Tjaldstæði um páskana

Eins og þið hafið væntanlega lesið á gestabókinni þá er ég búin að vera í ævintýrum í dag í sambandi við tjaldstæði.
Við höfðum svo samband við húsráðendur á Snorrastöðum og þar getum við verið um páskana og borgða 900 kr. pr. nótt fyrir bílinn og ef við viljum rafmagn þá geta einhverjir verið í því og borgað 400 kr. pr. sólarhring
þar er salerni og sturtur, og við gætum verið inni í húsi ef hópurinn yrði einhver, það er hægt að grilla inni og borða saman í eldhúsinu.
Það er mjög skemmtilegt gönguumhverfi t. d. á Eldborgina, og í fjöruna.
Ef einhver hefur áhuga þá endilega láta mig vita á email: hafdis@888.is

Þið eruð alveg frábær að athuga þetta, vonandi vilja einhverjir koma
Væri ekki lag að fá Steina til að setja tilkynningu um þetta á síðuna? Það eru ekki allir sem skoða gestabókina niður úr. Eru einhver viðbrögð Hafdís?

Hæ Anna
Nei það eru auðvitað engin viðbrögð, fólk virðist ekki hafa skoðun á þessu frekar en öðru.
Ef maður er ekki með brandara í gestabókinni, þá er enginn áhugi.
Ég er komin í samband við þau á Hvolsvelli, og ætla að fá svör við þessu verði sem sett er á tjaldstæðin, því eins og ég komst að í gær þá er ódýrara að vera á Hellishólum heldur en á tjaldstæðum sveitafélagsins. Mér finnst þetta mjög slæmt ef satt reynist fyrir sumarið
því ég tók dæmi um fjölskyldu sem ætlar að ferðast í sumarfríinu sínu með 2 börn og vilja rafmagn en eru í venjulegu tjaldi, þau hafa ekki efni á því að ferðast því tjaldstæði hringinn í kringum landið eru svo dýr (nema með útilegukortinu) að þau geta ekki leyft sér þetta því matur og bensín og annar kostnaður er í viðbót við 50-100 þús kr. sem bara tjaldstæði kosta.
Ég held að það sé betra að hafa tjaldstæðin aðeins ódýrari og þá hefur fólk efni á því að gera ýmislegt annað í sveitarfélaginu, t.d. fara á hestbak, fara í sund, borða á veitingastöðum,
farið í búðina, skoðað gallerýið og söfnin og allt sem er í boði, sem er mun meira atvinnuskapandi í sveitarfélaginu heldur en tjaldstæðið, sem þarf eina manneskju til þess að setja nýjan klósettpappír.

Halló Hafdís, þú átt þakkir skilið fyrir að hafa kannað með tjaldsvæði um páskana og vera búin að semja við fólkið á Snorrastöðum.
En þú getur ósköp lítið gert í því hvort fólk lætur vita eða ekki, hefði ekki bara verið betra að gefa upp símanúmerið hjá staðarhaldara fyrir þá sem hefðu viljað panta pláss.
Fólk getur síðan haldið áfram að spjalla og spyrja um ferðalög um páskana.
Það er best að láta vita strax að við Þóra verðum ekki á ferðabílnum um páskana, við verðum í bústaðnum með börnum og barnabörnum.

Svo er það tjaldsvæðismálin.
Eins og ég hef nefnt áður eigum við að styðja við bakið á þeim sem standa á bak við Útilegukortið, þeir virðast vera að gera góða hluti.
Ég hefði viljað sjá félögin standa saman í þessum málum og kannski eru stjórnirnar að vinna að þessu eins og svo mörgu öðru.
Hagur beggja á að vera það sem gildir en því miður virðist sem sum tjaldsvæðin eigi að skila arði til eigenda strax á fyrsta ári.
Ef ferðafólk tekur sig saman og notar Útilegukortin og þau tjaldsvæði sem tilheyra því, þá má gera ráð fyrir að fleiri tjaldsvæðiseigendur vilji koma í þann hóp.

