Okkar gestabók vinsæl núna.....

Hjá einhverjum gelgjum, það hafa komið færslur þar, sem eiga ekki við.
Þetta sýnir okkur kannski ástæðuna fyrir því að fólk vill hafa spjallið og jafnvel húsbílasíðu lokaða.
Hugsum okkur, að okkar spjall og síða væri lokuð, opið eingöngu fyrir skráða félaga, væri þá samt ekki hægt að hafa opið fyrir gesti að vissu marki? Sérstaka gestasíðu eða kannski þurfa meðmælanda til að komast inn?

Okkar er að kynna okkar félag, efla kunningjaskapinn og fá nýja félaga inn og bjóða þá velkomna.
Kannski er hægt að hafa á nýju síðunni gestarás og svo læst allt annað fyrir félaga?
veit að það er Steini sem svarar þessu, en hvað með ykkur hin? Hvað finnst ykkur?

Svei mér þá alla mína daga! Rak augun í númerið mitt á gestabókinni við skrif sem ég hlýt að hafa látið frá mér fara í svefni! (ég held raunar að ég hafi verið vakandi fram yfir miðnætti í gærkvöldi)

Þetta verður vonandi lagað, nú verður Steini að taka upp sópinn og þrífa gestabókina. Er annars nokkuð hægt að loka henni svo vel sé? Það hafa komið upp svipuð mál áður, en þetta er afar sjaldgæft sem betur fer, og vonandi er þetta bara sniðugt einu sinni hjá hverjum.

Kveðja, Gunnar Th., 222

Varstu kannski Gunnar minn í einhverjum kelidraumum?
Það skyldi þó ekki hafa verið húsbíllinn í þeim kelidraumum?

Nehei, ekki var það nú þannig, eða þannig....

Hitt er annað mál, að ég vildi gjarnan eiga húsbíl, og það er svo sem ekki kreppan sem stoppar mig. Ég gerði fyrirspurn um húsbíl á bílasölu fyrir viku en bílasalan hefur enn ekki séð ástæðu til að svara. Kannski var mig bara að dreyma þann bíl.

Maður fær svona smá fiðring þegar sólin er farin að sýna sig og hita upp veröldina. Verst hvað það er helv. kalt þegar hún sest. Ég er að vona að eftir páskana fari menn að hugsa sér til hreyfings með að bjóða ódýrari bíla til sölu því mér datt í hug að brúa bilið með einhverju, nánast bara einhverju. Skoðaði gamlan Bens sem var boðinn til sölu á dögunum, þessháttar bíll er ekki það sem mig "dreymdi" um en gæti svo sem notast eitt, tvö sumur. Þessi gamli Bens var ágætlega innréttaður og búinn, en hafði þann slæma galla að vera gersamlega ónýtur sem bíll! Það er nú þannig að mínu viti, að það skiptir engu máli hversu góður aðbúnaðurinn er í bílnum, ef búnaðurinn til að koma pakkanum milli staða er ekki öruggur er verr farið en heima setið.

Það er ennþá gott veður þegar þetta er skrifað og ég er að hugsa um að rölta út í innkeyrslu, tylla mér á kerrubrettið og horfa smástund á Doddsinn minn. Ég er nefnilega enn að ákveða hvort ég á að gera úr honum svona bráðabirgðaferðabíl - eða hreinlega henda honum.

Það skýrist eflaust fyrir vorið........

Æ, ekki enn komin á bíl? Þú hefur þó fram að vori að ákveða með Doddsinn, eða vera duglegri að fylgjast með auglýsingum eða sölunum.
Vona bara til að sjá þig á fjórum hjólum með bekk og bæli.
Búið er að hreinsa gestabókina af þessum bullskrifum sem komu, en óvart hefur verið tekin með færslan hennar Hafdísar 868 þar sem hún bendir á góða staði til að vera á.

Já það er ómögulegt að þú sért bíllaus Gunnar, þú verður nú ekki í vandræðum með að útbúa bíl ef þú færð eitthvað hráefni . Vonandi fer nú vorið að koma , það var svo stjörnuvitlaust veður, snjóbylur og leiðindafærð hér á götum bæjarins þegar ég fór til vinnu kl. 6 í morgun, það var svo blint að maður var í vandræðum að hitta á eyrað á sér til að klóra sér , maður verður nú að ýkja aðeins svona til að hafa gaman að þessu en það fór nú að sjást á milli húsa svona eftir hádegið, . Annars er þetta versta veðrið sem komið hefur hér í vetur. Eitthvað er nú veðurspáin betri .,,,,mér datt þetta svona í hug,,,,

Heil og sæl. Ég sá nú ekki þessi skrif á gestabókinni sem "gelgjurnar" höfðu sett inn þar. Nú er ég svo nýr félagi og mörgum af mínum spurningum hef ég ekki engið svar við. Hvað varðar gestabókina þá finnst mér það ekki vera spurning að gestabókin þarf að vera til staðar en þessi uppsetning sem er þegar klikkað er á gestabók ætti bara að vera allmenns eðlis. Ekki þannig að félagsmenn gefi upp félagsnúmer o.þ.h. Gestabókin á heimasíðunni væri fyrir hvern sem er en það ætti að koma sjálfkrafa fram hver sendir (e-mail adressa) Mér finnst einnig að aðeins félagsmenn hafi aðgang að "Húsbbílaspjallinu" og þar væri gestabók eins og hún er sett upp á forsíðunni, aðeins félagsmenn skrifi og þar setji menn inn félagsnúmer.
Hvað með að setja inn félagaskrá með númerum og e.t.v. upplýsingar um félaga, (heimilisfang, sími, e-mail o.f.l.)
Keðja úr Mosfellsbænum, Daði Þór nr 39

þAÐ ER GEFIN út bók á hverju ári með nöfnum og númerum allra félaga í húsbílafélaginu
en það er verið að vinna í því að setja þetta inn á heimasíðuna og setja svo lykilorð fyrir hvern og einn þannig að félagatalið sé ekki opið fyrir alla.
Ég hef reyndar aldrei skilið þessa gestabók, því þar úir og grúir af allskonar skilaboðum, í stað þess að fólkið fari inn á spjallið og fari undir liði sem það hefur áhuga á og spjalla þar undir hverjum lið fyrir sig, ekki allt í belg og biðu eins og í gestabókinni. En þar er sniðugt að koma skilaboðum til allra um einhver sameiginleg mál.
því það er svo mikil vinna að finna eitthvað á spjallinu.