Áramótin eru komin og gott betur!

Sæl veriði.
Alltaf gaman að lesa frá ykkur pistlana og vonandi aukast skrifin með hækkandi

Hér á þessum bæ liðu áramótin með rólegum hætti eins og við bjuggumst við. Samba gerði okkur hissa með því að vera bara nokkuð róleg yfir hamaganginum fyrir utan.
Skaupið fannst okkur lítð skoplegt ( þegar tveir humorslausir sitja saman verður lítið um skemmtun) Nei,nei þetta var alveg ágætt svosum en minn maður er Gói sem kveikti svona hressilega í mér eftir Fló á skinni forðum daga.

Ég er enn að bíða eftir ömmubarninu mínu en það kemur rétt bráðum eða í kringum 19.jan
Já Soffía, litla barnið okkar er að verða mamma!!

Svo ætla ég að fá að forvitnast aðeins hjá ykkur. Hver hefur farið til Boston??
Ég er nefnilega að fara þangað í apríl(ég veit.. það er kreppa Hvað er most að sjá og upplifa??

Já, bara koma brosandi með smá roða á vanga inn í nýtt ár, ekkert væl, menn verða nú að skoða heiminn þrátt fyrir allt helv... krepputalið. Skaupið var gott að mér fannst, fór snemma í fiðrið og vaknaði svona assgoti hress á nýjársdagsmorgni. Annars veit ég ekki hvar þessi skattheimta hins opinbera endar, það nýjasta er "nefskattur". Ætli sá skattur sé hærri ef maður er með stórt nef, heppinn raninn á mér er bara að ég held svona venjulegur og alltaf verið laus við tóbakstroð ,svo skatturinn ætti ekki að verða mjög hár hjá mér. Nú fer að lifna yfir þessu hérna, menn hafa tekið þessu rólega að undanförnu, annars verður bara gaman hér á næstu vikum, er nokkur með ,,,,mér datt þetta svona í hug,,,,

Við verðum endilega að halda spjallinu gangandi finnst mér.
Ferðaspenningurinn fer að vakna með látum næstu vikur,allavega er ég farin að telja

Bíð spennt eftir ferðaplaninu fyrir 2009. Ætli stóra ferðin verði ekki á austfirði og þær slóðir ef á að loka hringnum.
Ekki slæmt það. Er bara svo viss um að við verðum ekki í sumarfríi á þeim tíma

Hvernig var það, komu engar uppástungur um nýja staði sem Soffía formaður var að kalla eftir?

Skaupið var ágætt, hélt fyrst að þetta yrði einhver endaleysa en svo hresstist Eyjólfur og það var bara gott.
Var að koma af aðalfundi Tröllanna en það er þriggja manna félag sem var stofnað fyrir tæpum tveim árum til að kaupa alvöru fjalla og húsbíl, já ég er að tala um Ford á 44“ og með öllu því helsta sem finnst í húsbílum.
Hann er að vísu tvítugur en í topplagi, smávegis dyntir í ísskápnum.
Reikningarnir sýndu inneign og hægt að kaupa smávegis af olíu.
Veðurspáin boðar frost of því hægt að fara að huga að ferð í Tröllaríki, þarf fyrst að skreppa á þrettándadansleik hjá Lionsklúbb konunnar á laugardaginn.
Það verður líf á spjallinu þegar fólk er búið að taka niður jólaskrautið.

Já við erum nokkuð samrýmdar systurnar, nú er Gústa spennt að bíða eftir barnabarni, er reyndar gömul amma
Svo við verðum með smábörn á ferli næsta sumar, svo bíðum við systur eftir fleiri börnum, tvíburastrákar eiga að koma 12 jan eða fyrr og gera bróður okkar að afa, svo er beðið eftir að hin systir okkar verði amma um svipað leiti og ömmubarn Gústu kemur, ja mikið barnalán

Skaupið var fínt, margir góðir og tala nú ekki um að þetta skaup var ódýrara en í fyrra, en það var nú samt ekki grátið úr hlátri

Við förum í bústað um helgina svo ferðahugurinn kviknar strax við það, aldrei að vita nema við förum á Veiðiskreppi og sofum í honum. Annars býðst þetta fína hjónarúm, heitur pottur og öll þægindi

Litist vel á ef Austfirðir yrðu fyrir valinu í ár, vona að fullt af tillögum hafi borist um staði, svo er bara að lyfta sér upp á góugleðinni í febrúar , hlakka svooo til að sjá ykkur