Senn koma áramót og allt í fínu lagi

Óskum ykkur öllum innilega gleðilegs árs og farsældar á nýju ári.
Megum við öll eiga yndislegt ferðaár á Íslandi.
Gangið hægt um gleðinnar dyr um áramótin.

Viið óskum ykkur öllum líka farsældar og friðar á nýju ári.

Spennandi ferðaár framundan og verður skemmtilegt að hitta ykkur spjallverja hressa og káta.

Við verðum í einangrun´´i kvöld með Sömbu vegna stórhræðslu við þetta ógulega sem er úti svo að hérna megin göngum við hægt ef ekki sofandi um gleðinnar dyr!

Gleðilegt nýtt ár!!

Já bestu óskir um gleðilegt ár og takk fyrir stórskemmtileg kynni á árinu sem er að líða.

Okkar hundur er svo latur að hann virðist ekki nenna neinni skjálftavakt á gamlárskvöld, en fylgist með sprenginunum af áhuga

Við verðum með fullt hús af krökkum á öllum aldri og þar sem undirritaður er frekar latur til gangs(eins og hundurinn) þá er það nokkuð víst að á þessu heimili verður gengið hægt um gleðinnar dyr - Ég skrapp áðan til að kaupa blys handa krökkunum og kom náttúrulega heim með fullt skott af einhverju dóti... alveg undarlegur andskoti... þar sem ég nenni ekki einu sinni að kveikja í þessu.

Takk fyrir okkur, Steini & Helga

Það verður örugglega gengið hægt um gleðinnar dyr á mínu heimili. Það er eins hjá okkur og Steina og frú að það verður margt um manninn hjá okkur, ég á von á að börnin og barnabörnin heimsækji okkur í kvöld eins og önnur gamlárskvöld, en eina barnabarna barnið okkar á heima í Reykjavík svo það tekur ekki þátt í gleðinni hjá okkur að þessu sinni. Annars , bestu óskir um farsælt nýtt ár og takk fyrir góða viðkynningu hér á spjallinu, eigið gleðilegar stundir um áramót ,,,,mér datt þetta svona í hug,,,,

Ja hver skollinn, gangið hægt um gleðinnar dyr og ég sem ætlaði að mála bæinn
Engin hundur eða köttur til að hafa áhyggjur af, bara eintóm gleði og hamingja með tilveruna.
Himininn er logagiltur og ekki langt í sólsetur, fallegt veður í Borgarnesi og ég er viss um að húsbílafólk í þessum friðsæla bæ þar sem flestir ganga hægt um gleðinnar dyr óska öllu húsbílafólki gleði og gæfu á komandi ári.

Hvatning ykkar um að ganga hægt um gleðinnar dyr höfðu góð áhrif á karlinn og hélt ég mig alfarið innan lóðamarka eftir klukkan 16,00 utan það að aka tengdamóðir minni heim um kl. 23,30
Rétt um miðnættið roguðustum við hryðjuverka tengdafeðgarnir með heljar stórann kassa út á blett.
Í kassanum var hellingur af púðri og ofaná kassanum var mynd af glæsilegum fulltrúum peningavaldsins, ljósadýrðin af þeim félögum var glæsileg og þar með lauk okkar framlagi til mótmæla árið 2008, samhliða stuðningi við björgunarsveitirnar sem eru raunverulegir bjargvættir.
Svo var skálað fyrir nýju ári hringt í vini og vandamenn og í bólið sitt skreið bjatsýnn maður um kl. 03,00

Vona að aðrir Borgnesingar hafi haft svipaðan hátt á, allavega var ljósadýrðin glæsileg.

