Veit ekki hvað það er með þessa tölu 98

Ok við keyptum okkur miða í happdrætti í vetur og fengum úthlutað númerinu 1 98 98.(og reyndar fengið 2 litla vinninga nú þegar:-) - Við gengum í Félag Húsbílaeigenda og fengum úthlutað númerinu 298 - Við keyptum okkur Útilegukort og fengum úthlutað númerinu 1298 - Svo keyptum við okkur svona Nova - Net í punginn og númerið í pungnum endar á 98.

Og nú er svo komið að maður er farinn að horfa í kringum sig eftir tölunum En allavega... enn sem komið er hefur talan reynst okkur vel en er samt svolítið skondið. Skyldi maður verða 98 ára? -

PS: Var minntur kurteislega á það að við Helga hefðum sko byrjað saman "98 líka

En ég trúi sko á svona, við erum á svipuðum nótum en hjá okkur er það tölurnar 28 og 21.
Alveg merkilegt hvað maður hittir á sömu tölurnar aftur og aftur

Sko... Fengum happdrættisvinninga á báða "98 miðana okkar núna í júní. Segi það og skrifa.. þetta eru happatölur

Kv. Steini

Til lukku með vinningana!!

Ég væri alveg til í að eiga lukkunúmer
Þú verður að fara með þetta í blöðin eins og fjölskyldan sem átti númerið 21. Allir í fjölskyldunni eiga afmæli þann 21. og þessar tölur eru alls staðar í kringum frúna
Verst að talan 98 eru ekki á lottoseðlinum

Var að hugsa um ykkur, happatöluna og pestina sem herjaði á ykkur.
Ef ég man rétt þá þótti það gott að dreyma skít hér áður fyrr og mátti gera ráð fyrir peningum eftir slíkar draumfarir.
Hérna lendi ég í vandræðum þið fáið skítapest og svo segið þið okkur frá peningavinningum, ætli það sé búið að breyta formúlunni, þannig að það sé ekki nóg að láta sig dreyma, en til hamingju með vinningana og töluna 98 sem virðist vera hrein gullnáma
Vonandi eruð þið orðin góð af pestinni svo þið getið farið að njóta lífsins og eyða einhverju af gullinu.
Kveðja
Björn H. 29

Sæl veriði! Já það er ekki eins og einhver vanþörf sé á peningum hjá okkur þessa dagana... verið að gera við húsið og það litla sem til var fyrir... fór í annað Viðhald En það er gaman að þessu og þetta kom sér virkilega vel. Og já pestin er loks á enda og maður finnur vel fyrir því þessa dagana ... verið að vinna upp syndirnar frá því í síðustu viku í tölvuviðgerðum og þvíumlíku og síðan er það kertapökkun og fleira á morgun og kannski kemst ég svo í eitthvað múrbrot líka svo allavega verður ekki sagt að maður liggi bara í sólbaði og útilegum þessa helgina.

Kv. Steini

Til lukku
Það er engin smá heppni með þessari tölu Fáið ykkur lottó með tölunum 9 og 8 og samtölunni 17 og setjið svo afmælisdagsetninguna ykkar beggja, alveg viss um að þið fáið á þær

Sæl vertu! - Ja ég er sko með eina röð í áskrift og það eru tölur sem ég var alltaf að gaspra um að yrðu vinningstölurnar hér í den. Sagði oft við guttann minn að ég vissi sko alveg hvaða tölur ynnu og þuldi þessar tölur svo aft í gamni... að þær festurst í kollinum á mér. Hef reyndar aldrei fengið meira en 3 rétta á þær en er sannfærður um að þær gefa á endanum

Kv. Steini

Jæja talnasnillingar, getið þið ekki hjálpað mér um réttu töluna svo ég geti dottið í lukkupottinn líka, það hlýtur að vera pláss fyrir fleiri.
Ég greyið vinn aldrei neitt enda þarf víst að kaupa miða til að eiga möguleika.
Anna, hvaða upplýsingar þarftu til að finna út hvaða tölur passa fyrir mig.
kveðja
Björn H. 29

Þær upplýsingar skaltu bara hafa fyrir þig Björn minn, þetta gætu verið tölur tengd aldri, fæðingarári, afmæli húsnúmeri hvað sem er í rauninni Hjá mér var það bara óvart hvað tölurnar 21 og 28 komu oft upp hjá mér, en kannski ekki furða því tölurnar eru afmælisdagar okkar mæðgna hér á bæ.

Þínar lottótölur eru þær sem þú færð út úr þessum 5 atriðum, og ég mana þig að kaupa eina röð.

