Velkomin á spjallið!

Eitthvað jákvætt í kvöld eða krepputal??

Halló, verum jákvæð, annars getum við orðið andvaka.
Það var einhver spámaður sem sagði að við yrðum fljót að hrista þetta af okkur, best að trúa á það enda rétt.

Tökum nú eitthvað jákvætt, það er svakalega sniðugt þetta sem akureyringar eru að gera með jákvæðnina
hjörtun og málshættina og allt það, við húsbílafélagar ættum að taka upp eitthvað svona jákvætt sem hægt er að setja í gluggana á bílunum, öllum bílunum, sem bendir á eitthvað jákvætt, ekki veitir okkur af til þess að komast í gegnum þessar neikvæðu fréttir alla
daga.
Það væri gaman að setja eitthvað sem fær fólk til þess að brosa að, er svona að velta því fyrir mér hvað það gæti verið.
ÉG hef horft nokkrum sinnum á mynd sem heitir "Chasing liberty" og þar lenda skötuhjú í því að vera rænd og náunginn lét þau hafa í staðinn mynd af broskalli, sem átti að breiða út boðskap gleði. Og löngu seinna við allt aðrar aðstæður rakst þessi unga kona á þessa mynd af broskallinum og lífið tók gleðikipp. Ekki veitti okkur af því að fá smá gleði inn í líf okkar núna.
Hugmyndir, gerið það komið með hugmyndir.

Það væri nú skemmtilegt að hafa eitthvað á bílunum sem fengi fólkið til að brosa. Líst vel á hugmyndina ,allir að leggja hausinn í bleyti

Bara jákvætt að sjá hve margir eru komnir á spjallið í kvöld
Tala nú ekki um að vera með Gullbylgjuna á eyrunum, úhh þau gömlu góðu
það væri snilld ef við fyndum gott slagorð sem allir í félaginu myndu setja á bílana, svona góð skilaboð til allra á vegum landsins. Svona límmiða eins og kaninn er með.

Ég gleymdi nú að segja ykkur frá sjokkinu sem ég fékk í morgun
hvað haldið þið að ég hafi séð þegar ég fór á fætur??
Kartöflupottinn á eldavélnni og ennþá kveikt undir honum Búinn að vera á í 12 tíma. Ég hætti við að nota þær og steingleymdi þeim.
´Það mætti alveg vera til einhver skynjari á þessum rándýru keramikhellum fyrir svona aula eins og mig

Húrra fyrir þeim á Akureyri.
Hafdís vill að við gerum eitthvað til að létta okkur lund og nefnir bíómynd þar sem broskarl kemur við sögu.
Er ekki upplagt að einhver framleiði broskarla til að setja í bíla og við hin setjum bros í afturrúðuna.

Anna M nr 165 skrifaði:Bara jákvætt að sjá hve margir eru komnir á spjallið í kvöld
Tala nú ekki um að vera með Gullbylgjuna á eyrunum, úhh þau gömlu góðu
það væri snilld ef við fyndum gott slagorð sem allir í félaginu myndu setja á bílana, svona góð skilaboð til allra á vegum landsins. Svona límmiða eins og kaninn er með.

FINNA SLAGORÐ það er málið!

Ágústa B 696 skrifaði:Ég gleymdi nú að segja ykkur frá sjokkinu sem ég fékk í morgun
hvað haldið þið að ég hafi séð þegar ég fór á fætur??
Kartöflupottinn á eldavélnni og ennþá kveikt undir honum Búinn að vera á í 12 tíma. Ég hætti við að nota þær og steingleymdi þeim.
´Það mætti alveg vera til einhver skynjari á þessum rándýru keramikhellum fyrir svona aula eins og mig

Þá áttu væntanlega góða kartöflumús Skil að þér sé brugðið, en ertu ekki með reykskynjara? Hann ætti að fara af stað
Minnir mig í denn þegar sumir ætluðu að fá sér egg

Reykskynjarinn fór ekki í gang því að enginn reykur né lykt var í loftinu þegar ég vaknaði. Karpellurnar voru svolítið spúkí ,tómar innundir flusinu og það grjóthart. Guðni vildi þær ekki í kvöldmatinn Ég skildi það bara ekki

Björn H. no. 29 skrifaði:Húrra fyrir þeim á Akureyri.
Hafdís vill að við gerum eitthvað til að létta okkur lund og nefnir bíómynd þar sem broskarl kemur við sögu.
Er ekki upplagt að einhver framleiði broskarla til að setja í bíla og við hin setjum bros í afturrúðuna.

Ég myndi vilja sætan svona á afturrúðuna.