Já elskurnar mínar öll, takk fyrir skemmtilegt spjall og skemmtileg kynni á árinu sem er liðið, bæði í eigin persónu og á spjallinu.
Mín litla Snotra var nú ekkert sérstaklega að kippa sér upp við hávaðann í gær en henni var nú ekki alveg sama þegar mestu
lætin gengu yfir, en ekkert stress, enda við ekkert að æsa okkur yfir svona smámunum og þá var hún hin rólegasta.
Við keyptum aldrei þessu vant ekkert flugeldadót, bara rauðvín, í okkar huga betri fjárfesting, verður geymt til ferðalaga ársins
Er reyndar búin að vera alveg veik að fara í útilegu vegna veðursins um áramótin, frétti af brjálaðri hjónum en okkur, sem fóru í sínu A húsi í áramótaútilegu núna um áramótin. Það verður örugglega ekki langt liðið á árið þegar við sækjum bílinn og förum af stað.
Væri ekki gaman að fara í Þorraútilegu og borða þorramat saman.
Hlakka til að sjá ykkur öll á ferðinni.

Já, gleðilegt ár elskurnar, hér höfum við haft það gott og voffarnir mínir bara rólegir yfir öllu dúndrinu
Liggur við að maður fái vorfíling í þessari tíð núna 5 stiga hiti ekki amarlegt.
Lét hvarfla að mér að fá bóndann upp í húsbíl og bruna austur til Klausturs, er í fríi fram á mánudag.
Maður hefur varla farið úr náttbuxunum og endalaust sofið fram á dag
Svo ekki veitir af að fara að hrista af sér slenið, byrja rólega á því að labba með voffana

Gleðilegt nýtt ár til ykkar allra, megi nýtt ár verða okkur öllum gæfuríkt og gott.

Það var mikið fjör hér í gær hjá okkur, börn og barnabörn komu hér um kvöldið og borðuðu með okkur, Blaðlaukssúpa í forrétt með hvítlauksbrauði, og í aðalrétt Fylltur Kalkúnn og Hangikjöt með ýmsu meðlæti, og endað var á eftirrétti sem ég er búin að vera með í gegnum árin og er Sítrónubúðingur sem ekki má vanta á þessum degi (var fyrst með þetta á aðfangadag) en eftir að börnin fóru að heiman þá er ég með þetta á gamlársdag svo þau fái þennan fína rétt svona einu sinni á ári (ómissandi) ég læt alltaf eina möndlu í eina skálini og sá heppni fær einhverja gjöf, mikil tilhlökkun hjá öllum hver fær möndluna.

Hér var skotið upp heilmikið og mikil spenna í því, við erum á svo góðum stað hér í Keflavík að við sjáum svo vel alla dýrðina og sumir nágrannanna komu bara með stóla og sátu hér fyrir utan girðinguna hjá okkur og horfðu á öll ljósin. Þetta sprengidót kostar orðið sitt en við létum það ekki á okkur fá og lítum þá svo á að við séum að gera þetta til góðs málefnis en Björgunarsveitirnar fá okkar stunðning enda þar góðir aðilar að verki.

Já það er gott veður þessa dagana og væri ekkert að því að fara í útilegu og ugglaust eru einhverjir sem fara af stað ef veðrið verður svona gott áfram.
Hafdís ég er viss um að einhverjir væru til í að koma saman og halda létt þorrablót ef veðrið verður áfram gott, gaman væri að heyra í einhverjum með það.

Bestu kveðjur til ykkar allra.
Soffía og Sæmi á Keili

Jóla og áramótakveðjur til , spjallverja og reyndar til allra húsbílaeigenda.

Héðan af Ströndum er allt gott, rigning og hiti. Erum farin að hugsa til sumarsins, en bíllin verður ekki tekin úr geymslu fyrr en í apríl.
Varla verður farið í neina stórferð eins og við gerðum á síðasta ári, en það er aldrei að vita, ef að okkur eða einhverjum dettur einkvað í hug þá værum við örugglega til.

Hafið það sem allra best kveðjur.
Benedikt og Signý

Þar sem ég sit hér við tölvuna er skothríðin þvílík hér fyrir utan hjá mér. Við vorum niðrí bæ áðan en þar var Þrettándagleðin haldin hjá Reykjanesbæ, með álfabrennu,kóngur og drottning létu sjá sig og sungu af innlifun og ekki létu jólasveinarnir sig vanta og kvöddu okkur með söng, og allir púkarnir sem þeim fylgdu, nú heldur þessi hersing til fjalla og lætur sér leiðast þar til næstu jóla.

