Nýir félagar kynna sig til leiks !

Heil og sæl húsbílaeigendur.
Hér kynnum við okkur til leiks Elín Íris og Daði Þór. Eftir yndisleg ferðalög með Combi Camp tjaldvagninn árgerð 1985 og í topp standi þá bara gerðist það einhvernvegin að við fengum nóg. Núna er það húsbíll ! Við vorum sammála um hverskonar bíl við vildum. Bens 309 árgerð 1985 varð síðan fyrir valinu og hvernig er svo bíllinn á litinn ? spurði bílasalinn. Er hann ekki svona "kremaður" , Kremi heitir því djásnið. Við keyptum bílinn 15. júlí s.l. sumar og notuðum sumarið til að kynnast fararækinu og nú bíðum við spennt eftir að sækja Krema í vetrargeymsluna og "þeysa "af stað. Nú höfum við gengið í félagið ykkar. Við eigum frændfólk í félaginu sem hvatt hafa okkur til að vera með. Við höfum aðeins kynnst ykkur því við litum við á balli í Húnabúð í s.l. mánuði. Daði Þór er tónlistarkennari og Elín íris er aðstoðarmaður hjá tannlækni og við búum í Kardimommubænum í Mosfellsbæ. Við höfum félagsnúmerið 39.
Kær kveðja,
Elín og Daði

Veriði hjartanlega velkomin í félagið og spjallið öll þrjú!

Ég átti eitt sinn einmitt svona 309 benz og notaði svona sem sambland af sendli og ferðabíl og gafst vel:-) Mig minnir að hann hafi verið kallaður Bláskeggur.

Kv. Steini

Velkomin Elín Íris og Daði Þór, alltaf gama að fá nýjar raddir á spjallið.
Steini er orðin svo ákafur að ná hundraðinu að hann telur Krema með.
Ég hélt að við Steini værum sammála að gamli Fordinn yrði alltaf bestur en þarna nefnir drengurinn Bens, hvað er í gangi?
Mikið held ég að Ægir verði glaður að heyra að þarna er einn gamall og góður Benz á ferðinni, bíll sem kemst lengra en margir aðrir þó hægar fari en nýjustu eðalvagnarnir.
Talan 39 og Bens, lofar góðu og vonandi verðum við öll heppin með sumarið sem er alveg að koma.

Já ég tek undir þetta, velkomin Elín Íris og Daði Þór. Jú ég er sko ánægður með gömlu Bensana, er búinn að eiga þrjá. Komast þó hægt fari ,,,,mér datt þetta svona í hug,,,,

Velkomin í hópinn. Við erum líka á Benz O 309 og hann er líka kremaður og með appelsinu og vínrauðum röndum í takt við smá dass af riðlit veit ekkert hvaðan það kemur En þeir eru góðir þeir gömlu.

Innilega velkomin í félagið og spjallið, vonandi sjáumst við á ferðalögunum í sumar Er Bens eigandi líka, svo eitthvað eigum við sameiginlegt.

Það er aldeilis, spjallið að breytast í heimasíðu fyrir Bens aðdáendur, hvað með okkur aðdáendur amrískra pakkhúsvagna, verðum við ekki að halda uppi vörnum fyrir tegundina.
Jæja, ég skal hætta að nöldra, þetta eru vinsælir jálkar og duga vel en pakkhúsvagnarnir voru og eru líka góðir, vantar svolítið pláss.

Nei minn maður hefur sko ekki verið neinn aðdándi
Hann hefur sig í frammi með háðsglósur til kollega sinna á bifreiðastöðinni þar sem hann vinnur, núna eru kollegarnir undrandi: Að Benshatarinn skuli láta sjá sig á Bens hehe