Nýja síðan

Hvað er að frétta af nýju síðunni?

Maður er orðin helv...forvitinn að vita hvort hún breytist mikið eða lítið.

Það hlýtur að vera nokkuð í hana, veistu hvað þetta hlýtur að vera mikil vinna?
Er annars spennt fyrir nýjungum og bíð eins og þú

Það kemur ekki á óvart að Steini hafi verið fengin til að sjá um heimasíðuna og svo er bara að óska honum góðs gengis og ekki er hætta á að hann gleymi spjallinu.
Það er full ástæða til að þakka Jóni Gunnari fyrir að hafa séð um síðuna í öll þessi ár, takk, takk.
Helgin var of stutt eins og oft áður, á laugardaginn var verið að setja vetrarhjólbarðana undir og þrífa bíla okkar hjónakornanna.
Svo aðstoðaði ég eina dótturina og tengdason við að setja niðurfallsrör á húsið þeirra.
Laugardagskvöldið skrapp ég síðan í fertugsafmæli Einars Páls Péturssonar en hann annast alla flutninga fyrir BM Vallá Borgarnesi, ekki stoppaði ég lengi en þarna hefur örugglega orðið fjörugt áður en nóttin var öll.
Sunnudagurinn var tekin snemma og var verið að aðstoða ljósmyndara hryðjuverkasamtaka íslands hluta dagsins en það var opnuð ljósmyndasýning af hernum í Smáralindinni og verður hún opin næstu daga í Vetrargarðinum.
www.thorkell.com hérna geta gestir séð sýninguna.
Kvöldið fór svo í sjónvarpsgláp. Dagvaktin og sakamálaþáttur ríkisins eru ágæt afþreying, svona í restina las ég svolítið úr bókinni um Hákon Aðalsteinsson áður en Óli Lokbrá læddist inn.

Kveðja Björn H. 29

Var að klára að henda inn dóti á húsbílasíðuna og bætti einnig við nýjum síðum og linkum vinstra megin svo ég hvet fólk sem oft fer inná síðuna að smella bara einhversstaðar á síðuna og smella síðan á CTRL+F5 til þess að kalla fram breytingarnar ef þær koma ekki fram, en þessi aðgerð neyðir vafrann til þess að sækja nýjustu útfærsluna af síðunni, en stundum lendir fólk í því(fer eftir stillingum vafra) að síðan sem birtist hjá því er sótt í flýtiminni tölvunnar og með Ctrl+F5 er farið fram hjá því.

Farinn að kasta mér... Kv. Steini

Hvenær sefur þú Steini?, við gætum alveg tekið að okkur vaktþjónustu, þú sæir um fyrri hluta næturinnar og ég gæti svo tekið við um fjögurleitið.
Allt sem þú ert búin að gera lofar góðu og vonandi færðu þann búnað sem þú telur henta okkar félagi inn í framtíðina.
Breytingar í tölvuheiminum eru svo örar að það þarf alltaf að vera að uppfæra og endurbæta.

Félagarnir eru áhugasamir og spjallið fjörugt, núna vantar að við verðum dugleg að skrifa og koma með áhugaverð umræðuefni.
Formaðurinn leitar að nýjum stöðum til að heimsækja og nú leggjum við hausinn í bleyti og finnum góða staði, verst að við verðum að halda okkur við malbikið.

Vonandi verður fjörið hjá okkur til að hvetja félagana í hinum félögunum til að hleypa lífi í sínar síður annars koma þeir bara á spjallið, það mega allir vera með ekki rétt?

Vonandi sefur þú vel á meðan ég pára þetta Steini minn.

Ég get staðfest það Björn að hann svaf á þessum tíma, en þú varst ekki langt frá því að ná á honum

Ég hefði átt að vakna fyrr, var að drolla við að lesa blaðið áður en ég fór í vinnuna.
Helga þú verður að passa að strákurinn fari fyrr að sofa.
Þetta er flott, hvað ætli Steina detti næst í hug, við bíðum spennt.