Jæja ágætu félagar á ekki að gleðja lífi hér í spjallsíðurna og eða gestabókina?

Veðrið þessa dagana er eins og vorveður, rigning og þoka, og nú fer maður að telja niður og hlökkum til sumarsins.

Látið heyra í ykkur góðu félagar
Með bestu kveðju
Soffía

Borgnesingar eru með þrettándabrennu en taka því rólega á gamlaárskvöld.
Brennan núna var sú stærsta frá upphafi,aðeins mýrareldarnir voru stærri.
Fyrirtæki eru búin að gera sér grein fyrir þarna er hægt að spara verðmætar krónur sem annars færu í förgunarkostnað og því auðvelt fyrir björgunarsveitina að fá efni í brennuna.
Við gerum ráð fyrir að slökkviliðsstjórinn taki með sér bók um brunavarnir á vaktina í kvöld enda nokkuð öruggt að þessi brenna logar næstu daga, hver veit nema að hann dansi regndans til að auka úrkomuna ef það gæti hjálpað til að slökkva í glæðunum.
Soffía formaður hvetur okkur til að hleypa lífi í gestabókina og spjallið og það er alveg upplagt núna í skammdeginu að fá nokkrar ferðasögur og gaman væri að við gerðum eins og Flakkararnir, værum með léttar eða erfiðar myndagátur.
Svo verður vorið komið áður en við vitum af.

Jæja þá er verið að sprengja burt jólin Mér finnst alltaf leiðinlegt þegar fallega jólaskrautið fer, slökkt á trénu og fl. En áður en maður veit af kemur hækkandi og við sem stundum stangveiði byrjum snemma
Með því fylgja gistinætur í húsbílnum og útivera.
Afa og ömmustrákurinn hefur okkar athygli þessa dagana, held að ég sé nú að koma niður á jörðina, afinn, jeminn hann er að rifna úr monti enda strákurinn eins og afi (segir afinn)
Soffía: sammála þér að það þurfi líf hér og eitthvað skemmtilegt að lesa, og Steini: ef þú lest þetta, er hægt að herma eftir flökkurum og setja þrautir, púsl og eitthvað skemmtilegt á síðuna okkar, eins og hann Björn talar um?
Gaman væri ef fólk sendi inn myndir úr ferðalögum og við hin ættum svo að púsla henni saman.

Á Ströndum snjóar nú í logni , hér eru aldrei brennur á þrettándanum en björgunarsveitin er alltaf með flugeldasýningu og er þá skotið upp af bryggjunni og er flest fólkið upp við kirkju og þá í sömu hæð og sprengjurnar springa. Á áramótum er mjög stór brenna byggð úr brettum sem falla til í rækjuvinnslunni og er úr nógu að taka þar. Er sammála að gaman væri að hafa myndgátur eins og Flakkara hafa
Vil benda á ferðasögu sem er eftir fólk sem býr í norður Noregi um 70 gráður norður en þau fóru til Þýskalands í haust. Hjónin sem við kynntumst í ferðalagi okkar til Noregs reka tjaldstæð á sveitabæ og voru áður með kúabú, hættu því og fóru út í ferðamennsku. Slóðin er
www. http://hattefigga.blogg.no/

Já svona er þetta, nú tekur alvaran við, ég þori ekki að stíga á baðvogina eftir allt þetta át, maður lifandi verður að gera eitthvað í þessu . Það eru nú fleiri afar og ömmur dálítið upp með sér núna, við vorum að fá annað langafa og ömmubarnið nú fyrir tveim dögum, höfum bara fengið mynd af honum í tölvunni. Hann er myndarlegur eins og langafinn ,hahaha. Hann á heima í Reykjavík, svo það verða líklega einhverjir dagar þangað til að maður geti byrjað að gera hann óþægan ,,,, mér datt þetta svona í hug,,,,

