Félagið og Hvalfjarðargöng.

Hafdís vill fá meiri umræðu um málefni félagsins upp á yfirborðið, það er tvímælalaust af hinu góða og kannski opnast betri möguleiki til þess þegar nýja heimasíðan kemst í gagnið.
Þar verður lokað svæði fyrir öðrum en þeim sem hafa aðgangslykil, ef ég hef tekið rétt eftir.

Skoðum óréttlætið hjá Speli,
Guðlaugur skrifar í gestabókina.
Stafsmaðurinn sagði að búinn hefði verið til milligjaldflokkur minnir að hann segja frá 6 til 8 metra og í hann flokkuðust atvinnubílar / sendibílar og það væri enginn annar flokkur til sem rúmaði húsbíla því fyrri (aðrar) verklagsreglur væru felldar niður, og þær eldri hefðu verið að húsbílar og hjólhýsi væru á taxta fólksbíla upp að 7.25 mtr. minnir mig svo minni hætta væri á að þeir færu Hvalfjörðinn með tilheyrandi skakkaföllum þetta voru verklagsreglur sem urðu til að tilstuðlan umferðaráðs forvera umferðastofu en var svo aflagt af því að stórir amerískir pallbílar með camper flokkuðust sem atvinnubílar og þá með háu gjaldi en húsbílarnir á mun lægri taxta og þar skapaðist misræmi í gjaldtöku , svo nú skulu við blæða fyrir fyrra misræmi þeirra í skattlagningunni (það finnst mér á þeirra tilsvörum) , og eftir situr að hjólhýsi halda sínu en húsbílar eru flokkaðir eftir lengd og lenda þess vegna með atvinnubílum frá 6 til 8 metrum ,en hjólhýsi flokkuð sem aftanívagn (með smá álögum)eftir sem áður ..Húsbílakveðja

Það væri bara af hinu góða að húsbílafólk tæki sig saman um að mótmæla þessu óréttlæti og væntanlega skilar það helst árangri að stífla göngin nokkrum sinnum á álagstíma.
Það er ekki flókin dæmi fyrir Spöl að reikna ef hundrað bílar ákveða að fara fyrir Hvalfjörð frekar en sitja fastir í röðinni við göngin, hvað þá ef þeir verða þúsund.
Tekjurnar sem Spölur hefur af húsbílum er hverfandi, mig minnir að við höfum farið tvisvar í fyrra á ferðabílnum gegnum göngin.

Þó að við getum keypt 10 ferða kort og fengið ferðina á 580 kr vegna "réttrar" stærðar, þá stendur ekki á mér að mæta, það er hugur í mönnum gagnvart þessu óréttlæti og var ekkert smá mikið reynt af fyrri stjórn að fá einhverja leiðréttingu á þessu.
Alveg vildi ég sjá virkilega samstöðu og efna til mótmæla.
Mér dettur í hug tveir dagar sem gætu hentað og það eru rauðir dagar, 23 apríl og svo 21 maí.
En ef fólk vill í alvöru gera þetta á versta tíma þá eru það föstudagar eftir vinnutíma eða á sunnudögum í eftirmiðdaginn.
Kannski tala við stjórn félagsins um þetta???