Tárin eru að þorna..

Rosalega var gaman að fylgjast með strákunum okkar í sjónvarpinu. Ég ætlaði bara ekkert að þorna um augun allan þennan tíma sem útsendingin stóð yfir Þetta verður lengi í minni haft!

Nú í aðra sálma.
Mig langar endilega að fá eitthvað líf á spjallið okkar en ykkur??
Verum duglegri með lækkandi sól.

Margt framundan í félaginu svo margt er að tala um. KOMA SVO!

Já, maður er stoltur íslendingur þessa dagana
Alveg er ég til í að efla "lifandi" spjall hérna Þá á ég við að vera sem flest innskráð og tala saman í "beinni"
Hvernig væri í vetur að hafa eitt fast kvöld vikulega til að tengjast sem flest og spjalla saman?
Hvað finnst ykkur um það ??

Sæl og blessuð.... Já þetta var meiriháttar og ótrúlegur mannfjöldi sem kom saman til að fagna liðinu. ´

Já það væri gott að hafa heldur meiri tíma til að sinna spjallinu að maður tali nú ekki um ferðalögin... en þessa dagana er ég að reyna að koma húsinu í horf eftir miklar múrviðgerðir í sumar og er semsagt að nýta hverja þurra stund til þess að mála og lagfæra. Svo ákvað ég að skipta út restinni af glerinu í húsinu svo enn bætist við - Svo er það bara þannig að þegar maður byrjar er svo erfitt að stoppa einhversstaðar

En vonandi tekur þetta þó enda fljótlega svo maður komist þó ekki væri nema eins og eina ferð í viðbót á Viðhaldinu. En ég er hinsvegar að verða búinn að fá uppí háls af viðhaldinu... enda er það er allt önnur ella

Kv. Steini
ps. @Anna - Góð hugmynd og ég er til...

Hvað er að gerast með okkur hjónin, íþróttaþættirnir hafa ekki haldið vöku fyrir okkur og ætli það verði stór breyting á því næstu árin, nema okkar fólk taki upp á því sama og strákarnir okkar.
Þóra tók upp á þeim fjanda að horfa á strákana, hún hefur átt þetta til núna í seinni tíð, segir að þeir séu með svo flottan kropp,kúlurass og eigi bara að fara út að hjóla, ekki batnaði það þegar karlinn tók upp á sama fjandanum, góna á stráka hlaupandi fram og aftur eltandi bolta.
Í gær sat ég límdur við sjónvarp frá því þotan lenti þar til kastljósi lauk, er ekki alt í lagi með mig?
Svona er þetta trúlega með fleiri sem lítið fylgjast með íþróttum, þeir hrífast með og samgleðjast þjóðinni.
Ágústa vill meira líf á spjallsíðuna og þar er ég sammála, það ætti að vera fastur liður húsbílafólks að kíkja inn og taka þátt í spjallinu.
Það mætti taka fyrir nokkra liði yfir veturinn og svona á meðan fólk er ferskt eftir ferðalög sumarsins þá væri upplagt að byrja á hvert fórst þú í sumar og hvað stóð uppúr.
Steini er orðin leiður á viðhaldinu og vill komast burt á viðhaldinu, Steini viðhaldi fasteigna líkur aldrei og fer aldrei frá okkur, en hvernig gengur að skipta út hinu viðhaldinu?
Svo er það blessuð vinnan hún vill tefja.
Við Þóra förum til Spánar núna í lok september með bróðir mínum og hans konu, ætlunin er að skondra svolítið um á bílaleigubíl ef veður leyfir.
Svo er bara að vera virkur, helst ekki ofvirkur á spjallinu þegar maður kemur heim.
Kveðja
Björn H. 29

Mikið hefur maður verið stoltur af strákunum okkar. Hafði reyndar ekki mikinn tíma til þess að horfa í gær á útsendinguna, en það sem ég sá var yndislegt. ÉG horfði á þá fá krossana og mér finnst þetta svo mikið til sóma að íslendinar skulu fá orðumenn sem þeir eru sjálfir sáttir við, því oft er verið að veita orður fólki sem enginn þekkir haus né sporð á og fáir vita hvers vegna.
Við erum á leið til Spánar nú í byrjun sept, svo ég vona að þið öll hafið það gott á meðan hittumst svo vonandi síðar í sept í haustútilegunum. Gaman Gaman.
Hvað er að heyra Steini leiður á viðhaldinu, það er nú það sem allir eru svo ánægðir með
þess vegna hafa menn viðhald.
Sjáumst kannski í útilegu um helgina eftir vonskuveðrið sem á að fara að skella á síðar í dag.