Hvað eru Akureyringar að gera? Hef ekkert heyrt um það

Jæja við systurnar að verða einar

Akureyringarnir setja hjörtu í rauðu ´ljósin og ljóð og vísur um allan bæ.

Æ, en sætt, er sjálf að stilla mig um að setja seríu upp, bara inni fyrir mig og börnin.
Það styttist nú í að setja upp dagatalið

http://s3.frontur.com/img/11519/20080121091337_1.jpg

Langar að prufa og sýna dagatalið sem ég set upp fyrir dagmömmubörnin, vonandi sést myndin

Myndin sést vel. Hvernig er þetta gert þ.e. myndin?

Hvenær ætlið þið að setja upp jólaljósin? Hef heyrt að verið sé að hvetja fólk að byrja snemma til að létta lundina.

Svona, svona, við verðum að hugsa og það tekur tíma hjá körlum.
Broskarl og vinaleg skrif með, það gæti virkað.
Það gætu verið nokkrir mismunandi textar.

Get bara sett hana af því hún er vistuð á netinu. Stelpurnar kenndu mér þetta fyrir löngu, var bara að athuga hvort ég myndi aðferðina.

Björn H. no. 29 skrifaði:Svona, svona, við verðum að hugsa og það tekur tíma hjá körlum.
Broskarl og vinaleg skrif með, það gæti virkað.
Það gætu verið nokkrir mismunandi textar.

Þú ert nú svo mælskur Ertu ekki með hugmyndir á færibandi?
Komdu með nokkrar

Hva... bara enginn heima lengur?

- Mitt motto er "Þetta fer aldrei verr en illa" - Held að það færi bara vel með broskallinum.

Kv. Steini

Nei enginn heima Rosa lélegt í kvöld, voru mest 7 manns held ég.
En maður er bara jákvæður þessa dagana og það kemur kvöld eftir þetta kvöld.
P.s mitt mottó er að lifa lífinu lifandi

Mér datt það í hug, (þurfti að skreppa aðeins út) að það gæti nú fengið fólk til þess að brosa pínulítið að hafa
límmiða sem væri eins og flatskjár í laginu með mynd af Davíð oddssyni brosandi inní, það myndi minna okkur á hvað þetta
er allt broslegt í sjálfu sér ástandið, allt flatskjánum að kenna

Gott kvöld gott fólk.

Brosið er eins og pósturinn
dreifir glaðningi til fólks
Stundum kemur hann ekki með glaðning
ef þú brosir alltaf....
....færðu alltaf skemmtilegann póst. (Júlíus Júlíusson)

BROS--stysta fjarlægðin milli tveggja einstakinga.

Kv.Soffía Keili

Varð að fara annað og gleymdi að aftengjast eins og stundum áður.
Held að það gæti verið gaman að halda svolítið áfram með broskarlana.
Víkkum svolítið út hugsunina, hvað með eitthvað létt í húsbílana, gæti blíðkað geðstirða vegfarendur sem telja okkur til baga í umferðinni.
Fjölgum slagorðum fyrir núið, það grípur einhver þetta og fer að framleiða.

Steini segir „Þetta fer aldrei verr en illa"
Soffía segir „BROS--stysta fjarlægðin milli tveggja einstaklinga“
Þessir eru góðir en það vantar fleiri.

Ég er nú með merki Fjarðabyggðar sitthvoru megin á mínum bíl " Fjarðabyggð, þú ert á góðum stað". Það er spurning hvort það verður áfram. Annars er ein tillaga svona " Þetta er bara svoo þægilegt" Öll vitum við hvað er þægilegt að ferðast í húsbíl, , lesist eins og það er skrifað með áherslu á svo með tveimur oum, ,,,, mér datt þetta svona í hug,,,,

Brostið er okkar vopn
Láttu hjartað ráða og brostu
Bros fyrir þig og þína
Bros fyrir lífið sjálft.
Brostu þú þarfnast þess.
Brosið beint í æð
Brostu allir eru sérstakir
Brostu og allt gengur betur
Víkingar í vígahug brosa
Íslenskir hryðjuverkamenn brosa
brostu framan í heiminn, þá brosir hann framan í þig!

Bros hefur mátt, bros skiptir máli,
bros gefur orku, bros læknar,
bros er það sem allir þrá,
bros er kærleiksgefandi
dreifðu kærleik brostu.
Júlíus Júlíusson

Þarna í ljóðinu sá ég gott slagorð sem gæti hentað á límmiða, en það er :

Bros fyrir þig og þína

Gæti alveg hugsað mér það á bílinn okkar