Komið að vetrarverkefnunum...

Jæja þá er maður farinn að hugsa fyrir vetrarverkefnunum og er ég loksins búinn að panta tíma fyrir Viðhaldið hjá Lárusi í Rótor. Hann ætlar að skella nýrri lúgu í framrýmið sem eitthvað sést í gegnum, þannig að maður fái smá birtu inn í bílinn og síðan ætlum við að færa lúguna sem fyrir var, og smella henni yfir hjónarúmið.

Síðan hef ég verið að leita mér að glugga til að setja í inngönguhurðina en finn ekkert sem hentar. Þið mættuð gjarna láta mig vita ef þið vitið hvar helst er að leita að slíku.

Svo erum við ákveðin í að láta leðurklæða sætin afturí enda lítt skemmtilegt að halda þessu hreinu þegar maður er með 40 kílóa hund í öllum ferðum. Eins ætlum við að láta útbúa lausteppi í bílinn og koma fyrir skúffum undir öðrum bekknum og eitt og annað smálegt. Þannig að það er þá eitthvað að dútla við í vetur.

Þigg ábendingar um góða teppamenn og bólstrara með þökkum:D

Svo við ætlum ekki að ganga algerlega frá honum fyrir veturinn Ætlum að tappa af vatni og setja frostlög á klóið en við erum búin að lofa okkur því að prófa vetrarferð
Fengum nú forsmekk af því núna um helgina því það snjóaði og var kalt
Erum svo geggjuð að ef vel viðrar þá ætlum við einhverjar ferðir enn, jafnvel næstu helgi í veiði.

Sæl Anna
og takk öll þið fyrir mjög skemmtilega lokaferð.
Þrátt fyrir snjó og hálku þá var þetta mjög skemmtileg og fjörug ferð.
En Anna það er sko ekki málið að vera á ferð á veturnar bara setja almennileg dekk undir bílinn og þá er ekkert að vanbúnaði
Snjór og frost setja bara skemmtilegan punkt yfir ferðina. Það er jafn heitt inni í bílnum og heima hjá þér, og svo áttu ullarfötin fínu
ekki satt, til þess voru þau hönnuð að nota á veturnar.
Það kom okkur hjónum á óvart í fyrra hversu margir eru á ferðinni á veturnar, og það var svo svo gaman um helgar.
Það eru þónokkrir staðir sem tóku vel á móti fólki í fyrra, Hella, Hellishólar, Hamragarðar, Þjórsárver, Hveragerði og það er örugglega hægt að finna
fleiri t.d. ath. með Minni Borg, og endilega segja frá fleiri stöðum ef einhver veit meir en ég.
Eigið góða vinnuviku.

Vertu bara í bandi við okkur þegar þið farið eitthvert, aldrei að vita nema maður skelli sér með. Þakka sömuleiðis fyrir frábæra helgi. Við höfum aldrei ferðast um vetur svo við vitum ekkert um staði