Björn H. no. 29 skrifaði:...Steini er orðin leiður á viðhaldinu og vill komast burt á viðhaldinu, Steini viðhaldi fasteigna líkur aldrei og fer aldrei frá okkur, en hvernig gengur að skipta út hinu viðhaldinu?
Svo er það blessuð vinnan hún vill tefja.
Við Þóra förum til Spánar núna í lok september með bróðir mínum og hans konu, ætlunin er að skondra svolítið um á bílaleigubíl ef veður leyfir.
Svo er bara að vera virkur, helst ekki ofvirkur á spjallinu þegar maður kemur heim.
Kveðja
Björn H. 29

Já ég veit svo sem að viðhaldinu lýkur aldrei en við ákváðum samt að gera heldur meira núna á einu bretti og eiga þá kannski lengra frí frá svona stærstu póstunum næstu árin og geta þá frekar sinnt Viðhaldinu í staðinn - Annars var Helga mín að hvetja mig til að kaupa Kúbuferð um daginn en mig hálf langar að komast þangað áður en Castró sjarminn er farinn af. Finnst eitthvað svo flott að sjá gömlu bílana sem enn eru í daglegu brúki þarna og kynnast þessu mannlífi eyjarskeggja áður en Bush og félagar ná að eyðileggja þetta allt saman og nú eru síðustu forvöð. En fannst við búin að eyða fullmiklu og fullmikið eftir að gera til að geta réttlætt þetta fyrir mér og síðan hefur maður svo sem ferðast býsna í sumar.

hafdísjúlía skrifaði:... Hvað er að heyra Steini leiður á viðhaldinu, það er nú það sem allir eru svo ánægðir með
þess vegna hafa menn viðhald.
Sjáumst kannski í útilegu um helgina eftir vonskuveðrið sem á að fara að skella á síðar í dag.

Æji það er nú stundum með viðhaldið að það skapar fleiri vandamál en það leysir Allavega svona önnur tegundin af því.

Mér sýnist maður allavega ekkert mála í dag svo mikið er víst, en það má þá saga og negla í staðinn

Kv. Steini

Sælt veri fólkið.
Gaman að heyra í Birni sem skilur ekkert í sjáfum sér límdur við skjáinn að horfa á strákana elta einhvern bolta, en svona er þetta þeir hrífa mann með sér "strákarnir okkar". Þetta var alveg glæsilegt hjá þeim að ná Silfrinu og frábærar móttökurnar hér heima og gaman að fylgjast með þessu í sjónvarpinu í gær. Ég lagði það nú á mig á sunnudagsmorguninn að vakna kl. 7.30 stillti símann til að vekja mig,til að horfa á úrslitaleikinn,fór nefnilega seint að sofa um nóttina , segi ykkur ekki hvað seint..., var á afmælishátíðinni að Goðalandi í feikna fjöri þar,,,, allann tímann hélt maður í vonina að þeir næðu "Gullinu" en Frakkarnir voru fjandi sprækir en þetta var flott hjá okkar mönnum. Áfram Ísland

Afmælishátíðin hjá Félaginu okkar var alveg glæsileg og Stjórn, skemmtinefnd og ferðanefnd til sóma. Það voru um 400 manns saman komin og gek þetta allt svo vel, það var þröngt setið en það þjappaði bara félögunum meira saman. Maturinn góður og þeir fóru á kostum Davíð og Stfán ég hef nú heyrt í þeim nokkrum sinnum og ég ar alltaf jafn hrifin af þeim.

Ég hef nú verið frekar slöpp á spjallinu undanfarið en ég er alveg sammála ykkur það þarf meira líf hérna inn og vonandi koma fleiri og láta heyra í sér

Við hjónin förum til Marmarys á Tyrklandi um miðjan september, hlökkum mikið til höfum aldrei komið þangað en við ætlum að fara í Húsafell með félaginu og lokaferðina, það má ekki missa af neinu....

Kæru félagar koma svo á spjallið
Kveðja Soffía Keili