Lumið þið á uppskriftum?

Alin upp við veiði, en ég er sko bara nýbyrjuð að borða fiskinn, búin að uppgötva að enginn fengur er í því að reykja
endalaust og fylla frystirinn
Með beinhreinsunina þá er það bara engin svoleiðis ekki á vel grilluðum fiski, þau verða stökk og bara étin með eða snarlað framhjá þeim

Rækjurnar hjá strandamanninum Benedikt lofa góðu.
Kristján, þú þarft að grípa oftar í lyklaborðið, og lýsingi á pylsuréttinum þær eru á þjóðlegum nótum.

Verðum við ekki að fara að kanna hvort spjallverjar vilja hittast og gera smá könnun á því hvað margir vilja mæta, við eru orðin býsna mörg ef allt er talið.

Við erum til hvenær sem er, enda erum við farin af stað um hverja helgi ef veður leyfir
Hlakka til að sjá ykkur í matarveislunni miklu við getum haft eina núna fljótlega og svo aðra fyrir þessa langt í burtu
í júlí við getum líka haft þetta oft, það eru engin takmörk fyrir því hversu oft við getum hist er það, það ætla allir að ferðast innanlands hvort sem er í sumar.

Allavega hittumst við einhver okkar í ferðum félagsins, og finnst mér það nauðsynlegt að við látum vita fyrir hverja ferð á spjallinu hvort við verðum með
Svo bara leggjum við saman eða allavega hnippum í hvort annað á staðnum
Matarveislan mikla gæti orðið fljótlega á eftir stóru ferð t.d. eru ekki margir á ferðinni þá??

Þetta er mjög góður ostaréttur í partýið!

Ostabomba

1 Hvítlauksostur
1 Mexikóostur
1 Piparostur (þessir kringlóttu í plasti)
1 box sýrður rjómi
1 box mæónes (minnsta boxið)
púrrulaukur (ca. ½ dl)
blá vínber (ca. 1 bolli)
½ rauð paprika

Skerið ostana í litla bita.
Saxið púrrulauk og papriku smátt
Skerið vínber í bita
Hrærið saman sýrða rjómanum og mæónesinu.
Blandið öllu saman.
Gott er að gera réttinn deginum áður.

Rétturinn er frekar sterkur en ef piparkornin eru skafin af piparostinum,
þá er hann mátulegur. Eins er í lagi að skafa kryddið af Mexikóostinum, það
er vel sterkt. Bara prófa sig áfram.
Borið fram með góðu brauði.

Ekki veitir af að fá svona partybombu miðað við átveisluna miklu Enda dugar ekki minna en heil helgi fyrir svona fríðulegan hóp.
Á maður svo að borða þennan með brauði?

Af hverju að bíða framm í júlí með að prófa sig áfram. Býr ekki meginþorri fólksins hér í nánasta umhverfi. Og fer að fara af stað á næstu vikum. t.d. í fyrstu ferðinni er hægt að byrja smátt.
Það er alveg hægt að prófa eina helgi og hafa svo helgar þar sem útálandi fólki gefst færi á að vera með.
Þetta er bara mjög sniðug hugmynd að hafa svona skipulag og mæli með því að þeir sem eru áhugasamir hafi samband á emailum, því hér er fullt af fólki að fylgjast með en er algjörlega óvirkt og hefur engan áhuga svo það er óþarfi að auglýsa þetta, hvar og hvenær á að hafa svona átveislur.
Líst vel á þessa partýbombu.

Í öllum guðanna bænum ekki vera að bíða eftir útálandifólki. Þetta er nýyrði sem ég hef ekki séð svo ég muni, telst líklega til þessa hóps . "Góður" ,,,,mér datt þetta svona í hug,,,,

Ég hef alla tíð verið talin til sunnanfólks, og svo hefur norðanfólkið komið suður og þá hafa verið allskonar tilefni til veisluhalda fyrir þau ættmenni en ekki sunnanfólksins, talið að við sunnanfólkið búum of nálægt og getum alltaf allt.
En nóg um það, Ægir minn ég biðst afsökunar ef ég hef móðgað þig með þessu nýyrði, skal ekkert kalla þig þessu orði.
Ég hef líka búið um lengri tíma úti á landi og þar var það merkilegt hversu langt var út á land en stutt til Reykjavíkur
svo ég þekki það alveg hvernig það er að tilheyra þeirri stétt manna og kvenna. Er semsagt búin að vera dreifbýlistútta. En ég vil endilega hafa samskonar fyrirkomulag fyrir þá sem eiga lengra að sækja svona atburði, og vona sannarlega að þið komist á eitthvert mótið með okkur og við getum átt ánægjulegar stundir saman við mat og drykk.

