Húsbílanöfnin.

Mér datt nú í hug eitt sem ég hef verið að velta fyrir mér löngu áður en ég gekk í félagið. Nöfnin á bílunum ykkar.
Hvaða saga stendur að baki nafninu á bílnum ykkar??

Okkar bíll MÁNADÍS er dregið af ættaróðalinu í Laxárdal sem heitir Mánaskál. Við vorum að pæla í því nafni en
en fannst það óþjált og Guðni sá í hillingum mynd af mána og dísinni sem sæti í mánanum ég ekki mikið hrifin en lét undan og er bara mjög sátt við nafnið.

Komið að ykkur, hver verður fyrstur???

Nafnið á okkar bíl kom út af því að í fyrra þegar við fengum hann þá var minn maður í svo mikilli vinnu að við höfðum bara frí á sunnudögum Þá var bara "skroppið" í veiði frá laugardags-eftirmiðdegi til sunnudagskvölds.
Þannig kom nafnið Veiðiskreppur.
Okkar fyrsti bíll var í okkar huga Garpur því hann var hár undir og fór allt sem við vildum fara, en nafnið var aldrei sett á hann Núna er þessi bíll skráður með nýjum félögum í félagið okkar og ber einmitt sama nafn

Okkar bíll fékk nafnið Viðhaldið og kom það til af tvennu þ.e Helgu minni fannst ég sinna bílnum meira en sér og einnig fannst henni ég endalaust vera að lagfæra og breyta einhverju þ.e að sinna viðhaldi svo...

Kv. Steini

Nafnið á okkar bíl kom þannig til að við vorum búin að eiga fjallafellihýsi í nokkur ár sem hét Trítill með vísan í stærðina á hýsinu.
Eftir því sem árin liðu þá vorum við farin að tala alltaf meira og meir um það hvað það gæti nú verið mikill draumur að eiga húsbíl
svo maður þyrfti ekki að opna og loka og pakka upp og pakka niður, heldur bara stoppa og leggja sig eða fara aftur í og opna rauðvínsflösku og elda matinn.
Svo það kom af sjálfu sér þegar við fengum okkar litla húsbíl að hann fékk nafnið Draumakot. Enda líður okkur alveg yndislega í okkar Draumakoti.

Gaman að þessu, heyra frá félögunum hvað liggur á bak við nafnið.
Þegar við fórum að huga að nafni á bílinn sem var mjög fljótlega eftir að við fengum þann fyrsta 1999 og þá komu allskonar nöfn í hugann, við vildum tengja þetta eitthvað úr umhverfi okkar, ég er úr Garðinum ,Sæmi úr Vogunum, við listuðum upp fullt af nöfnum en á endanum varð Keilir fyrir valinu. Keilir sést víða og blasir við okkur úr eldhúsglugganum heima (við eigum heima í Keflavík) við erum nokkrum sinnum búin að labba upp á Keilir, svo settum við þessa fínu mynd af Keili á bílinn og þar með sjáumst við vel þegar við erum á ferðinni....
B.kv.Soffía

Þegar við fluttum suður í sæluna keyptum við okkur VW Caravelle, Ex-leigubíl með sætum og öllu. Ég smíðaði inní hann snarheitainnréttingu sem í raun var ekkert nema svefnplássið og tvöföld gaseldavél á lausu borði. Þessi bíll hafði aðeins ein þægindi umfram hústjald- hann lak ekki í roki og rigningu! Þess vegna lá beinast við að hann fengi nafnið Járntjaldið. Síðar heyrðum við af öðru fólki hér syðra með sama nafn, en þó sennilega af öðrum forsendum. Þegar við höfðum ferðast á Járntjaldinu tvö sumur keyptum við aflóga Toyota Coaster. Hann var endurbyggður í rólegheitum hér heima við hús og við notuðum Járntjaldið á meðan. Toyotan fékk svo nafnið Ísfirðingur en hefði í raun átt að heita Heyrnarskelfir, svo ofboðslegur var hávaðinn og hristingurinn á keyrslunni. Við gáfumst upp á þessum bíl og seldum hann í fyrravor (´07) Framhaldið er óráðið......(en eitthvað er þó í farvatninu)

Sagan á bak við okkar nafn er hreinlega að við búum í Vogunum semsagt Vogabúar ásamt tengingu við Vegbúannþ

Vil endilega að sem flestir segí söguna á bak við nafnið á húsbílnum. Koma svo!

Ágústa B 696 skrifaði:Vil endilega að sem flestir segí söguna á bak við nafnið á húsbílnum. Koma svo!

Það er eiginlega engin saga hjá okkur. Maðurinn minn er þessi Jónas. Við erum því Jónas og fjölskylda.

