Á ferðinni...í sumar.

Ég var að fletta gömlu blaði af tímaritinu Á ferðinni og var að lesa ferðasögu Sigrúnar og Jóns. Þar kom fram að á ferðalagi þeirra um landið með tugi bíla í "eftirdragi" þá var reglan sú að bílarnir mættu ekki vera fleiri en 4 í hóp og minnst 150 -200 metrar á milli hópa. Mér var hugsað til síðustu stóru ferðar 2007 (sem ég missti af ) þar sem allt fór í kaos vegna fjölda bíla eða eitthvað svoleiðis.Þið leiðréttið mig ef ég fer með rangt mál. Hef ég heyrt að í næstu stóru ferð verði engin hópakstur en allir hittist á náttstað á kvöldin. Veit ekki hvort þetta er rétt en mér fannst þessi lausn hjá Sigrúnu og Jóni gæti bara hentað okkur. Hvað finnst ykkur.??

Við fórum í ferðina 2007 og það var sérstök upplifun að ferðast saman og vöktum þvílíka athygli. Ferðamenn fóru út úr bílum sínum til að taka myndir af hersingunni og allir bara kátir með bílasýninguna á vestfirskum fjallavegum.

Var bara að pæla í þessu eftir lesturinn og langar að heyra álit ykkar um "halarófustemninguna" En skyldu félagarnir geta haldið sig í 4bíla hópum með 150 - 200 m millibili???

Ég yrði vitlaus ef ég væri að vinna við akstur og þyrfti að bíða á meðan 100-150 húsbílar dröttuðust framhjá.
Verð að viðurkenna að ég er ekki sérstakur aðdáandi þess að vera í langri halarófu, fékk alveg minn skammt þegar ég var að keyra rútu og var kannski rúta númer 30 og þar fyrir framan voru aðrir 30 leigubílar.
Svona fór maður ferð eftir ferð úr skemmtiferðaskipunum austur að Gullfossi og svo framvegis, ekki neitt bundið slitlag, bara rykmökkurinn allan daginn.
Til að húsbílaeigendur ergi landann ekki að ástæðulausu í stóru ferðinni teldi ég best að ákveða hvenær fjörið byrjar á næsta stað og þá skilaði fólk sér á tjaldsvæði fyrir þann tíma, til vara að hafa 3-5 bíla í hóp og hafa gott pláss á milli bíla, það er alveg ástæðulaust að hafa röðina það þétta að vegfarendur haldi að fyrsti bíllinn sé með allan hópinn í spotta.

Var að setja inn ferðina hans Valbergs inn í Auto Route og þetta er nokkuð bein lína enn og trúlega eru þau búin að aka ca. 1700-1800 km. fyrir utan smá skrensa.
kveðja
Björn H. 29