Ég, nei aldeilis ekki Júlía, ég móðgaðist nú ekki fannst þetta bara ágætisorð þó ég muni nú ekki eftir því áður. Oft heyrt talað um "dreifbýlistúttur" . Það eru 65o. km á milli okkar svo það er nú ekki hægt ætlast til að þið megið ekki komið saman í smá partý þó við "útiálandi" fólkið komist ekki í það. Vona bara að hópurinn nái vel saman þegar þar að kemur og skemmti sér vel ,amen. Áfram með uppskriftirnar góðu ,,,,mér datt þetta svona í hug,,,,

Ægir ertu ekki með email sem þú ert til í að henda til mín
Útlálandi fólk er allt upp til hópa gott fólk, ekkert að því að vera utan af landi.

hafdísjúlía skrifaði:Ægir ertu ekki með email sem þú ert til í að henda til mín
Útlálandi fólk er allt upp til hópa gott fólk, ekkert að því að vera utan af landi.

Hæ Júlía, emailið mitt er

hlidargata24@simnet.is. kveðja Ægir

Dreifbýlistúttur, voru það ekki gúmmískór og ef þeir voru með Hvítum botni þá var talað um sparitúttur.
Það verður við hæfi að halda veislu þegar útálandi fólkið fer í sumarfrí og skoðar kreppuferðarsvæðið.
Vonandi verður gola þegar ferðin að Hítarvatni verður, allavega er engin hætta á að ég sæki það ágæta vatn heim ótilneyddur í góðu veðri.
Hef oftar en einu sinni þurft að vera þar í miklu mýbiti.
Ég vil á Jónsmessukvöldi vera á stað þar sem sólin sést alla nóttina ef veður er gott.

Ekki getum við farið að Hítarvatni ef veðrið verður of gott
Minn maður er með bráðaofnæmisviðbrögð af mýbiti og á þessum árstíma er hún í ham
Lentum í því við eitt vatn, einmitt í júnímánuði að minn var bitinn allstaðar sem þær komust og hann greyið eins og fílamaðurinn og höndin varð allsvakaleg í laginu
Var á jónsmessu í fyrra við Hópið og sólsetrið þar maður vá!!
Vildi að ég ætti skanna til að sýna ykkur fegurðina, en ég tók fallegar myndir á filmuvél.

Svona túttuskó á ég eftir eina Hvítasunnuferð að Hlöðum, blautt var á og mínir nýju gönguskór héldu ekki vatni og ég var alltaf blaut í fæturna, skrapp yfir í Borgarnes, keypti túttur og ullarsokka, en kvefaðist samt og átti í hæsi viku á eftir
Núna eru tútturnar í bílnum og alltaf notaðar á grasstæðum, svo miklu betra að hafa yl á táslunum

Klósetttúttur eru þær kallaðar í mínum bíl. Hafa fylgt okkur frá því að við fengum okkur fellihýsi, því það er oft svo blautt á á morgnana og þá duga strigaskór illa, þetta er ein allra besta fjárfesting sem ég hef fjárfest í.
við höfum ekki ofnæmi fyrir Mýi en ekki er ég hrifin af svoleiðis fluguskít
Sammála þér Björn á jónsemssu er frábært að vera á stað þar sem vel sést sólin og horfa á hana til morguns

Aldrei hef ég bólgnað eftir bit það ég man en þær mega ekki koma nálægt mér þá verð ég andlega trylltur og svo byrja þær að éta mann með tilheyrandi óþægindum.
Mínar túttur eru grænar eins og framsóknarflokkurinn og gott að ganga á þeim, þær tilheyra húsbílnum og gera sitt gagn, hefði viljað Hvítbotna en þeir voru ekki til.
Sólsetrið á Jónsmessunótt getur verið fallegt og þá er gott að vaka þar til sólin fer að hækka sig svolítið á himninum.
Við hjónin höfum nokkrum sinnum verið í sumarbústaðnum á Jónsmessunni og það hefur verið notalegt að sitja á pallinum og horfa á sólina síga en skríða fljótlega upp aftur.

