Jæja hvert fór svo fólk um helgina?

Renndum í hlað eftir fína helgi, nú rétt fyrir úrslitakleikinn í evrópukeppninni. Fórum á föstudagskvöldið með Draumakotsgenginu að Brúarlandi í Landssveit og gistum þar eina nótt. Talsvert hvasst undir morgun og um 6 leytið þurfti undirritaður að bregða sér í brækurnar og hala inn markísuna. Þá voru fleiri að... en einhverjir sváfu af sér rokið og fengust við afleiðingarnar seinna um morguninn:-)

Fórum svo í Galtalæk II á laugardeginum og plöntuðum vögnunum þar í algeru skjóli og nutum sólarinnar og frábærrar aðstöðu. Vorums vo heppin að tengdasonurinn var staddur þarna og var að gróðursetja í sumarbústaðalandinu þeirra, og var á lansbíl frá okkur svo við fengum hann bara lánaðan á laugardagskvöldið og skutluðumst á hippaball(hátíðina Klofarokk) á Brúarlandi. Helga sagði reyndar að Klofarok hefði verið nær að kalla þetta

Þarna voru allir í algerum hippagöllum með síðar hárkollur og alles og vantaði ekkert nema sýru, kannabis og rigningu til þess að þetta væri "Woodstock all over again". Við stoppuðum nú ekkert of lengi á ballinu en höfðum gaman að fylgjast með liðinu og hlæja smá að þeim allra skrautlegustu... en þetta vakti óneitanlega upp gamlar minningar.

Kolli Siggi fór þarna á sitt fyrsta sveitaball en þótti ekki mikið til koma og þegar ég fór að kíkja eftir honum var hann úti á tjaldstæði að horfa á skýin í sólsetrinu og fannst mun meira til þeirra koma en hippanna

En semsagt flott helgi og frábært að vera í Galtalæk, en þar er dauðskjól fyrir norðanáttinni og bráðfallegt tjaldstæðið með há trjáskjólbelti á báðar hendur.

Kv. Steini

Já Steini, Helga, Kolli, og Ýmir þetta var frábær helgi í alla staði.
og frábært að koma þarna á tjaldstæðið hjá þeim í Galtalæk II
Takk kærlega fyrir góða helgi.

Já það er fjör, aldeilis gaman hjá ykkur
Helgin hjá okkur var eins og jójó Jón að vinna á laugardeginum og ætlunin var að skreppa eitthvað eina nótt, en ég var heima með elstu mína sem er búin að vera mikið veik og að jafna sig eftir aðgerð
Eftir tvær bráðavaktaheimsóknir er hún stabil akkúrat núna, fékk segulómun og á að tala við taugaskurðlækni á morgun, kannski blasir önnur aðgerð við