Kannski stafar eitthvað af áhugaskortinum af því að margur maðurinn þarf að halda og eða fara í fermingarveislur t.d 3 stk. hjá okkur takk þessa páskana)og slíkt og eins er nú kannski veðurfarið ekkert búðið að vera allt of hvetjandi. En um að gera að reyna. Ég hefði verið til ef ekki kæmi til ferming, gestagangur, stólalaus bíll, fáum sið í vinnu og svo framvegis

Kv. Steini

Ég er nú ekki að ætla fólki að hafa áhuga fyrir því að fara saman eða sundur í ferðalög um páskana.
Það sem ég átti við er aðallega að við virðumst ekki hafa áhuga sem hópur á neinum umræðum um eitthvað sem er óþægilegt.
Mér finnst okkur koma það við hvað það kostar að vera á tjaldstæðum, Útilegukortið eins gott og það er er ekki allan hringinn t.d. Því fleiri sem taka sig saman og mótmæla því meiri líkur eru á því að eitthvað breytist.
Ég veit að félagið er að vinna af heilum hug í því sem skiptir máli fyrir félagsmenn, en við sem félagar getum haft skoðun
á því hvað okkur finnst, og reynt að hafa einhver áhrif. Þetta er ekki bara tjaldstæðin sem er að tala um heldur líka t.d. göngin, þetta er mjög mikið óréttlæti að við þurfum að borga 1100 kr. í gegnum göngin af því að ég er á bíl yfir 6 metrar
6.14 akkúrat, en svo getur komið stór jeppi á undan mér og á eftir mér með 5 metra langt hjólhýsi og nei hann þarf ekki að borga nema 350 kr. eða eitthvað ef hann er með lykil. Við eigum að taka okkur saman og fara upp á Skaga og flauta heilan dag fyrir utan hjá Speli t.d. mótmæla þessu óréttlæti.
Ég ætla svo bara að óska öllum húsbílafélögum gleðilegrar páskahátíðar og þér Steini óska ég gleðilegra átveislna um páskana. Njótum þess að vera þar sem við erum og höfum gaman að því.

Já mér finnst í raun að þetta sé alveg umhugsunarefni fyrir félagið sem slíkt að efna einfaldlega til mótmæla.
Eitt aðalmarkmið félagsisn er jú að gæta hagsmuna félaganna:-)

Kv. Steini

hafdísjúlía skrifaði: Við eigum að taka okkur saman og fara upp á Skaga og flauta heilan dag fyrir utan hjá Speli t.d. mótmæla þessu óréttlæti.
.

Það væri frábært að gera þetta, storma með marga bíla keyra löööötuuuuurhææægt í gegnum göngin og liggja á flautunum og pirra þá svolítið. Einnig væri ekki vitlaust að láta fjölmiðlana vita.

Heil og sæl ! Ég er sammála Hafdísi og Önnu með að mótmæla gjaldskránni í göngin. Það er búiða að borga þessi göng og hvers vegna er ekki orðið frítt í göngin ? Við eigum að fara stuttan túr upp á Akranes, aka löturhægt í gegnum göngin og leggja bílum okkar við höfuðstöðvar Spala og FLAUTA !
Hvað varðar tjaldstæðin þá ætti að vera frítt inn á þau tjaldstæði sem bæjarfélögin reka (borga fyrir rafmagn) þvi eins og einhver sagði hér fyrir ofan þá er fólk tilbúið að eyða í annað eins og veitingar og skemmtun.
Við ætlum vestur í Grundarfjörð n.k. fimmtudag en förum sennilega austur fyrir fjall um páska og e.t.v hittumst við einhverstaðar á leiðinni.

Hvar eru Snorrastaðir ?

Snorrastaðir eru á mýrum, beint á mót Kaldármelum, það er beygt áður en þú kemur að Eldborg á Mýrum
þú ert búinn að horfa á Eldborgina lengi lengi áður en þú beygir.
Já kannski sjáumst við austur eða vestur frá það veltur á veðurspánni.
Góða ferð í Grundarfjörð og biðjum að heilsa á Krákuna