1.maí

Til hamingju félagar með daginn!
Af tilefni dagsins fór ég að hugsa til ykkar á spjallinu þ.e. atvinnu ykkar. Það er svolítið skrítið að vera í stóru félagi og vita lítið sem ekkert um atvinnu félaganna. Hvað skyldu Jón og Gunna vera að gera milli þess að þeysast um landið á húsbílnum? Sumir eru orðnir heldri borgarar og búnir að skila sínu dagsverki en aðrir eiga langt í land með það. Svo spurningin er hvert er starf ykkar eða voru?

Ég vinn með fötluðum æfingastöðinni Bjarkarási og aðstoðamaður á skólabílum fatlaðra .
Guðni er vagnstjóri hjá Strætó bs.

Ég er öryrki eftir misheppnaða hryggspengingu árið 1995(eftirstöðvar frá slæmu hryggbroti í uppskipunarslsysi) en hef seinustu árin... svona til að verða ekki vitlaus... verið að stunda tölvuviðgerðir ásamt því að flytja inn gervihnattabúnað og selja og þjónusta. Vann lengi í bílaviðgerðum, bílasölu, sá um viðhald fyrir byggingaverktaka, var í prentsmiðjurekstri, rak vídeóleigu, auglýsingastofu og fleira. Nú svo er ég notaður til að pakka og snattast og smíða eitt og eitt smáhýsi utan um kertagerðina okkar

Kv. Steini

Ég er uppgjafar bóndi, bjó í Hrunamannahreppi og síðar í Villingaholtshreppi. Var á Hvanneyri 78-79 og er þvi búfræðingur að mennt. Ég skildi við búskapinn 1996 , og fluttist á Selfoss með krakkahópinn minn 5 stk 1997. Nú svo leið ár og þá tókum við Steini saman og unnum fyrst við vefsíðugerð, svo fór ég út í kertagerð, og hef unnið við hana síðan 1999.
kær kv. Helga

Starfa sem dagmóðir með dóttur minni og erum við með 10 börn
Jón minn er ansi fjölhæfur, er með leigubílaleyfi á Hreyfli/Bæjarleiðum og hefur verið við aksturinn í mörg ár.
Einnig er hann gröfumaður og hefur starfað við það síðustu 3 ár nokkuð mikið með taxanum.

Til hamingju með daginn ágætu félagar.
Ég er nokkuð viss um að í félaginu okkar starfar fólk við allar starfsgreinar sem spanna flóruna í íslensku samfélagi.
Ég starfa í bankageiranum, byrjaði í Verslunarbankanum í Keflavík í maí 1982, ég hef fylgt bankanum í gegnum allar þær breytingar sem þar hafa verið, nú vinn ég í Glitni í Keflavík. ´
Áður vann ég við fiskvinnlsu í Garðinum, við ýmiss störf þar, þó þetta séu um margt ólík vinna þá naut þeg þess að vinna í fiski það var alltaf líf og fjör ég tala ekki um þegar mikið var að gera og komu þessar miklu tarnir sem fylgdu miklum veiðum og mikilli vinnu langt fram á kvöld t.d. þegar mikill bolfiskur kom á land og ég tali ekki um loðnutarnirnar og síldina þá var nú fjör. Og ekki hefur verið leiðinlegra frá því ég kom í bankann og fá að taka þátt í öllum þeim breytingum sem þar hafa átt sér stað, vinna með skemmtilegu,góðu fólki og kynnast fullt af viðskiptavinum.
Maðurinn minn Sæmundur var lengi vel á sjó, og tók þátt í síldarævintýrinu á sínum tíma var á góðum bátum sem komu drekkhlaðnir inn dag eftir dag, og á nótafiskiríi, þá var nú fiskur í sjónum. Kom svo í land og fór að vinna hjá Flugleiðum þar sem hann er ennþá en þar er hann búinn að vera í um 31 ár sem Hlaðmaður en síðustu 2 árin hefur hann verið að keyra starsmönnum í og úr vinnu. Senn líður að því að við hættum að vinna og förum að leika okkur og vonandi getum við ferðast hér heima og erlendis og þá er nú gott að vera í svona góðum félagsskap sem Félag Húsbílaeiganda er og svo að sinna sinni fjölskyldu við hlökkum bara til.
Bestu kveðjur til ykkar allra
Soffía og Sæmundur á Keili

Það verður spennandi að hætta að vinna og leika sér ef heilsa og fyrri störf eru í lagi. Við gælum nú við það að flytja út á land og eyða ellinni í sveitinni ekkert endilega í Húnaþingi. Hvernig er Sæmi í hnénu?

Gústa það er aldeilis flott myndin af þér, mér sýnist aðgerðin hafa tekist vel, ha,ha þú ert með húmorinn í lagi.
Sæmi er að ná sér etiraðgerðina og getur nú gengið núna án þes að vera þjáður í hnénu. Við vorum að koma úr hálfsmánaðarferð frá Tenifife í gærkvöld.
Nú er næsta ferð um hvítasunnuna verið að gera klárt fyrir þá ferð.
Kv.Soffía Keili

Hlakka til að hitta ykkur

Ég sé að það eru að bætast inn myndir af þáttakendum, kannsek maður reni að finna eina sæmilega og senda inn, en ég kann ekkert á þetta þá er það Steini sem hjálpar eins og alltaf er það ekki?
Hittumst um hvítasunnuna
Kv.Soffía Keili

Jú minnsta mál Soffía....

Kv.Steini

Takk fyrir það Steini ég athuga hvað ég finn
Kv.Soffía Keili