Eitt og annað.

Við hjóninn dveljum í góðu yfirlæti í sumarbústað fjöldskyldunar og söngvakeppnin er byrjuð.
Grillaður þorskur og lúða voru á matseðlinum og smökkuðust vel.
Bláber og rjómi í desert, hvað vill maður hafa það betra.

Á fimmtudaginn unnum við söngvakeppnina eins og svo oft áður,okkar fólk stóð sig vel og vonandi verðum við ánægð í kvöld.

Það er rifist um hvort við getum tekið við 30 flóttamönnum, fólki sem hefur ekki átt neitt líf í mörg ár.
Mér finnst mun betra að taka við flóttafólki sem fær alla þá aðstoð sem þarf til að aðlagast þjóðfélaginu en frjálsa innflutningnum af fólki þar sem enga eða litla aðstoð er að fá fyrir það fólk til að það geti aðlagast á sama máta og flóttafólk.
Það þarf að fræða alla innflytjendur um siði og venjur landsins sem viðkomandi er að flytjast til.
Auðvitað ætti að vera skylda til að fá ríkisborgararétt sé að geta talað mál landsins, væntanlega væri af hinu góða að viðkomandi gæti sannað getu sína á þeim sviðum sem mestu máli skipta.
Þetta ætti að gilda fyrir alla, allstaðar, viðkomandi verður að sætta sig við leikreglur þess lands sem þeir vilja búa í og það gera flestir.

Það er rifist um hvort það eigi að veiða 40 hrefnur og sitt sýnist hverjum, alveg er mér sama hvort 40 hrefnur lifa eða deyja, en ef málið snýst um hver eigi að lifa, þá get ég alveg etið hvalkjöt.

Það er rifist um virkjanir af öllum gerðum, það er ekki svo langt síðan allt lék á reiðiskjálfi vegna Kröfluvirkjunnar, tóm vitleysa að virkja hitann frá helv....
Svo kom að því að það mátti ekki virkja árnar, nær væri að virkja gufuna og núna má ekki virkja gufuna og sumir tala um að betra sé að geyma þessi svæði til betri tíma.
Þetta minnir mig svolítið á söguna af konunni sem batt fyrir annað augað vegna þess að hún ætlaði að eiga það óslitið þegar hún yrði gömul, allir vita hvernig sú saga endaði.
Verðum við þá ekki að fara að virkja lognið sem aldrei er kjurt eða straumana í hafinu, það er ekki hörgul l af þeim ennþá.

Það eina sem við sleppum við að rífast um er næsti forseti, við erum svo heppinn að Ólafur Ragnar Grímsson gaf einn kost á sér og er því sjálfkjörinn, þetta sparar peninga núna í kreppunni.

Ekki hef ég neitt á móti því þegar fólk er að rökræða og þegar maður hlustar á fólk sem getur rökrætt þá er gaman að hlusta en tilgangslaust karp pólitíkusa er mannskemmandi og gerir alla umræðu snauða.
Kveðja
Björn H. 29