Já það er bara gaman að spá í húsbílanöfnin, þau eru mörg skemmtileg. Ég setti nú ekki nafn á fyrstu bílana mína , en tveir síðustu fengu nafnið " L'INA". Ein amma mín hét Nikólína, einnig systir mín og nokkrar frænkur einnig. Þær hafa flestar fengið gælunafnið Lína, þaðan fékk ég þetta nafn,,,,mér datt þetta svona í hug,,,,

Best að gefa upp hvers vegna nafnið Skagaþjarkur kom til. Liturinn á bílnum er ekki til að hjálpa við nafngift. Samt datt einu barnabarninu í hug Appelsínan. En eftir nokkuð miklar vangaveltur kom Skagaþjarkur upp í hugan. Við búum á Skaganum og bíllinn er 4x4 og því algjör þjarkur, þ.e.a.s. ef Óli fer í torfærur. Þannig var það. Það var ekki vandamál að finna nafn á fyrri bílinn okkar, því hann var í brúnum litum og var því nafnið Brúnó tilvalið.

Eitthvað ósátt við litinn Ása mín? Setur bara svona pirringskall upp.
Mér finnst ykkar bíll svoooo flottur, litir og allt

Nú set ég ekki neitt upp í dálkinn: efni, spurning hvar ég lendi Jú Anna mín, liturinn er ekki alveg í uppáhaldi hjá mér, vildi hafa hann svolítið minna áberandi. Annars er ég orðin nokkuð sát, sérstaklega eftir að línurnar og það voru sett. Það er samt notagildið sem er efst og verður gaman að komast með ykkur í veiði. Erum byrjuð að safna dóti, þó bátinn vanti

Þú þarft ekki að skrifa neitt í efsta dálkinn frekar en þú vilt. Þá kemur bara upphafsnafnið á umræðunni sem þú byrjaðir á.
Já það verður fjör að fá ykkur hjón í veiði næsta sumar
Iss við þurfum engan bát, bjóðum þeim á Mánadísinni með og misnotum þeirra bát bara
Hann Guðni er ekkert nískur á bátinn hendir manni um borð og lætur okkur sigla um allt vatn og fær sér kríu á meðan Það er verst með Sömbu, hún er eigingjörn, enda hennar uppáhald að vera um borð.

Ég verð nú að segja, að þú ert ekkert að skafa utan af því. Aumingja Guðni, er það svona sem þið farið með hann Annars er voða gott að fá sér lúr.
Eitt er víst, það verður gaman að fara með ykkur öllum

Sá að það voru komin 2 umræðuefni(topic's) sem voru um húsbílanöfnin svo ég sameinaði þau!

Kv. Steini

Ása Magg skrifaði:Ég verð nú að segja, að þú ert ekkert að skafa utan af því. Aumingja Guðni, er það svona sem þið farið með hann Annars er voða gott að fá sér lúr.
Eitt er víst, það verður gaman að fara með ykkur öllum

Það þarf ekkert að vorkenna Guðna Ása mín. Þetta verður þrusugott veiðisumar framundan og ég tala nú ekki um ef togarinn verður kominn í Skagaþjarkinn Við finnum okkur stað og tíma og drögum fleiri með og kannski verður bara hægt að hafa veiðikeppni eina helgi!!

Ekki hef ég neitt roð í veiðikeppni Enda þið vanir togarasjómenn. Við Nonni eldum bara jafnóðum ofaní mannskapinn

Eftir að hafa verið eitt sumar á sjó fyrir margt löngu þá skipti ég glaður á "togara" og svo sem eins og einni ORA fiskibolludós í Viðhaldið

Kv. Steini

Guðný Zíta 06 skrifaði:

Ágústa B 696 skrifaði:Vil endilega að sem flestir segí söguna á bak við nafnið á húsbílnum. Koma svo!

Það er eiginlega engin saga hjá okkur. Maðurinn minn er þessi Jónas. Við erum því Jónas og fjölskylda.

.Við mættum einhverju sinni þessum bíl "JÓNAS OG FJÖLSKYLDA" Ég hafði orð á því að nafnið minnti á gamla daga þegar maður hlustaði á útvarpið og hjónakornin Jónas og fjölskylda voru að tjá sig, segja frá hvernig ferðin gengi o,s,f,v. Alveg frábærir þættir. Svo þetta voru þið hjónakornin, hvenær heyrum við í ykkur aftur??? bara smá grín.,,,,mér datt þetta svona í hug,,,,

Þegar þessir þættir voru í útvarpinu og við á ferðalagi með stórfjölskyldunni þá var þetta alltaf yfirfært á okkur og við kölluð Jónas og fjölskylda. Það er bara verst að ég heiti ekki Anna eins og frúin í þáttunum. En þetta hefur alltaf fengið okkur til að brosa.
Kannski væri sniðugt að fara að hlusta á þessa þætti aftur´.

Guðný Zíta 06 skrifaði:

Ágústa B 696 skrifaði:Vil endilega að sem flestir segí söguna á bak við nafnið á húsbílnum. Koma svo!

Það er eiginlega engin saga hjá okkur. Maðurinn minn er þessi Jónas. Við erum því Jónas og fjölskylda.

Halló, svo þið eruð Jónas og fjölskylda. Mikið var maður nú búinn að skemmta sér hér áður fyrr þegar þið fluttuð "pistlana " ykkar í útvarpinu,hvenær fáum við meira að heyra?? smá grín,,,, mér datt þetta svona í hug,,,,

Vildi bara uppfæra þráðinn svo Vallarbúar ættu auðveldara með að finna hann. Velkomin í hópinn, annars...