Svolítið hræddur um að þessara áhrifa gæti ekki inn í Hítardal en þar er fallegt engu að síður.

Benedikt ætti að vera nokkuð öruggur með fallega Jónsmessunótt ef veður er gott rétt eins og Anna nefnir að hafi verið við Hópið í fyrra.

Ef þú elskar konu , hvernig tjáir þú henni það . Hér er tillaga að rómantísku kvöldi með elskunni . Hvítvín og rauðvín ásamt svona þrem tegundum af ostum ,þremur tegundum af saltkexi saltstöngum flögum og ídýfum . Ekki má gleyma vínberjum. Þau skulu vera bæði rauð og svo þessi grænu. Svo kemur aðallinn, það er súkkulaðið, það gefur konu helling í kynörvun strákar . Ekki skaðar að hafa það sem súkkulaðirós. Kvöldið gæti svo endað nokkuð vel... ,,,,mér datt þetta svona í hug,,,,

Hahaha Alltaf góður Ægir, mikið hlýtur þín kona að vera hamingjusöm ef svona eru uppskriftirnar hjá þér.

Gott snarl eða eftirréttur.

Þessa uppskrift fékk ég senda á e-mailið mitt frá klúbbi sem ég er í og verða að deila henni með ykkur.
Sé fyrir mér að þessi henti vel í húsbílinn eftir góða máltíð.

Jógúrtídýfa með súkkulaði:
100gr súkkulaði.
1/2 dl rjómi.
2dl hrein jógúrt.
1dl vanilluskyr. Aðferð:Bræðið saman súkkulaði og rjóma í vatnsbaði,eða örbylgju, hrærið saman með sleikju.
Hrærið út í skyri og jógúrt og kælið.
Skerið ávexti í bita og berið fram með tannstönglum. Dýfið í súkkulaðið.
Þessi uppskrift kemur frá uppskriftaklúbbi MS og höfundur uppskriftar er :Árni þór Arnórsson.

Hæ öll!

Hér er uppskrift af ótrúlega góðu ostasalati sem er borið fram með góðu brauði!

Ostabomba

1 Hvítlauksostur
1 Mexikóostur
1 Piparostur (þessir kringlóttu í plasti)
1 box sýrður rjómi
1 box mæónes (minnsta boxið)
púrrulaukur (ca. ½ dl)
blá vínber (ca. 1 bolli)
½ rauð paprika

Skerið ostana í litla teninga.
Saxið púrrulauk og papriku smátt
Skerið vínber í bita
Hrærið saman sýrða rjómanum og mæónesinu.
Blandið öllu saman.
Gott er að gera réttinn deginum áður.

Rétturinn er frekar sterkur en ef piparkornin eru skafin af piparostinum,
þá er hann mátulegur. Eins er í lagi að skafa kryddið af Mexikóostinum, það
er vel sterkt. Bara prófa sig áfram.
Borið fram með góðu brauði.

Verði ykkur að góðu!

Þessi er góð ef þið eruð á leið til Færeyja, dugar einnig hér á Klakanum !

Dampað havtaska við piparfruktsós

Til 4 fólk

Hetta skal nýtast:
600 g havtaskuflak

Kókilaki:
¾ litir vatn
1 spsk salt
2 dl hvíttvín
1 lítið stykki turka ingifer

Piparfruktsós:
2 stórar búnar reyðar piparfruktir
1 leyk, lítil
20 g smør
2 dl av kókilakanum
4 dl rómi
salt

Tilhoyr:
Eplir
grønertrar

Soleiðis gjørt tú:
Ger kókilakan við at koyra vatn, salt, hvíttvín og ingifer í eina stórar grýtu. Lat koma uppá kók, koyr síðan havtaskufløkini í , og lat kóka í uml. 15 min. Legg fiskastykkini í eitt fat, og halt tey heit (undir lok ella folie).

Set eplini á kók og dampa ertrarnar. Sker piparfruktirnar í tern, og sker leykin í stór stykkir. Brúnka síðan piparfruk og leyk í smør, og stoyt kókilakan omanyvir, og lat smákóka í uml. 5 min. til piparfruktin er moyr. Koyr síðan róma í grýtuna og lat kóka í uml. 15 min. Blendað piparfruktblandingina í einum blendara ella í einum food-processor, og stoyt blandingina aftur í grýtuna. Smakka til við salt, og so er klárt at servera.