Nú skaltu bara pæla í hvaða húsnúmer er þér kærast, hvaða manneskju þykir þér vænst um, og nota þá dagsetninguna yfir afmælisdaginn, hver var besti aldurinn undir 40 ára, samtala fjölda barna hjá þér og síðast hvað þú hefur átt marga bíla.
Vittu nú hvaða lottó-röð þú eignast.

Ég vona Björns vegna að hann hafi ekki átt eins marga bíla og ég um æfina... enda eingöngu tveggja stafa tölur í boði í lottóinu
En Anna... ég er sko bæði með 21 og 28 í minni röð... svo ég doka bara áfram

Kv. Steini

Deilum við þá ekki þeim stóra??

Hmm.. það er spurning

Kv. Steini

Hei,er þetta ekki samráð og varðar við lög.
Ég er í óðaönn að skipuleggja tölurnar og þær verða sko inni í myndinni.
kveðja
Björn H. 29

Björn H. no. 29 skrifaði:Hei,er þetta ekki samráð og varðar við lög.
Ég er í óðaönn að skipuleggja tölurnar og þær verða sko inni í myndinni.
kveðja
Björn H. 29

Nei ekki samráð, enda verður þú með Hva, ekki kominn með tölurnar? Er svona erfitt að telja bílaflotann??
Það verðu gaman að sjá röðina þína

Keypti muffins á 228kr og kex á 198, skilaði strimli áheftuðum á blaði í sumarleik Ísl-Ameríska og VANN!
Fékk troðfulla gjafakörfu með ORA og FRÓN vörum
Svo það er spurning hvort talan mín 28 eða Steina 98 sem virkaði?
Allavegana ef það væru báðar lukkutölur hefði ég kannski átt að fá utanlandsferð
Björn minn hvar eru þínar tölur? Enn að telja hehe

Sama hvort er.... þetta eru hvort tveggja "mínar tölur"
- Til hamingju... manni verður þá kannski boðið uppá "Sæmund í sparifötum" næst þegar við hittumst

Kv. Steini

Er farin að halda að það þíði ekki að keppa við ykkur, þegar Anna er nú farinn að vinna allskonar matvöru fyrir utan alla gullpeningana, þá er nú fokið í flest skjól fyrir menn eins og mig.
Held að það eina rétta í stöðinni fyrir mig sé að óska eftir að verða hluthafi hjá ykkur, að vísu ekki mjög spenntur fyrir mikið af kexi en grænu baunirnar mega vera með.
Jú það er annars allt í lagi með Sæmund á spariskónum, hann má verra með.
En slatti af okkar gulltrygga gjaldmiðli, það er málið.
Ef samningar um hlutafélag koma ekki til greina þá held ég áfram að finna réttu tölurnar þar sem ég er sannfærður um að minn tími sé að koma, hefur að vísu gengið hægt fram að þessu.
Kveðja
Björn H. 29

Mig vantar nú útskýringu á þessum Sæmundi á spariskóm eða fötum
Ekki málið að ég bjóði upp á hann ef ég veit hver hann er...

Ætli ég verði ekki að fara úr spariskónum og í sparifötin, finnst þó að ég hafi lært það með spariskónum.
En munurinn á Sæmundi og Sæmundi á sparifötunum !!!!!!!!
Sæmundur er venjulegt kex.
Sæmundur á sparifötunum er kremkex.
Samkvæmt sögunni mun nafnið vera tengt manni úr kexverksmiðjunni.

Kexverksmiðjan Frón bætir við enn einni nýjung í sitt frábæra vöruval.

Nú kynnir fyrirtækið nýtt Kremkex sem er að mörgu leyti kunnuglegt enda útvíkkun á gamla góða Kremkexinu frá Frón (eða Sæmundur í sparifötunum eins og margir kalla það!). Nýja kremkexið er hreint út sagt frábært með ískaldri mjólk. Kexið hefur ríkjandi súkkulaði/kakó bragð fullkomnað með hinu fræga Frón vanillukremi á milli. Súkkulaðikremkexið frá Frón verður fáanlegt í öllum betri verslunum á næstu dögum.

Hérna er dæmi sem ég fann á netinu þar sem talað er um spariskó.
Ég held að það hafi verið á einhverju bloggi í dag að hér sé um að ræða tvær tegundir af kexi bæði Sæmund og Sæmund á spariskónum. Ja hverju getur maður bætt við þetta öðru en boðið þá velkomna á FRÓN.

Hringdi meira að segja í mömmu og hún stóð á gati, en svo var það stjúpi minn sem gaf það svar að þetta snerist um kremkexið Sá hafði greinilega rétt fyrir sér.
Ekki er nú mikið eftir af kremkexinu, það kom einn pakki og ég og dagmömmubörnin héldum veislu