Jólakveðja...

Ægir og Sigga á "L'INU" senda öllum spjallverjum bestu óskir um gleðileg jól með ósk um gott og gleðiríkt nýtt ferðaár og frá franskasta bæ landsins er kveðjan einnig á frönsku" Joyeux Noel" ,,,,mér datt þetta svona í hug,,,,

Við óskum ykkur öllum sömuleiðis gleðilegra jóla og gleðilegs nýs árs, með þökk fyrir það sem nú er að líða. Við höfum notið þessa árs alveg einstaklega þrátt fyrir smámuni eins og smákreppu, smájarðskjálfta og annarra smámála

Kveðja, Steini & Helga

Óska ykkur öllum gleðilegra jóla, takk fyrir góð kynni á árinu sem er að líða
Megum við eiga gott ferðaár framundan og samverustundir Hafið það sem best kæru spjallverjar og makar,
jólakveðjur frá okkur Jóni og Önnu á Veiðiskreppi

Við Þóra óskum öllum spjallverjum og öðru húsbílafólki gleðilegra jóla og farsældar á komandi ári.
Árið hefur verið okkur lærdómsríkt og við tökum undir með Steina að þessi tími er að baki og við göngum mót hækkandi sól, við stefnum að því að vera miklu duglegri að ferðast á komandi ári.

Kveðja, Þóra og Bjössi.

Sami pakki hérna megin

Óskum ykkur öllum gleðilegra jóla og farsældar á nýju ári.
Kærar þakkir fyrir skemmtileg kynni á spjallinu og hlökkum til að kynnast ykkur meir á ferðalögum okkar á nýja árinu.

Jólakveðjur Ágústa og Guðni Mánadís

Loksins er ég komin inn. Tíndi lykilorðinu en með hjálp frá Steina tókst þetta.
Við óskum ykkur öllum gleðilegra og friðsælla jóla og farsældar á komandi ári. Þökkum allar samverustundirnar á árinu sem er að líða. Við hlökkum til að sjá ykkur á næsta ferða ári.Salla og Siggi. 447

Jæja ágætu félagar var að lenda í veseni að komast inn en Steini bjargvættur bjargaði konunni á síðustu stundu.

Kæru spjallverjar og aðrir félagar nær og fjær. Áhöfnin á Keili og Ólafur á Kríunni senda ykkur öllum hugheilar jólakveðjur, gæfuríks komandi árs. Með innilegu þakklæti fyrir skemmtilegt spjall og skemmtilega viðkynningu í ferðum félagsins. Við vonumst svo til að hitta ykkur öll í ferðum félagsins á komandi ári og á öðrum uppákomum félagsins á næsta ári, hress og kát, með bros og yl í hjarta. Megi þið öll njóta friðar og ástar um jól og áramót.

Hamingjan gefi þér gleðileg jól
gleðji og verndi þig miðsvetrarsól.
Brosi þér himininn heiður og blár
og hlýlegt þér verði hið komandi ár.

Guðs blessun ykkur til handa
Soffía og Sæmi á Keili. Ólafur á Kríunni