Til hamingju með langafa-ömmubarnið, Ægir og Sigga það er alltaf gaman af blessuð börnunum, aldrei fæ ég leið á þeim
Hef gætt barna í heimahúsi í 10 ár og sagðist ætla að hætta þegar barnabörnin kæmu, er bara komið eitt svooo einhver ár enn

Oh vildi að ég væri í snjókomunni hjá ykkur á Ströndum, hér er bara rigning og allt svart

Held að slökkviliðsstjórinn hafi látið allt slökkviliðið dansa regndans í gærkveldi.
Brennan hefur ekki átt nokkurn séns í alla þá rigningu sem hefur verið í alla nótt og þegar ég kom niður í morgun sást ekki nokkur eldur.
Flott hugmynd Anna að fá fólk til að senda inn myndir og láta okkur hin finna út úr púslinu, svo máttu alveg senda inn mynd af Jóni og litla afastráknum svo við getum séð hvort það sé rétt að þeir séu líkir.
Annars bara áfram með fjörið, allt vel þegið, jafnvel kreppukjaftæði, þó ekki í fyrsta sæti.

Æ, æ nú þarf að fara að taka til hendinni og setja jólaskrautið í kassa og koma því upp á loft, er ekki alveg í stuði til þess, svo er svo tómlegt þegar þetta allt hverfur oní kassana, æ, ég held ég geymi þetta fram að helgi.

Hvernig fannst ykkur skaupið?? Við sem horfðum hér saman 18 manns vorum mjög sátt með það og hlógum mikið. Frábært að fara bara inn á "Face-book" (ekki kann ég það) og sjá þar að von er á barni og daman "single" án þess að hinn "partnerinn" viti af því, já það eru ekki mikil samskifti, en þetta er víst svona í raunveruleikanum, heyrði það á samstarfsfélögum mínum þegar verið var að ræða þetta á kaffistofunni, þau vissu dæmi um svona lagað.

Atriðið hjá þjónustufulltrúanum í bankanum var alveg frábært "Ævintýri gerast" já gera grín að þessari kreppu sem er (þó manni sé nú ekki grín í huga) en þau gátu að mínu mati gert þó eitthvað jákvætt úr þessu Brynhildur flott í hlutverkinu.
og ekki skemmdi "Gaggó vest, Gísli flottur í stuttbuxunum" Já skaupið fékk náð fyrir okkar augum og eyrum.

B.kv.Soffía

Anna M nr 165 skrifaði:...
Soffía: sammála þér að það þurfi líf hér og eitthvað skemmtilegt að lesa, og Steini: ef þú lest þetta, er hægt að herma eftir flökkurum og setja þrautir, púsl og eitthvað skemmtilegt á síðuna okkar, eins og hann Björn talar um?
Gaman væri ef fólk sendi inn myndir úr ferðalögum og við hin ættum svo að púsla henni saman.

Er ekki alveg viss um hvaða púsl ú ert að tala um? Fann ekkert slíkt á Flakkarasíðunni? Ef þið viljið setja inn myndagetraun þ.e uppá það að reyna að finna útúr því hvar ákveðin mynd er tekin... ja þá þarf eins og ég sagði síððast... að senda mér einhverjar slíkar því ég á engar slíkar myndir af einhverjum fáfarnari slóðum og reyndar bara yfirleytt engar landslagsmyndir:-)

keilir skrifaði:
.... Hvernig fannst ykkur skaupið??
B.kv.Soffía

Mér fannst skaupið óvenju gott og gersamlega grenjaði úr hlátri t.d yfir þjónustufulltrúadæminu og Facebook ádeilunni og svo fannst mér símsvaradæmið meiriháttar líka. Ilmur og Brynhildur voru perlur þarna!

Kv. Steini

Steini ég á nokkrar myndir sem sennilega væri hægt að nota. Sendi þér póst með einni mynd.

Steini setti nú ?-merki fyrir aftan textann minn hef ekki séð flakkarasíðuna lengi, en ég veit að svona myndapúsl eru á heimasíðum barna á barnaland.is mæðurnar setja myndir inn á síðurnar fyrir gesti að pússla, segi eins og Ægir núna.. mér datt nú þetta svona í hug......