Hvar er leyfilegt að tjalda og hvar ekki...

Steini 69 Fim Jún 18 2009, 20:00

Leyfilegt er að tjalda við aðalvegi og á óræktuðu landi yfir nótt. Ef tjalda á nærri húsi þarf að fá leyfi landeigenda. Alltaf þarf leyfi ef tjöldin eru fleiri en þrjú og tjalda á lengur en í þrjá daga.
Leyfilegt er að tjalda við vegi utan hins almenna vegakerfis ef ekki gilda sérstakar reglur um svæðið sem ferðast er um.
Leyfilegt er að tjalda nálægt þjóðvegi á óræktuðu landi.
Ef á að tjalda á ræktuðu landi þá þarf alltaf að fá leyfi landeigenda.
Alltaf ber að fylgja reglum hvers tjaldsvæðis ef þær eru til.
Landeigendur geta bannað ferðamönnum að tjalda á viðkvæmum svæðum þar sem hætta er á jarðvegsskemmdum.
Ef landeigendur eru með tjaldsvæði á landi sínu hafa þeir heimild til þess að rukka fyrir þá þjónustu.
Alltaf ber að skilja við tjaldsvæði í sama ástandi og að því var komið.

... Þetta ætti einnig að eiga við húsbíla, en þó getur akstursbann á viðkvæmum svæðum svo sem komið í veg fyrir þann möguleika.