutt síðan,. Það er nú ekki svo langt síðan að ég sendi fyrstu vitleysuna hér inn. Hef bara haft gaman að þessu, kannski strítt einhverjum það verður að hafa það með . Vonandi verður gaman næsta árið einnig .,,,, mér datt þetta svona í hug,,,,

Hélt bara að þú værir hættur En nú ertu að segjast ætla vera næsta árið, gott með það því þín yrði nú bara saknað hérna með þitt glens og fleira

Það hefur oft verið gaman á spjallinu og svo er margt sem verður að teljast fróðleikur sem hefur komið fram hjá spjallverjum.
Oft hefur mér fundist gaman að metingi okkar Ægis um kost okkar svæða og við erum vonandi eftir að hittast og fallast í faðma eins og góðir bræður, helv. er maður að verða hátíðlegur.
Myndagáturnar bæði skemmtilegar og fræðandi, núna logar allt af samstöðu um að láta ekki tjaldsvæðaeigendur ræna ferðafólk.
Tjaldsvæði erlendis kosta oft svipað og hérna minnir mig en það er mikill munur á gæðum og oft þjónustunni.
Við eigum að styðja við Útilegukorti og þá þróast þetta allt í rétta átt öllum til hagsbóta.

Já rétt er það Björn við eigum að styðja við kortið, en það verður nú væntanlega bara þannig að í sumar verður fullt á öllum tjaldstæðum sem erum með kortið, og þess vegna tel ég að við sem fjöldahreyfing eigum að reyna að hafa áhrif á þá staði sem eru að selja inn og reyna að fá lækkun, eða allavega ekki hækkun. Eins og maður sér með tjaldstæðið í Hveragerði
það er mjög gott að koma þangað og stutt að fara fyrir marga, en að ætla að hækka frá því í fyrra það er mjög fúlt.
Það verður til þess að færri húsbílaeigendur koma þangað í sumar. Einhver var að tala um að það væri gjald fyrir ellilífeyrisþega
sem er eitthvað lægra, núna er ég ekki komin á þann aldur svo það er spurning um að húsbílafélagið semji um að allir húsbílaeigendur fái á því verði (ellilífeyrisþega verði) , væri það ekki sniðugt að semja um það t.d. ÉG skal alveg borga með glöðu geði, ef það er bara sanngirni í verðlagningunni. Umræðan t.d. um rafmagnið, við erum jú að nota ca fyrir 100 kall, en auðvitað viljum við hafa staurana og það kostar að koma þeim upp og endurnýja þá, svo ókey við skulum borga meira en 100 kall til þess að niðurgreiða uppsetninguna, en 650 kr. það er rán um hábjartan daginn.

Við á Krema fórum norður í Húnavatnssýslu um sl. helgi og eru því næturnar orðnar 7 núna í vor. Við gistum fyrst á Hvammstanga á planinu hjá vinum en á laugardag héldum við í Vatnsdalinn þar er við fundum lund við lítinn læk sem við settum okkur niður og gistum þar með litla 3 ára ömmusnúðinn með okkur. Lentum reyndar í hávaða roki undir Hafnarfjalli (31 m. í kviðunum) og á Kjalarnesinu í gær á leið heim. Næsta verkefni er að kaupa viðikortið og nýta sér nýja möguleika á gistiaðstöðu. Bíllinn er svo góður að maður þarf ekkert á rafmagni né öðru að halda sem íboði er á tjaldstæðunum. Kíkið í Vatnsdálinn þegar þig farið norður. Hann er bara flottur og fullt af stöðum til að stoppa og njóta náttúrunnar. Kv. Daði og Elín

Góð hugmynd Hafdís, fáum stjórnina til að ræða við staðarhaldarann í Hveragerði, stutt að fara fyrir marga, við Þóra myndum að vísu frekar fara í bústaðinn þegar við værum á þessum slóðum.
Annar er vinalegur staður við ströndina ekki langt frá Stokkseyri sem ég hef verið á og alveg til í að vera þar oftar.
Ef tjaldsvæðin sem tilheyra Útilegukortinu verða alltaf full í sumar ættu okkar félagar að kynnast og líka ættum við að kynnast félögum okkar í öðrum félögum.
Hef trú á að sumarið verði vendipunktur fyrir þá sem hafa samið við Útilegukortið og næsta sumar þar á eftir fjölgi tjaldsvæðunum sem verða með.
Hafdís hvernig gengur með það sem við ræddum um, þú mátt alveg senda mér línu milliliðalaust.
Saeunnargata@simnet.is

Elín og Daði þið takið þetta með trompi, komnar 7 gistinætur.
Við Þóra höfum gist í Vatnsdalnum og þar eru margir fallegir staðir og innst í dalnum þar er notalegt að vera.
Ef þið hefðuð farið fyrir Vatnsnesið þá er vinalegur staður alveg við sjóinn rétt fyrir neðan veginn við hliðina á fjárrétt.
Kremi er betri í rokinu við Hafnarfjall en pappakassarnir sem við erum mörg að nota.

Ekki hefði ég boðið í Draumakot í veðurhamnum á sunnudaginn.
Við fórum á Þórisstaði og vorum þar í yndislegu veðri á föstudaginn en fórum heim á laugardag þegar við heyrðum af veðurspá. Enda eins gott miðað við lætin, á leið heim sáum við nokkra félaga sem höfðu komið sér fyrir hist og her í Hvalfirði, svo það eru þónokkrir komnir af stað og fara ekkert endilega mjög langt frá Reykjavík, en eins og framm hefur komið þá erum við engum háð, erum með Wc, rafmagn, hita, svo við getum verið hvar sem er.