Servera eplir og ertrar afturvið.

Haldi tað er ljótari at prumpa enn at ropa. Oftast luktar tað jú verri. Ein luktandi ropur er tó heldur ikki alt for lekkur. ,,,,mér datt þetta svona í hug,,,,

Anna M nr 165 skrifaði:Gott snarl eða eftirréttur.

Þessa uppskrift fékk ég senda á e-mailið mitt frá klúbbi sem ég er í og verða að deila henni með ykkur.
Sé fyrir mér að þessi henti vel í húsbílinn eftir góða máltíð.

Jógúrtídýfa með súkkulaði:
100gr súkkulaði.
1/2 dl rjómi.
2dl hrein jógúrt.
1dl vanilluskyr. Aðferð:Bræðið saman súkkulaði og rjóma í vatnsbaði,eða örbylgju, hrærið saman með sleikju.
Hrærið út í skyri og jógúrt og kælið.
Skerið ávexti í bita og berið fram með tannstönglum. Dýfið í súkkulaðið.
Þessi uppskrift kemur frá uppskriftaklúbbi MS og höfundur uppskriftar er :Árni þór Arnórsson.

Þessa prufaði ég og það var sko gott! Bræddi saman rjómann og súkkulaðið bara í potti.

Sætar kartöflur eru æðislega góðar , þær þurfa minni suðu en venjulegar kartöflur og eru mjög góðar ofnsteiktar með t.d brokkolí, blómkáli, kartöflum og/eða öðrum rótarávöxtum. Gott að setja saman í poka og hella olíunni yfir ásamt kryddinu og velta svo hressilega í pokanum áður en sett er í ofnskúffu eða pott. Svo er líka geggjað gott að gera mús úr þeim, jafnvel blandaða með venjulegum kartöflum og smátt brytjaðri papriku, kryddað vel, þrýst í ofnmót púðursykri og möndlum stráð yfir og bakað smá í ofni.
Kær kv Elín

keilir skrifaði:Ég kann ekkert á sætar karftöflur hvernig er best að meðhöndla þær, mér líst vel á þetta hjá þér Hafdís grænmetið maður þarf líka að vera duglegri að borða grænmeti. Ég tek undir með þér með þetta tilbúna kryddaða í búðunum mér finnst þetta best ef ég geri þetta sjálf.
Steini er fljótur að redda eldamennskunni, ekki að spyrja að því.

Gústa skilaði til hans Guðna frænda míns að það sé kominn tími á að hann fari að borða fisk...

Kv.Soffía Keili

Ekki legg ég í þessa færeysku nema þá fá túlk með mér, svo er maður ekki alveg að treysta brandarakarli eins og þér Ægir
Mér finnst nú einhver lykt vera af þessu prumpi og ropi....

En ég gerði eitt sniðugt, tók ost, setti í sneiðina Mangsósuna sem er til uppskrift hér að ofan, setti svo fín saxaða gula papriku og grillaða bleikju, rúllaði ostinum saman og stakk tannstöngli í gegn.
Þetta var hinn besti forréttur meðan steikin var grilluð um helgina.

Anna M nr 165 skrifaði:

En ég gerði eitt sniðugt, tók ost, setti í sneiðina Mangsósuna sem er til uppskrift hér að ofan, setti svo fín saxaða gula papriku og grillaða bleikju, rúllaði ostinum saman og stakk tannstöngli í gegn.
Þetta var hinn besti forréttur meðan steikin var grilluð um helgina.

Hér að ofan hvað? Úps gleymdi á sínum tíma að koma með fína kjúklingabringu uppskrift en þessi Mango sósa fylgir henni, set alla uppskriftina inn seinna, en svona geri ég Mango-sósu:
200ml sýrður rjómi, eða ein dolla.
2msk majones
2-4 msk Mango Chutney, fer eftir hversu sterka þið viljið.
Smátt saxaður laukur.(má sleppa) Hrærir saman sýrða rjómanum og majonesinu, síðan mangóið og lauk. Kælið og sósan er betri eftir því sem hún fær að standa lengur. Mangóið er í glerkrukkum selt í Bónus og Krónunni.