Diesel og steinolía

Sælir félagar ! Ég er alveg nýr í félaginu (3 dagar) og hlakka ég til að heyra í ykkur. Við Elín Íris erum með gamlan M Benz 309 og sem stendur er hann í geymslu "fyrir austan fjall" Áður en ég fór með Krema en það heitir bíllinn í geymsluna setti ég c.a. 20 lítra af steinolíu á tankann eftir ráðleggingu. Núna var ég að heyra að það væri alveg skaðlaust að blanda allt að 50/50 steinolíu á bílinn í sumar og jafnvel 75% steinolíu á móti 25% diesel ! Veit einhver um þetta atriði ? Bestu kveðjur, Daði Þór og Elín Íris á Krema Nr. 39

Velkomin í félagið og velkomin á spjallið!

- Menn "drýgðu" nú oft á eldri dieselvélum með því að blanda hana steinolíu og það virtist í það minnsta ekkert skemma á þessum gömlu. En auðvitað voru þeir ólíkt kraftlausari, verri í gang og lyktuðu enn óskemmtilegar:-)

Þetta er sjálfsagt eitthvað sem menn verða að prófa sig áfram með en það mætti segja mér að þessar tilraunir gengu ekki á nýrri vélunum eins og common rail vélunum sem í flestu eru í dag og um að gera að sleppa slíkum æfingum.

Kv. Steini

Sæll Daði, hérna áður fyrr settu menn Steinolíu á bíla á vetrum og var það gert til að koma í veg fyrir að hráolíusían fylltist af vaxi sem vildi myndast í miklum kulda. (helv.. rússaolían )
Það var eitt það vesta sem maður lenti í að vera með síuna í höndunum í 10° frosti eða meir.
Ég veit um fullorðin Patrol jeppa sem gengur eingöngu á Steinolíu um þessar mundir og mun víst ganga ágætlega þegar hann er orðin heitur.
Eigandinn segist láta svolítið að tvígengisolíu með til að mýkja ganginn.

Takk fyrir svarið Björn H. 29 og Steini 298.
Ég ætla nú að fara mér hægt í þessu varðadi steinolíuna. Það styttist í að við skellum okkur austur fyrir fjall og sækjum djásnið þar sem það er í pössun í vetur. Ég ætla með gripinn til skoðunar 25. apríl eins og boðað er til hér á síðunni.
Áður en það getur gerst þarf ég að láta líta á bremsur bæði aftan og að framan. Vitið þið nokkuð hvar ég fæ varahluti í þennag eðalgrip á góðu verði. Ég hef heyrt að það sé verslun einhverstaður í Kópavogi (einni af litagötunum við Skemmuveg) sem sérhæfir sig í þessum varningi.

Hvernig set ég inn myndir á síðuna ?

Gestur skrifaði:Sælir félagar ! Ég er alveg nýr í félaginu (3 dagar) og hlakka ég til að heyra í ykkur. Við Elín Íris erum með gamlan M Benz 309 og sem stendur er hann í geymslu "fyrir austan fjall" Áður en ég fór með Krema en það heitir bíllinn í geymsluna setti ég c.a. 20 lítra af steinolíu á tankann eftir ráðleggingu. Núna var ég að heyra að það væri alveg skaðlaust að blanda allt að 50/50 steinolíu á bílinn í sumar og jafnvel 75% steinolíu á móti 25% diesel ! Veit einhver um þetta atriði ? Bestu kveðjur, Daði Þór og Elín Íris á Krema Nr. 39

Það er alveg óhætt að blanda steinolíu í dísel. Ég er með LandCruiser 120 sem ég hef keyrt á 50/50 í langan tíma. Engri smurolíu blandað saman við. Vélin er þýðgengari ef eitthvað er og krafturinn sá sami. Sagt er að aflið sé aðeins 1% minna svo maður finnur ekki muninn. Um tíma var hann bara á steinolíu en þá safnaðist vax í eldsneytissíuna. Það lýsti sér með því að hann fór ekki í gang í fyrsta starti. Kveðja,Ragnar.

sælir,
ég er lika nýr í spjallinu
og mig langar að spyrja hvar get ég keypt steinolia fyrir mina gamla mercedes 1413...gamla eldhusbill hjá gudmundur johnasson.

takk til að fá ykkar svar.

emiliano