Við eum að fara í sveitina!

Loksins erum við að fara í smá frí ef frí skildi kalla. Erum að fara að hjálpa dótturinni að girða og þess háttar og tökum barnabörnin með. Ætlum að vera í viku á ættaróðalinu sem er rétt norðan við Blönduós. Bærinn heitit Mánaskál og er í Laxárdal ef einhver er á ferðinni. Anna systir er netlaus þessa dagana og er friðlaus að geta ekki svarað á spjallinu svo þið vitið það. Ég verð líka netlaus í sveitinni, manni mínum til mikillar gleði.

Hafið það gott öllsömul meðan ég þræla mér út í málningavinnu, bakstri, eldamennsku, þrifum, girðingavinnu og barnapössun!

Ohhh já ég er komin
Verð bara að halda þessu uppi meðan þú ert í burtu, annars er ég svo vel tengd núna að tengingin gæti barasta drifið þráðlaust upp í sveit
Ekki að Guðni yrði ánægður með það.
Öfunda þig að fá síðan að bátast á Svínavatni, þú verður að vera dugleg á smsinu að tilkynna aflatölur.
Góða ferð elskurnar og hafið það sem best
Vertu nú ekki að ofkeyra þig á sveitavinnunni, sparaðu þig fyrir veiðina

Rosalega öfunda ég ykkur af því að geta bara farið í sveitina
Ég sé að símatyppið hefur virkað Anna.
Takk fyrir skemmtilegan hitting, hittumst fljótlega aftur

Það er alltaf gott að komast af mölinni í sveitasæluna og ekki verra að það sé í Húnavatnssýsluna.
Þarna liggja ræturnar mínar,móðurafi og amma áttu heima á bæ sem hét Svangrund.
Afi gerðist síðan smiður á Blönduósi og smíðaði líkkistur í áratugi meðal annars, en amma var ljósmóðir þarna fyrir norðan.
Þessi heiðurshjón áttu heima í Hillibrandshúsinu en afi hafði breytt því verulega svo það hentaði fyrir fjölskylduna, núna er búið að færa húsið til upprunalega formsins og gera það að safni.
Ágústa verður að fá Guðna til að skreppa í bíltúr til að skoða ísbjörninn á Þverárfjalli svona áður en hann verður drepinn.
En eins og Anna segir ekki drepa þig á vinnu Ágústa, njóttu lífsins í bland við puðið.
Kveðja
Björn H. 29

hafdísjúlía skrifaði:
Ég sé að símatyppið hefur virkað Anna.
Takk fyrir skemmtilegan hitting, hittumst fljótlega aftur

Já heldur betur, ekkert hefur klikkað og hraðinn fínn á netinu. Takk sömuleiðis, megi hittingarnir verða fleiri.

Hæ gott fólk.
Vonandi gengur vel að girða á Mánaskál, þarna kom maður oft við, og við kíkjum alltaf þarna uppeftir ef við erum á ferðinni fyrir norðan en höfum alltaf verið svo óheppin að það hefur enginn verið þarna í húsinu þegar við höfum kíkt en vonandi stendur það til bóta kæru vinir.
Anna og Jón takk fyrir síðast við vorum nokkuð nálægt hvort öðru á Brókinni og spjölluðum nokkuð og við ætlum að reyna að ná saman á Kaldármelum.
Einnig hitti ég Hafdísi og Sigga og Björgu, gaman að kynnast ykkur félagar.

Hittumst heil kæru félagar í ferðum í sumar
Kv.Soffía Keili

Var að heyra í minni kotabús-systur, hún bakar og eldar allan daginn ofan í vinnuliðið. Þau eru sjónvarpslaus, slitinn strengur og hafa bara gömlu gufuna
Hún bað mig að skila til þín Soffía að þið komið nú ekki að tómum kofanum ef þið væruð á norðurleið um helgina
Það gengur ágætlega að girða en ekki hafa þau fengið tækifæri á að bleyta bátinn öðruvísi en að ofan til, enda hafa regndembur komið af og til í dag.
Algjör kotabúskapur í gangi en barnabörnin njóta sín og voffarnir Samba og Skella
Í gærkveldi sátu þau hjón við eldhúsborðið og var litið upp í skál og kemur þá ekki rebbi labbandi niður fjallshlíðina,
Guðni hringdi í refaskyttuna sem kom og fann ekki rebba, svo það er bara rebbablús í gangi enda björninn fallinn
Sendi sveitakveðjur frá þeim til ykkar allra.