Myndagetraun nr, 7, og pússlið

Ég er alveg lens núna hvaðan þessi mynd er en púslið vafðist ekki fyrir mér , fínar myndir mikil ljósadýrð og mér sýnist þetta vera gamli skódi, hvernig gengur ykkur ,,,,mér datt þetta svona í hug,,,,

Það er sama sagan hér, greinilega bara hætt í púslinu því ég fæ ekkert púsl
Eins og mér finnst þetta gaman, er búin að spyrja og fæ engin svör, af hverju fæ ég ekki upp púsl?

Þetta er í þriðja sinn sem ég er ekki með.

Fannst fyrst að þetta væri af Snæfellsnesinu en svo var undirlendið svo lítið, stutt í fjöllin að ég gerðist efasemdarmaður.
Það eru þarna nokkur hús, gæti verið fleiri en einn bær og fjær virðist nokkuð stórt hús standa.
Ekki er þetta við suðurströndina, Ægir alveg mát svo við afskrifum Austfirðina.
Hvað segið þið fyrir norðan og vestan, kannist þið eitthvað við þetta landslag í ykkar sveit?


Anna þú ættir að fá einhvern unglinginn til að kíkja á tölvuna, kannski vantar að opna eitthvað, sástu púslið fyrst?

Hvað myndina varðar þekkti ég mig strax, enda var ég þarna í fyrra og fyrir nokkrum árum fórum við systur þarna um.
Sendi inn svar seinast og hafði rangt fyrir mér, eeeen er nokkuð viss núna.

Já Björn sá púslið í fyrsta sinn, svo bara efra púslið í annað sinn og svo ekki söguna meir
Búin að uppfæra tölvuna og allt.

Já svona getur þetta verið með myndagáturnar. Við höfðum ekið nokkrum sinnum framhjá Sandkluftarvatni, en náðum því ekki hvar myndin var tekin . Ég held að sama sé nú uppá teningnum, höfum ekið þarna framhjá en kveikjan er ekki í lagi greinilega . Á ekki að gefa manni smá !!!---- Hverslags tölvur eru þetta eiginlega sem þið eruð með dömur mínar, þær skammta bara í ykkur púslið og kannske myndirnar líka, þetta eru meiri dintirnir í græjunum hjá ykkur ,,,,mér datt þetta svona í hug,,,,

Já þegar búið er að segja manni hvaðan myndin er þá hrökk kveikjan í lag, eins og ég sagði sáum við þetta á leiðinni á Sigló ,,,,mér datt þetta svona í hug,,,,

Við myndagátu nr. 3 urðu vangaveltur um litla laug sem hún Ágústa B,696 mundi eftir ofan vegar innarlega í Djúpinu. Eftir mikið höfuðklór þóttist ég loks skilja hvaða laug hún átti við. Þetta er lítil uppspretta utantil við bæinn Gervidal (eða Gjörvudal) í Ísafirði. Ég var að koma frá Ísafirði í dag og gekk þá upp að lauginni með myndavélina. Laugin er eiginlega varla meira en smápottur, í upphafi var þarna hlaðin grjótlaug en hún vildi fyllast af slýi og því var önnur steypt neðan hennar og lítill kofi byggður yfir. Reyni að setja myndir hér neðan við. Kv. GTh.,222

https://s238.photobucket.com/albums/ff88/jolasveinn1957/?action=view&current=DSC03935.jpg
https://s238.photobucket.com/albums/ff88/jolasveinn1957/?action=view&current=DSC03936.jpg https://s238.photobucket.com/albums/ff88/jolasveinn1957/?action=view&current=DSC03939.jpg https://s238.photobucket.com/albums/ff88/jolasveinn1957/?action=view&current=DSC03940.jpg https://s238.photobucket.com/albums/ff88/jolasveinn1957/?action=view&current=DSC03941.jpg

Ekki tekst mér að koma myndunum inn en kannski má copy-peista slóðana.....

Sæll Gunnar. Þetta er laugin sem ég minntist á. Mundi ekki hvar nákvæmlega en var í Djúpinu.
Núna fer ég að taka meira eftir og helst að taka myndir af öllu í kringum mig á ferðalögunum í ár til að getað svarað einhverju með viti í haust

Takk fyrir þetta

Ég held að ég hafi baðað mig í þessari ágætu laug fyrir nokkrum árum þegar við hjónin renndum Vestfjarðahringinn.
Hún er hægramegin við vegin eins og þú segir Gunnar þegar ekið er í átt til Hólmavíkur, maður þarf að labba nokkra metra til að komast að henni.
Við vorum eitthvað sveitt og skítug og laugin var svo freistandi að við skelltum okkur í smá skolun.
Ég hef aldrei komið að Grafarlaug en vinnufélagi minn kannaðist við myndina og það var fljótlegt að staðfesta það með því að finna aðra mynd á netinu af lauginni.